بارت 5

2810 Words

زهراء-ذبحو الذبايح و الشباب تعاونو بطبرون الذبيحة وصل صغار نوال اتصلت على ياسر -ياسر يالله خوية شوكت تجيب اللحم ترة هم يالله نطبخ الغدة نريد نكف الغدة من وكت ورانة حفلة المولود والناس على جية ياسر -اي اي صار جاي بس فتحي باب المطبخ وخلي البنات اليمج يلبسن حجابات نوال لبسن حجابات زهراء اباوع على بنات عم ياسر اكو حلوات واكو جكمات واكو حبابات بس اكو وحدة كلساعة تخزرني ما اعرفهة اني ابد ما طلعت من المطبخ حتى حمام ما رحت شوية ونفتح باب المطبخ دخل ياسر لابس دشداشة بيضة ورافع الردانات للساعد مال زند ايدة وشعرة مخربط يمة فدوة لطولة شلون وسيم هنيالهة التصير من نصيبة امهة داعيتلهة رفع عينة وصارت بعيني بس يمة كلبي دكاتة وصلت للبلعوم خزرني واقترب من يمي بحجة يشرب ماي وحجة بصوت ناصي-ليش واكفة بباب المطبخ يعني الجاي والرايح يشوفج من ينفتح الباب صيري على صفحة زهراء-اني ما احجيلكم عن حالي شصار يمة يمة عندة غيرة وشهامة تموت خلصنا طبخ وكملنا الكليجة اني والبنات وشويتهة بالفرن وكانت الكمية كلش هواي وايدي انجوت بالفرن وظلت روحي تلوب من وجع الجوية خطية وياسر ابو الحفلة انشلع كلبة من الشغل كلساعة يدخل للمطبخ بحجة حتى يشوفني واني مرات ارفع راسي واشوفة ومرات اغلس عيب ابيع ثكل مايصير ذابة الميانة اسمع صوتة قريب على شباك المطبخ وكأن يريد يسمعني يابة والله طاح حظي انهلكت ساعت السودة بيوم صرت دكتور واخذت الشهادة ادري هو الناجح عندكم هيج تشلون حالة وتكربونة كراب جاوبة واحد من اولاد عمة -عمي كول يالله بعدك ما شايف شي من التعب لعد من تتزوج شلون بيك يمكن تظل تلطم ياسر بصوت عالي -لا بيوم عرسي اشتغل واركص واطبل واني الممنون لان اعرف نهاية تعبي انام بحضن ام بيتي وبحضنهة انسى تعبي وانسى حتى عشيرتي كلهة الشباب ظلو يضحكون ويصنفون علية اني احس بروحي بعالم ثاني بالي مو يم البنات خرب احس روحي طايرة ورة ساعة صبينا غدة ونكلوه الولد وياسر اتقرب مني وبصوت ناصي -انتي اتكتري على صفحة ما مريود منج تنكلين الاكل عندنا خدامات هواي اني انطيتة صحن الزلاطة وهو اخذة مني بس وكعت عينة على الحرك عيونة صارن حمر وخزرني وين حركتي روحج اني بصوت بس همس -بالفرن ماحسيت الا ياسر ساحبني من ايدي ومدخلني للمخزن وكلي شلون بيج وين اخليج شنو انتي طفلة حاركة ايديج اني من الفشلة والخجل دنكت وعيوني دمعت-والله مانتبهت 10 ياسر-استغفر الله ادري شنو دموعج يشتلغن على اللمس بسرعة يوكعن اوكفي هنا مو تطلعين رحت لصيدلية المطبخ واخذت منه مرهم مال حروق ورجعت الهة وشفته واكفة نفس مكانهة فدوة لربج شنو من حسن وجمال شايلة اقتربت منهة وسحبت ايدهة وخليت عليه المرهم وكعدت امسح على مكان الجوي وشوية احس نفسي ثكل ظليت اسحب نفس عميق حتى اهدء لكن مع الاسف من جريت النفس ودخلت ريحتهة وية انفاسي داخل اظلوعي و اتقربت منهة زهراءيمة احس كلبي يرجف احس ضربات كلبي صارت باذاناتي رفع ايدي وباسهة واني هنا معت وذابت روحي كلت راح اوكع رجلية بعد ما يعينوني اقترب مني كلش وصار نفسنا واحد وما اسمع بس صوت انفاسنا وضربات كلوبنا هنا اني حسيت على نفسي ودفعتة عني وطلعت اركض ورحت وكفت قريب على نوال شوية وهو طلع من الباب الثاني مال المطبخ نوال شافتني -يالله خالة تعالي كعدي ويانة اتغدي لاتستحين زهراء-لاما اشتهي اكل انتو اكلو بالعافية نوال -لاحبيبة تاكلين لان ورانا المولود ووكفة وانتي ماحطيتي لكمة وحدة بحلكج من الصبح زهراء بخجل -هَـا يالله راح اكل لخاطرج خلص الغدة ونوال تسولف عن اولاد عمه وحمووينها وزوجهة الشيخ نوال بابتسامة-احنا اولادنا الشباب والرياجيل الكبار ما ياكلون الا من طبخ ايدنا مايحبون اكل المطاعم الماصخ فتشوفين رغم احنا عندنا خدامات بس احنا هنا الي مستلمات المطبخ والطبخ وبيوم العزايم الجناين والبنات كلهة تتحزم ماكو وخدة تظل مسعدة وكاعدة ابد مانخلي خدامة تلمس شي من الطبخ لان زلمنا تكش روحهم ما يستنظفون وظلت تحجي عن زوجهة الشيخ شلون راح يصير شيخ عشيرة من بعد ابوه الحجي نوال بصوت عالي-اي صدك نسيت الشيخ عمار كلي حضري جوازج راح نسافر للعمرة يمة فديته هنا شفت بنية من البنات حامل نطت عيونهة وشركت بالجاي الي جانت تشربة نوال-اسم عليج شيخة شبيج خيرج شيخة وهي تكح-لا لا ما بية شي سلامتج حبيبة بس عودك شنو شكله يبجي ست فوزية جانت كاعدة قريب مني -هههههه والله يانوال ماتكعدين راحة نوال -خية فوزية والله كلي حضري جوازج حتى نسافر للعمرة اني وياه فوزية-الف عافية عليكم زهراء خلصنا التحضيرات والتجهيزات وبعد ما شفت ياسر 13 ظليت بس التلفت وادور عليهة اريد اشبع من شوفتة راحن البنات حتى يحضرن نفسهم واجت نوال-يالله حبيبة كومي روحي بدلي هدومج وغسلي وعدلي لان راح يبدي المولود زهراء -بس دليلني على مكان اكدر اخذ راحتي بي والبس هدموي وارتب نفسي دخلتني لداخل البيت اول شي صالة مفتوحة جبيرة وبيهة يصير بالنص درج من نصعد ينقسم قسمين واحد يمنة وواحد يسرة نوال تصعد وتسولف وياي - هاي الصفحة من الدرج تصير بيهة شقتين والصفحة الثانية هم شقتين صفحة بيهةشقة الي وشقة لشيخة والجهة الثانية بيهة شقة لياسر وشقة جانت لحماي محمد جان كاعد بيهة قبل لا يطلع ببيت لوحدة هو ومرتة وجهالة هو هنا بيتة يصير قريب علينا بالمزرعة دخلتني بشقته وكالت اخذي راحتج خالة هنا محد يكدر يجي عافتني لوحدي وطلعت بعد مادلتني الحمام رحت بدلت ملابسي وغسلت وخلصت بس شنو من حمام الله يستر عليهم هواي تعبانين على بيتهم رحت طلعت ملابس وكعد البس واعدل بروحي واخذني الوكت وما حسيت على روحي لبست بدلتي القالب الماروني تصير بيهة الضهر مفتوح من ورة وبيهة فتحة من جوة لحد الركبة. رجلي كلهة طالهة من ورة ويصير اردانة ربع وفتحة الص*ر دائرية عريضة كلش بسيط لبست حذائي وخليت شعري صفح وخليت بروش على شعري وخليت مكياج خفيف وكحل خلة عيوني يبرزن خلصت ولميت ملابس وكعدت انتظر نوال حتى تجي عليه تنزلني لان اخاف اطلع ويشوفني واحد من ولدهم فجاءة واسمع صوت الباب مال الشقة وسمعت صوت خشن مال رجال جاي يحجي بالنقال يمة كمزت من الخوفة ولكفت جنطتي ولبدت خلف البردة مال الغرفة وكطعت النفس حسيت الصوت اقترب من الغرفة ودخل داخل الغرفة وخلص اتصالة اباوع شوية من البردة شفت ظهرهة عليه لابس دشداشة سودة وخال شماغة على اكتافة على صفحة وخلة النقال على ميز المراية وشفتة رفع ايدة وسحب شعرة ليورة وهو ينفخ نوب راح على الكنتور وطلع الة ملابس وحضرهن على السرير واخذ منشفة حسيت دار وجهة على صفحتي وعيونة انتفتحت بصدمة ونوب رجع غمضهن واخذ المنشفة وطلع من الغرفة بس استغربت من قفل باب الغرفة وراه يمة هنا اني كمت اريد ابجي شلون البزونة من تنحبس بغرفة لوحدهة تظل بس تحوم اريد ادور على مكان اطلع من عندة ماكو وتالي ظليت انتظر رحمة الله بس الغريب بالامر هذا نفس الرجال الي اسمه الشيخ عمار شيسوي بغرفة خالة نوال وماخذ راحتة شنو يمكن ابنهة هذا بس ماكالت عندهة ابن اهوووو اني شعليه هسة خلي اشوفلي حل لهلورطة الوكعت بيهة يمة?هاي صوت رجلين شوية وانفتح الباب 5 زهراء-يمة? يمكن هو رجع ركضت بنفس مكاني لبدت ورة البردة بس والله من الخوف اجيت تكرمون اذب من راسي معدتي حيل انعقدت عمار -طبعا نسيت كلام نوال وكملت شلغي والله انهلكت هلاك حتى بناتي ما جاي اشوفهم هاي الايام من كثر اللود الصاير علية بالشغل الله يحفظة الوالد خلة كلشي براسي وياسر دكتور مو اختصاصة هاي الامور صار كلة براسي اني وخطية وشوية محمد هم يشيل عني بعض الاعمال بس هم يبقى كلساع يتصل على كل صغيرة وجبيرة يسألني عنه المهم دخلت للغرفة بعد ما خلصت شغلي حتى ماحضرت العزيمة الي مسويهة الحجي علمود ياسر رحت كبل بوجهي لشقتي اني ونوال ردت اسبح وابدل ملابسي لان راح يجون الزلم والناس على المولود وجايبين رادود معروف بالسلف يسويلنا المولود فدخلت للغرفة وشميت ريحة عطر نسائي اول مرة اشمهة لان اني متعود اني اجيب العطور لنوال وكلهن اجيبهم وياي من ارجع من السفر من الامارات واعرفهن وحدة وحدة هاي ريحة العطر مو نفس الي اجيبهم فما اهتميت حضرت ملابس وخليتهم على السرير واخذت منشفة واجيت اطلع درت وجهي وانصدمت اكو رجلين بنية لابسة حذاء كعب مبينات من جوة البردة واكفة ورة البردة اني سويت روحي ما شفتهة وطلعت وقفلت الباب وراي ردت اشوية العب بعصاب الي داخلة غرفتي شي اكيد مو غريبة من بناتنا يمكن اختي اسيل خاف لابسة فستان وتستحي خاف اشوفهة بي خلي احرك اعصابهة شوية رحت سبحت ولفيت المنشفة على خصري والمنشفة الثانية على راسي وجاي انشف شعري ودخلت للغرفة ج زهراء-سمعت صوت الباب انفتح واني على نفس وكفتي ورة البردة كلبي كام يرجف لويذبحوني قطرة دم ما بية شفتة دخل ولاف الخاولي على خصرة يمة اني صرت طماطة من الخجل عزا العزاج زهيرة شورطتي نفسج شفت الولد كعد يتقدم باتجاه البردة وعلى وجه ابتسامة ذيب وكأن وكع على فريسة اني غمضت عيوني وخليت ايدي على وجهي وكأن بهاي الحركة راح اختفي وما راح يشوفني فجأة انفتحت البردة وانسحبت من زندي حيل واندفع على السرير اني مو متت من الخوف لا اني صنمت من الرهبة صرت بس ارجف ظل واكف ويباوع علية كلي بصوت عالي خشن -رفعي ايدج من وجهج وكولي منو انتي يالله ً? زهراء وهي حمرة نزلت ايدي من على وجهي واني ارجف مثل السعفة عمار من الصدمة رجعت ليورة -دخيلك يالعباس هاي شلون وصلت هنا بغرفتي عمار وبخزرة - انتي شجابج هنا عمار ما اعرف مشاعري كانت على فرحة على خيبت امل ان الابنية المحتشمة والوقورة الي وكعت بحبهة تصير بهيج موقف بالله كانت مو بغرفتي مثلا بغرفة ياسر ويدخل ياسر ويشوفهة يعني اي واحد راح يكدر يشوفهة بسهولة شنو ماعندهة احتشام عمار -انتي شلون تفترينزبالبيت وداخلة بالغرف وانتي بهاي الملابس ماعندج حشمة لنفسج هذا بيت متروس شباب زهراء اني انقهرت شلون يحجي وياي هيج وبهذا الاسلوب الي يرخص من نفسي وحشمتي -بصوت اقرب للهمس -والله اسفة هي خالة نوال جابتني هنا وكالت اخذي راحتج محد يدخل هنا عفية الله يستر على عرضك استر علية اني ما ادري هاي غرفتك الله شاهد خالة نوال كالت هاي غرفتي ومحد يكدر يدخل عليج لاتخافين والله ما ادري هنا عمار اتذكر كلام نوال على المفاجئة الله يسامحج نوال خليتني اشك بالابنية رجعت اباوع عليهة بس فدوة لربه شلون حلوة ونوب شلابسة ادري هاي شلون راح اخليهة تطلع بهاي ملابسهة والله اخاف حتى من عيون النسوان من يباوعن عليهة هي كامت تبجي فدوة ونوب زادت جمال من بجت هاي من اتزوجه اخليهة بس تبجي حتى اكعد بس ابوس بيهة واراضيهة اوف يابة انتبهت على روحي بطرك المنشفة على خصري وهي مدنكة راسهة زهراء-الله يستر على عرضك لاتباوع بعد علية مو كرهته لروحي عمار اوف يابة الصوت عورة والوجه عورة والطول عورة والجيم عورة شنو ربي الواحد يخليهة بقفص ويكعد ما يخليهة تطلع من الغرفة اني شفت عباية يم رجلي واكعة كمت شلت العباية وخليته عليهة ودنكت عمار -محشومة يبنت الناس اني هم عندي عرض وغيرة لا تخافين رحت اخذت نقالي وطلعت من الغرفة واتصلت على نوال وبس ابتسم عمار -الو نوال تعالي صعدي فوك بسرعة نوال-صار شخنا يااااا بس لاشاف الابنية وصعدت بسرعة ركض للشقة لعمار ودخلت جوة لكيت الابنية لابسة عبايتهة على راسهة وعيونهة كلهة دموع رفعت راسهة - زهراء-خالة نوال انتي مو كلتي ان هاي غرفتج طلع عمار من الغرفة من سمع صوت زهراء جاي تحجي وية نوال- زهراء -خالة غير تنطين خبر لابنج ان اكو بنات بيهة نوال ضحكت وباوعت على عمار -هههههه السموحة خالة هذا زوجي الشيخ عمار وما يدري ان اني صعدتج فوك هنا هو ماجان موجود بالعزيمة خطية جان بالشغل زهراء?-اسفة خالة عذريني موقصدي بس عمار قاطع كلامهة -يالله ماصار شي نوال نزلي الابنية جوة وها مو تخلين الزلم داخلة طالعة على البيت والله ا**ر رجلة اليدخل للبيت نوال ? -اليوم شنو السالفة شجاكم بس ت**رون رجلين شسامعين اليوم انت تصيح ا**ر رجلة اليدخل وياسر يصيح ا**ر رجلة الي يفوت للبيت شكو شبيكم ولد سلمان عمار -يالله اخذي الابنية صارت طماطة من وراج بعد الي صار اشك بعد راح تطلع من بيتهم من وراج زهراء-اخذتني نوال وصلتني للديوان وشفتهم كلهن بنات حاضرات ونسوان كبار والحجية الحبيرة وام عمار واخذتني وعرفتني عليهم والحجية بس تصلي على محمد وتكول خالة وين اهلج والبنات ظلن بس يباوعن علية واني من الهبطة الي صارت وية شيخ عمار بالي مو يمهن واتمنى يخلص المولود حتى ارجع للبيت والله هذا اطول يوم بحياتي صار شفت من بعيد تبارك تأشرلي هي ورفل والمعلمات يمة عبالك اني شفت طوق النجات من شفت تبارك رحت كبل عليهة وحضنتهة تبارك -ولج شطالعة صدقة لربج رفل وهي تكلب بعيونهة وتباوع على الد*كورات والبنات رفل -خرب شوفيهن شلابسات كومة ذهب وشنو من البدلات اويلي يابة هاي وهو بس مولود زين لو عرس شنو راح يلبسن طبعارفل كعدت تبتسم وراحت على الحجية وباستهة من راسهة وحشرت نفسهة قرب ام عمار عبالك راح تطير وتبارك اشتغلت بالتصنيف على رفل اني ظليت كاعدة بمكاني ابد ما اتحركت من الخوفة اشو بيوم واحد شبعت مفاجأت تكفيني لبقية عمري وخلص المولود على خير واجة السايق علينة اني والمعلمات ولبست عباتي ونقابي وظليت امشي بيت البنات حتى محد يشوفني طلعنا برة بالباب صايرة لخة من الشباب والرياجيل احنا وحدة تدعم بالثانية بس رفل بينا شخصيتهة قوية وتباوع عليهم شوية وسمعت صوت الشيخ عمار اقترب من عندنا عمار بصوت خشن-هلة ست امنة ليش واكفات هنا امنة-شيخنا منتضرين السايق كال هنا اني بالباب طلعولي اشو ماكو ما جاي نشوفة عمار واني گلبي نار واشوفهة بين البنات ومدنكة فدوة لربج شلون خوافة بس هم ظليت اعاين على الشباب شلون يستخفون دمهم كدام البنات فرحت واشرت لواحد من اولاد عمي وكلتلة روح صيح السايق مال المعلمات والله راح شوية واجة سيارة كية مال المعلمات وصعدن واني بقيت يم السايق وعيوني عليهة بحجة اسولف وية السايق شفتهة اول وحدة صعدت بيهن وظلت مدنكة وما رفعت راسهة ابد 7 زهراء وصلني السايق للبيت وجنت كلش تعبانة نفسيا وجسديا بس الفرحة ان بهذا اليوم شفت الدكتور ياسر فديتة وسولفت وياه ام زهراء-هَـا يمة زهورة الله يساعدج اشو اتأخرني ظل بالي عندج زينب -هلة بزهورة شلونج زهراء-هلة بيج زنوبة بشروني بابا شلونه اليوم ام زهراء-الف الحمدلله كمل الفحوصات والباجر الساعة ثمانية يدخلونة عمليات والله ما اعرف شلون اجازي الدكتور ياسر الله يرضة على البطن الحملته خطية اليوم ما اجة للمستشفى بس موصوي اصدقائة الدكاترة على ابوج وخطية همة ماقصروا كامو بينا بالصلوات ماخلونة نحتاج اي شي واليوم خطية دزلنة الغدة والعشا بيد واحد من ربعة والله جمايله كثرت علينة ومانعرف شلون نردهة زهراء ماما كانت تحجي عن ياسر واني بالي راح وسافر بعيد عند ياسر لان كنت هناك اليوم ببيتهم وشبعت منة شوف وشفتة على طبيعتة ياسر الانسان الطبيعي الي يضحك وينكت مو الدكتور ياسر الشخصية الهيبة الي اشوفة بالمستشفى احس امتلكت شي خاص من عنده وهي الخصوصية الي يتمتع بيهة ببيتهم بتصرفة على راحتة بدون قيود او تحفظ لو تنحفظ هاي اللحظات الثمينة بصندوق كان حفظته وضميتهة بكنتوري زينب -هي زهيرة شنو وين صافنة ماما صارلهة ساعة تسولف وياج وانتي بغير عالم شكو زهراء فزيت -هااا لا هيج جنت صافنة على احداث اليوم وكعدت اسولفلهم عن الناس والمعلمات والشرايج نوال وشيخة وامي ظلت تضحك بس ماحجيت ولاكلتلهم ان اني كنت بيت الدكتور ياسر ولاحجيت عن الشيخ عمار والموقف الي لحد هسة كلما اتذكرة اضل ارجف من الفشلة زهراء-يالله اني اترخص كلش تعبان اليوم هلكت من لف الكليجة والكبة والدولمة يمة احس ظهري ان**ر على الرغم بناتهم هم ساعدوني بس طاح حظي من التعب كمت ورحت للغرفة لكيت زينة خطية نايمة الباجر عندهة اخر يوم امتحان مال نصف السنة وخطية لكيتهة فارشتلي فراش يمهة فديتهة تفكر براحتي بدلت ملابسي وحطيت راسي على المخدة وظلت الافكار تجيني اللي عرفتة ان نوال زوجه الشيخ عمار هي وشيخة يعني الشيخ عمار عندة ثنين نسوان بس الغريب بالامر نوال مرة جبيرة عبالك امة مو زوجتة بالله شيخة مرتبة وصغيرة ما استغرب هي زوجته وكانت مرتبة باللبس والذهب وبطنه كبيرة بس كانت لابسة نفنوف مال حمل نازك بس نوال حيل طيبة ع** شيخة الي كلساعة خازرتني ونوب كامت تتأمر علية روحي جيبي هذا وروحي ودي ذاك عاد والله نوال بردت گلبي من فشلتهة كالت ترة احنة ماجبنا الابنية هنا علمود تخدم حضرة جنابج ترة اجت حتى تساعدنا وتسويلنا كليجة عندج خدامات ثلاثة جوة ايدج وطلبي منهن لو ما يحلى الامر الا على هاي المكرودة هنا اتمنيت ابوس نوال من راسهة والفرحني بالزايد شيخة ابد ما فتحت حلكهة بكلمة وية نوال 2 اما ياسر من فدوة لطولة ما اعرف شنو جان قصدة بسؤالة ان اني مرتبطة لو لا وماحسيت على نفسي الا واني نايمة 1 وفي بيت سلمان متجمعين الشباب والرياجيل بالديوان كلهم عمام واولاد عمام ياسر اتكلم بصوت خشن عالي وحجة وية ابوه انه يريد يكمل نصف دينة ويتزوج هنا عمة ابو جاسم الي يصير بنفس الوكت زوج خالتة حجة بيهة الخير ابني خلينا نفرح بيك واني مني الك بنتي رشا بس كول واشر كبع واخذ ياسر ابتسم-تسلم عمي ماتقصر ورشا بنتك على راسي والنعم منها واتشرف بيهة بس هي مثل اختي الله الشاهد شفت الوالد مبتسم بس اني رايد القرب من بنت صديقي ابو زينب يشتغل واي بالمستشفى والباجر راح اروح انطي خبر حتى تحضرون نفسكم ونسوي مشية زلم لبيتهم عمار-بيهة الخير خوية بس انتى شنو سئلت عنهم عرفت اصلهم لو اجيت وجفتت ياسر -اربع شهور اني اتبع واسئل عنهم وعن اخلاقم وحمدولي بالابنية واني اعرف ابوهة انسان طيب واخلاق وابن حمولة عمار كام وسحب ياسر وحضنة والله وصرت رجال يا ياسر ياسر بفرحة بصوت ناصي -خوية لو تدري باخوك وكع ومحد سمة علية عمار بصوت عالي يضحك-ولك ياااسر طلعت مو هين راحو الزلم والشباب وبقة ابو عمار والحجي وعمار عمار-بوية اريد اتزوج ابو عمار - شنهو بوية نسوانك الثنين ما مكفياتك لو حنيت للعرس من سمعت بياسر يريد يتزوج عمار ابتسم -بوية الشرع حلل اربع اتزوج وانتو اول اثنين انتو فرضتوهن علية بس هاي المرة گلبي الي اختار ابو عمار ابتسم -يالله بوية بيهة الخير منهي هاي بنت منو عمار -معلمة تداوم بمدرسة عمة فوزية ابو عمار -خلي تخلص سالفة خطبت اخوك ونوب اكعد اتفرغ لخطبتك عمار -صار بوية براحتك

Free reading for new users

Scan code to download app

App Store Google Play

Facebookexpand_more