Habang nagkakasiyahan ang karamihan ng mga Mulawin sa Plaza Manor ay nandito kami ni Ino sa kagubatan at tahimik na nakaupo sa isang malaking sanga ng puno ng Acasia. Nakahiga ako sa kaniyang balikat at tahimik na nakamasid sa mga dahon na sinasayaw ng hangin. Ang aming kamay ay magkahawak at mukhang wala siyang planong bitawan ito sa anumang oras.
“May tanong ako.” biglang basag ko sa katahimikan.
Naramdaman ko ang pagbaling niya sa akin kaya bumangon ako sa pagkakahiga sa kaniyang balikat.
“Basta kaya kong sagutin.”
“Madali lang naman ‘to. Bakit hindi ka pa nagkakaroon ng kasintahan?”
Matagal siyang napatitig sa akin bago bumaling sa damuhan sa ibaba.
“Sa totoo lang, hindi ko rin alam basta hindi ko nakikita ang aking sarili na nagpapaloko dahil sa pag-ibig.”
Dahil sa sinabi niy
