Buong gabi kong pinag-isipan ang tungkol sa paglipat ko ng school sa susunod na pasukan. Kaya kinagabihan ng linggo nang pumasok ako sa restaurant ay sinabi ko kay Archer ang desisyon ko.
“Talaga, Lady? That’s good! Anong plano mo sa susunod na linggo? Gabi pa naman ang pasok natin dito sa restaurant kaya kung gusto mo ay pwede kitang samahan sa foundation para makapag apply ka ng scholarship…” alok niya sa akin nang pareho ulit kaming nasa tabi ng counter para maghintay na ma-prepare ang mga pagkain na iseserve namin sa customers. Nakangiting tumango ako sa kanya.
“Okay lang ba sa’yo kung magpapasama ako, Archer? Wala ka bang trabaho sa umaga?” tanong ko. Medyo nahihiya akong magpasama sa kanya. Siya na nga ang nagsabi sa akin ng tungkol sa scholarship ay aabalahin ko pa siya para samah
