NAGULAT si Kring-Kring nang mabasa ang mga text message ng kanyang mama. Dumating na raw ang naniningil ng utang sa kanila at ireremata na ang bahay nila! Dali-dali siyang umalis ng faculty room kahit may susunod pa siyang klase. Naka-off kasi ang cell phone niya kapag nagtuturo kaya ngayon lang kung kailan break niya nabasa ang text messages sa kanya.
Palabas na sana siya ng eskuwelahan nang may magarang kotse na umagaw sa kanyang atensiyon. Kotse iyon ni Paul Christian. Hindi nga siya nagkamali dahil bumaba mula sa driver's side ng sasakyan ang binata. At gaya ng madalas mangyari, natunaw na naman siya sa kaguwapuhan nito dahil naka-shades at kamukha na naman nito ang mga Hollywood actor na crush niya.
Dumagundong na naman ang t***k ng kanyang puso. Ilang araw din niyang hindi nasilaya
