Five years later...
"MA'AM Pascual, magkuwento ka na lang po tungkol sa first love mo."
"Oo nga po. Para ma-inspire po kaming gawin ang assignment namin."
Tumigil sa pagbubura ng blackboard si Kring-Kring at hinarap ang mga estudyante niyang nasa huling taon ng high school. Nakangisi ang mga ito, halatang inuubos na lang ang oras sa kuwentuhan para hindi na siya makapagsimula ng panibagong lesson. Alam iyon ni Kring-Kring dahil gawain niya rin ang bagay na iyon noong nag-aaral pa siya. Advance na ng isang lesson ang kanyang klase kaya okay lang kung papatulan niya ang "pakikipagkuwentuhan" sa mga bata.
Tumikhim si Kring-Kring. "Well, what do you want to know about my first love?"
Nagtaas ng kamay ang isang dalagita. "Ano po'ng pangalan niya at kailan kayo nagkakilala, Ma'am?"
Humaluk
