LUMIPAS ANG maghapon na hindi kami nagpapansinan ni Kevyn. Nagtataka na nga sa amin sila Ate Mil maging si Donya Melissa.
"Bakit parang magkaaway ata kayo ni Kevyn, Mara? Lately, para napapansin kong hindi kayo nag-uusap at nag-iiwasan lang," nagtatakang tanong ni Donya Melissa habang nakatingin sa akin. Tahimik lang si Kevyn na nakaupo sa sofa habang nagtitipa ng cellphone nito.
"A-ah! H-hindi po kami magkaaway," agad kong tanggi habang alangang Nakangiti. Bahagya ko pang tiningnan si Kevyn na parang walang naririnig. Hindi man lang ako tulungang magpaliwanag sa Mama niya.
"Bakit parang nag-iiwasan kayo?" usisa nito.
"H-hindi naman po, Donya, medyo abala lang po ako sa gawaing bahay at hindi naman po talaga kami palaging nag-uusap ni Sir Kevyn," palusot ko at nag-aalangang umiwas kay
