Inalalayan ni Jagie si Shara na makasakay sa kanyang mamahaling sasakyan. Nang makaupo na ito sa front seat, agad siyang umikot at pumasok sa driver’s seat.
“Saan ka nakatira? Ihahatid na kita sa inyo,” wika ni Jagie sa mahinang tinig.
“Ihatid mo na lang ako sa presinto. Marami pa akong kailangang gawin,” sagot ni Detective Shara na diretsong nakatingin sa daan, hindi man lang nilingon ang binata.
“No. Ihahatid kita sa inyo. Alas-kuwatro pa lang ng madaling araw at alam kong pagod ka. You need to rest,” kalmado ngunit madiin ang tinig ni Jagie, hindi rin tumingin sa dalaga habang nagsasalita.
“Sa presinto na lang ako magpapahinga.”
“I said no. Alam kong wala akong karapatang makialam sa iyo pero sa pagkakataong ito, ako ang masusunod. Iuuwi kita sa inyo at doon ka magpapahinga,” marii
