"HELLO, Yanny, nand'yan ba si Attorney?" tanong ko sa sekretarya ni Attorney nang makarating ako sa labas ng opisina ni Attorney. Nanlaki ang mga mata ni Yanny na ipinagtaka ko, para bang gulat na gulat siyang makita ako.
Seriously? Ilang beses naman na akong nagsu-surprise visit dito, bakit ngayon lang yata siya nagkaroon ng ganitong reaksiyon.
"Yanny?" ulit ko ng pagtawag sa kaniya. "Wala ba siya? May meeting? Sorry ah, hindi ako tumawag na darating ako."
"N-Nasa loob naman po si Attorney, Miss Yen," sabi niya at naiilang na ngumiti. "May kausap lang po."
"Gano'n ba?" tanong ko. Hindi na lang ako nagpahalata na parang nagtataka ako sa kaniyang kilos. "Ah, sige, hintayin ko na lang na matapos ang meeting nila. Pwede mo bang sabihin sa kaniya na nandito ako sa labas?"
"Sige po, Miss Y
