Titig na titig ako kay Jared habang may kausap siya na kung sino sa phone. Dinala niya ako sa hospital at agad rin na nakauwi matapos check up-in ang tuhod ko. Wala namang fracture o kahit na ano pero pakiramdam ko ay parang isang buong binti ko ang masakit.
Mas ramdam ko na ngayon ang pananakit ng tuhod ko dahil siguro tuluyang nagkaroon na ng pasa ang tuhod ko na sobrang naapektuhan dahil sa pagkadapa ko kanina. But surprisingly, hindi ko iniinda ang sakit dahil hindi pa rin ako nakaka get over sa mga nangyari sa pagitan namin ni Jared.
Huminga ako ng malalim at agad na pinigilan ang sarili na ngumiti na mag-isa. Kanina pa ako ganito at hiyang-hiya na ako hindi lang sa sarili ko kundi pati na rin sa mga nurse na nag-assist sa amin kanina.
Sino ba naman kasi ang na-injured na nga at la
