Pagkapasok sa kanyang bahay, mabilis na hinubad ni Detective Shara ang suot na damit at dumiretso sa banyo upang mag-half bath. Hindi pa rin maalis sa kanya ang inis na nararamdaman.
“Kung hindi sana nakialam ang mga bastos na lalaking iyon, siguro ay nakapag-obserba pa ako sa club. Paano kung nandoon pala ang killer na si The Cleaner? Sayang na naman ang pagkakataon para mahuli siya!” galit na wika ni Shara habang madiin na kinukuskos ang sabon sa kanyang balat, halos kinakalmut na ang sarili.
Maya-maya pa, agad siyang nagbanlaw at nagpunas. Kinuha niya ang tuwalya at binalot iyon sa kanyang hubad na katawan, saka lumabas ng banyo.
Habang nakaharap sa salamin at nag-aapply ng skincare, bigla niyang naalala ang lalaking nakaupo hindi kalayuan sa kanyang mesa kanina sa club. Lalong umini
