Masayang pinaandar ni Shara ang kanyang sasakyan pauwi sa kanyang bahay habang sinasabayan ang kantang tumutugtog sa radyo. Hindi niya alam na may isang pares ng mga mata ang nakamasid sa papalayo niyang sasakyan—nakangiti, tila ba may pinaplanong masama.
“Ma, tingnan n’yo po ito oh! May isa na naman po akong maduming babaeng nilinis!” wika ng lalaking nakaupo sa puntod habang pinapanood ang ulat ng pagkamatay ni Glenda, ang kanyang pinakabagong biktima. “Ang galing ko nga po, Ma, eh! Pangatlo ko na po ‘yang nalinis ngayong buwan! At alam n’yo po ba, Ma, hanggang ngayon ay wala pa ring ideya ang mga pulis kung sino talaga ako. Ang alam lang nila ay ako si The Cleaner, pero hindi nila alam kung sino talaga ako.”
“At alam ko pong hinding-hindi nila ako mahuhuli. Dahil jndi nila ako katulad
