Kimberly Marquez
HINDI ko alam kung kanino ako titingin sa mga oras na ito. Dalawang gwapong lalaki ang nasa harap ko at hindi man sila nagsasalita, tila nag-aaway na sila sa kanilang isip.
Pakiramdam ko talaga ay may alitan ang dalawang ito at ayoko nang malaman pa kung ano ang bagay na iyon dahil kung minsan, hindi ko maiwasan ang pagiging tsismosa ko.
“May problema ba, Seven?” wika ng lalaking nasa harapan namin ngayon.
“It’s been a long time, Mark,” maiksi at walang gana namang tugon ni Seven.
“Yes, it has been a long time pero wala pa ring nagbago.” Ang matalas na tingin kanina ni Mark ay napalitan ng mas nag-aapoy na tingin. Hanggang sa maya-maya lang, bumaling siya ng tingin sa aking direksyon at nagbigay ng ngiti. “Anyway, nandito ako ngayon para i-congratulate ang girlfriend
