“Ikuwento mo na kasi sa akin, ito naman nahihiya pa. Huwag kang mag-alala, hindi ko sasabihin kay Raven.” saad ni Ilah habang kaniyang dalawang kilay ay nagtataas-baba pa.
“Ang alin ang hindi niyo ikukuwento sa akin?”
Sabay kaming napaigtad ni Ilah nang hawakan ni Raven ang aming magkabilang balikat. Agad namang umiling si Ilah sa kaniya.
“Wala ‘yon, hindi naman importante.” pagsisinungaling ni Ilah.
Pinaningkitan siya ng mata ni Raven at nameywang pa ito.
“Kayong dalawa ha, hindi lang tayo gaanong nagkakasama, may mga lihim na kayo. Saka nakapagtataka, bakit si Ilah pinapapasok na sa Altasosasyon, samantalang ako hindi.” may himig ng pagtatampo na saad nito.
“Hindi raw kasi pinapapasok ang mga pangit sa loob.” ani Ilah saka nginisihan siya.
Sasagot pa sana si Raven nang
