Kimberly Marquez
GABI na nang marinig ko ang pagbukas ng pinto sa silid ni Seven. Kasalukuyan akong nakahiga sa aking kama at hindi makatulog. Alas diyes na rin ng gabi at ngayon lang siya nakauwi. Ano kayang ginawa ng mokong na 'yon?
Mabilis kong iniling ang aking ulo at pilit na inalis ang mga bagay na iniisip, ngunit kahit anong gawin ko, paulit-ulit na nagpapakita sa aking alaala ang nangyari kanina. Baka ganito na talaga ako kabaliw sa kanya?
Nakailang ikot na ako sa higaan, hindi pa rin ako makatulog. Hanggang sa magdesisyon akong umupo at isandal ang likod sa headboard ng kama.
Umabot na ng alas dose ng gabi hindi pa rin ako makakuha ng tulog. Isang buntonghininga ang aking ginawa saka marahang nilapat ang paa sa sahig. Tumayo ako at lumabas mula sa aking silid.
Nagtungo ako sa
