MULI AKONG tumingin sa magarang mansyon. Hindi ko alam pero may pumipigil sa akin na lisanin ang bahay na iyon. Ilang buwan na akong nagtatrabaho doon kaya naman mahirap para sa akin na lisanin ang lugar na na naging tahanan ko sa loob ng maikling panahon. Marami na rin kasi akong alaala dito.
Biglang lumakas ang kabog ng dibdib ko ng sumagi sa isip ko si Kevyn. Agad akong nakadama ng lungkot dahil sa baka hindi ko na siya makita ulit. May bahagi pa rin sa isip ko na pumipigil sa akin. Gusto ko mang manatili sa mansyon, ngunit hindi na maaari. Nakaramdam ako ng kirot ng maalala ko ang sakit na naramdaman ko.
Tumalikod na ako at hinila ang maleta ko palayo sa lugar kung saan natuto muli akong umibig. Sa lugar kung saan ko natagpuan ang lalaking akala ko'y siya na talaga. Mabigat ang mga p
