[MANDY]
Kinutuban ako agad sa mga sinabi sa'kin ni Charlie kaya nagpasama ako sa kanya doon sa 'kaibigan' niya. Dinala niya nga ako doon sa puno ng Balete kung nasaan ang sinasabi niyang kaibigan. "Asan siya, Charlie?" tanong ko pagkadating namin sa paanan ng puno, dahil wala naman akong makitang bata o halimaw sa paligid.
Gayun pa man malakas pa rin ang t***k ng puso ko dahil naga-anticipate pa rin ako ng isang nakakatakot na eksena tulad noong nangyari doon sa morgue sa ospital. Hinahanap pa rin ng utak ko ang panganib na ipinangako sa'kin ni Dimitri. At saka napakapamilyar naman ng eksenang ito. Halimaw na bata na nakatira sa puno ng Balete? I mean, what are the odds, 'di ba?
"Ayun po siya o!" turo naman agad ni Charlie sa taas namin kaya napatingala naman ako agad doon sa itinuturo
