Kahit anong kurap ang gawin ko ay nakikita ko talaga si Jared Mijares na nasa pinto ng restaurant at nakatingin sa akin!
Mahigit isang taon ko siyang hindi nakita pero hindi naman gaanong malaki ang pinagbago sa itsura niya kaya imposibleng hindi ko siya makilala!
Feeling ko ay mas tumangkad siya ngayon at mas… mas gwapo dahil iba ang hairstyle niya kesa noong huli ko siyang makita!
Naglakad siya palapit sa akin kaya nahigit ko ang hininga at agad na napakislot sa upuan.
Bakit ba parang… parang sa akin siya lalapit?!
Sa sobrang pagka tuliro ko na ako nga ang tinitingnan niya ay pasimpleng lumingon pa ako sa likuran ko para i-check kung may tao sa table na nasa likuran ko. Nang makita kong walang tao doon ay agad na napasinghap ako at binalik ang tingin sa harapan. Pero sa gulat ko ay
