[MANDY]
Umatras ako nang umatras papunta sa pinto sa sobrang takot. Hindi na ako makapagsalita, at sa loob ng utak ko ay nagpa-panic na ako. Napapaisip kasi ako nang malala. Paano napunta rito ang batang Devial na 'to? At bakit siya nandito? Inutusan ba siya ni Aurelio na saktan ako? Hulihin? Or worse, patayin?
Grabe 'yung kabog ng dibdib ko ngayon. Ang nakakaloka pa, hindi na ako makasigaw para sana makahingi man lang ng tulong kina Vier at Aldy na nasa baba lang naman. Nakatitig lang ako kay Aaron na nakita kong nagpapagpag ng bubog sa damit niya. Napansin kopa nga na ang suot niya pa rin 'yung damit na suot niya noong huling beses ko siyang nakita sa ospital. Nakasuot siya ng kulay navy blue na t-shirt na nagsusumigaw sa kadumihan. Tapos ang suot niyang pambatang maong shorts ay maram
