"HAY, NAKU! kaya ang hirap magtiwala sa mga pogi't mayayaman, e. Kapag nakita ko talaga 'yang dalawang 'yan, pagbubuhulin ko sila. Mga bwesit!" nang gigigil na sabi ni Maica matapos nitong malaman ang nangyari sa pagitan namin ni Kevyn. Kasalukuyan kaming nandito sa silid ko kasama si Oscar. Kanina pa ngang nang gigigil 'tong si Maica.
"Para namang ang tangkad mo at kayang-kaya mo ang mga iyon. Mas matangkad pa kaya sa 'yo si Jenicka. Baka ikaw pa ang ibuhol no'n sa laki ng katawan mo," banat naman ni Oscar na natatawa.
Nagsalubong ang kilay ni Maica na nilingon si Oscar. "Ano bang problema mo sa akin, ha? Inaano ba kita? Bakit mo ako laging kinokontra?" inis na bulyaw ni Maica kay Oscar. Nginusuan pa niya ito.
Kahit pa paano gumagaan ang pakiramdam ko kapag nandito sila. Pansamantala k
