Dumating ang weekend at wala sina Jai at Nyx. Rest day nila iyon sa restaurant at bihira naman ang mga kliyente na nagpapa book tuwing weekend sa VIP area kaya sa ibaba ako na-assign para maging waitress. At dahil dalawang linggo lang akong magtatrabaho sa Golden Spoon ay hindi na ako humingi ng rest day. Tuloy-tuloy na ang pasok ko hanggang sa magtapos ang sembreak. Masyadong maluwag ang oras ko at apat hanggang anim na oras lang naman akong nagtatrabaho sa restaurant sa gabi kaya hindi naman nakakapagod ang schedule. Iniisip ko pa nga kung kakayanin kong magpatuloy sa pagtatrabaho doon kahit na may pasok na. Pero baka magkaroon ako ng klase na sobrang aga kaya mukhang malabo talaga ang magpatuloy sa pagtatrabaho doon.
“Lady ba ang pangalan mo?”
Nasa tabi ako ng counter at naghihintay s
