Muli na namang nagtago ang haring araw at muling sinakop ng kadiliman ang buong Maynila.
Sa magkaibang parte ng lungsod, dalawang nilalang ang nagbalatkayo at naghanda para sa magkaibang misyon.
Si Detective Shara Balmores ay lumabas ng kanyang silid, suot ang kaswal na damit na may bahagyang pagka-sexy ngunit hindi malaswang tingnan. Naglagay siya ng kaunting kolorete sa mukha, saka isinuot ang kanyang puting shoulder bag na naglalaman ng cellphone, wallet, at baril.
Sinulyapan muna niya ang sarili sa salamin bago tuluyang lumabas ng bahay at sumakay sa kanyang sasakyan—hindi para pumunta sa presinto, kundi para tumungo sa isang bar.
Bago sila maghiwa-hiwalay ng kanyang team kanina, napagkasunduan nilang pumuwesto sa iba’t ibang bar upang magmasid at mag-imbestiga, umaasang mati-tyemp
