[MANDY]
"W-Wala naman kasi talaga," pagtatakip ko pa sa tunay na nangyari. "Kita mo naman o, may nakita ka bang nandito?" Sinubukan ko talagang pakalmahin ang boses ko para hindi halata na nagsisinungaling ako pero nagdududa na yata talaga sa akin si Vier. Ang sama na kasi ng tingin niya sa akin.
"Just tell me what really happened here, Mandy. Kung ayaw mo na makarating dito ang Evictu," aniya.
"Eh 'di pumunta sila rito," sagot kong nagpapakamaldita. "Wala naman kasi talagang Devial na nagpunta rito, Vier! Saka kung meron man, bakit ko ililihim sa 'yo ang bagay na iyon eh gusto nga nila akong hulihin 'di ba? Ang shunga ko naman nun," dagdag ko pa.
Hindi na siya nakasagot doon at sa tingin ko ay nakumbinsi ko siya sa argument ko kahit papano. Sana nga lang ay hindi niya maisip na baka
