Nang matapos siyang magkwento sa puntod ng kanyang ina, ay nagpasya siyang tumayo. Pinunasan niya ang mga luhang dumaloy sa kanyang mga mata, saka naglakad papunta sa kanyang sasakyan. Hindi na siya nag-abalang lumingon sa puntod ng kanyang ina, kaya hindi niya napansin ang isang taong nakasilip sa likod ng punong malapit doon. Malungkot ang mga matang nakatanaw sa papalayong sasakyan niya.
Mabilis na lumipas ang mga oras. Muling nagtago ang haring araw at mabilis na kumalat ang dilim ng gabi. Oras na naman upang lumabas si The Cleaner upang maghanap ng panibagong "maruming" babaeng kanyang bibiktimahin.
Sa loob ng kanyang tago at modernong penthouse, unti-unting nagbago ng anyo si Jagie. Mula sa suot nitong business suit at kagalang-galang na itsura, ngayo’y isa na lamang siyang simplen
