Mara's POV
MAAGA AKONG nagising kahit halos hindi ako nakatulog nang nagdaang gabi. Halos buong gabi kasi na iniisip ko si Kevyn. 'Yong kakaibang kilos at titig niya kagabi at 'yong naging karanasan niya noon. Hindi ko inakalang ganoon pala kalungkot ang naging parteng iyon ng buhay niya. Hindi siya malaya sa kabila ng karangyaang tinatamasa niya, na mali sa lahat ng akala ko na kabaligtaran sa totoong siya.
"Oh! Mara, naunahan ka ata ni Sir Kevyn na magising, ah?" bungad ni Ate Mil nang makarating ako sa kusina. Nandoon siya at naglilinis.
"Gising na po ba siya?" tanong ko at kumuha ng baso at sinalinan ng tubig. Tinungga ko iyon at muling bumaling kay Ate Mil.
"Oo, kanina pa."
"Saan po siya?"
"Nasa garden, nagkakape." Itinuro pa niya kung saan ang garden. Ngumiti muna ako kay Ate M
