[FRANCELI]
"OH. MY. GOSH."
Yan ang nasabi ni Steph nang ikwento ko sa kanya 'yung inamin sa'kin ni Reuben kagabi. Kahit papano, binagabag ako sa naging pag-amin niya kaya agad akong nagkwento kay Steph. Nanlalaki ang mga mata niyang nakatitig sa'kin. "Besh, sorry pero kinikilig pa rin ako sa nangyari! OMG talaga! Kahit late na."
"Yun nga ang nakakatawa," sagot ko naman. "Imagine kung noon niya yun sinabi sa'kin, siguro ang saya-saya ko na ngayon. Baka nagpa-party na 'ko, nagpa-misa sa simbahan at nag-donate sa mga charities kapalit ng sinabi niya. Ang kaso, late na late na."
"Ano ka ba besh, it's better late than never," hirit niya.
Nagtaas ako ng kilay dun. "Ay ewan ko sa kanya! Aanhin ko naman ngayon 'yung sinabi niya?"
"Pero besh, aminin mo, mahirap din 'yung ginawa niyang pag-ami
