[MANDY]
Kinabukasan lumipat na kami doon sa mansiyon na binili niya. Tuwang-tuwa ako dahil ito 'yung bahay na tiningnan namin, 'yung may circular room na gustong-gusto ko. Sa sobrang saya ko nga, nakalimutan ko nang pumasok sa trabaho ko. Buti na lang tinawagan ni Dark si Vier at sinabihan itong masama ang pakiramdam ko. Pero sa tono ng pagtawa ni Dark habang kausap ang kaibigan niya sa telepono, alam kong hindi maniniwala si Vier sa dahilan ko kung bakit ako hindi pumasok ngayon.
Umalis noong tanghali si Dark para dalawin ang kapatid niyang nasa ospital pa rin, at dahil bored ako, nagpunta na lang ako sa isang malapit na supermarket at namili ako ng mga gamit namin ni Dark. Hindi na kasi namin dinala 'yung ibang mga gamit namin sa St. Thaddeus na luma na. Namimili na ako ng mga plato ng
