بارت 6

3683 Words

زهراء يوم ثاني الصبح كعدت وية صلاة الفجر لكيت ماما كاعدة قبلي جاي تقرة قران على سجادتهة رحت بست راسهة ورحت اتوضيت وصليت الفجر وقريت قران خطية اجت زينة هم فرشت سجادتهة وكعدت تصلي وسجدت وظلت تبجي وهي ساجدة عفته ورحت للمطبخ احضر ريوك كعد ابن زينب حبيبي خطية من تخربط بابا لليوم هو وامة عندنا بقو لان مثنا كلة يبات عند بابا بالمستشفى ما راحت لبيت عيالهة بستة وشلتة خاف يكعد امة خطية تعبانة من الحمل سويتلة ريوك ووكلتة وهو يناغي ويطلع اصوات بحلكة يخرب ضحك غسلتلة وبدلتة وحضرت نفسي علمود اروح وية امي وعمي نبيل للمستشفى زينة راحت للمدرسة عندهة امتحان اجة عمي ورحنا للمستشفى بالمستشفى بغرفة ابو زينب الدكتور ياسر والممرض جاي يجهزون ابو زينب للعملية حتى ينقلوه لصالة العمليات طلع الممرض ياسر -احم احم عمي عندي حجاية وياك ولو مو وكتهة بس ردت انيطيك خبر ابو زينب -كول يالغالي اطلب والله جميلك على راسي ما نساه الك ياسر -لا عمي اني الي سويتة وياك اسوي وية اي واحد محتاج ان يسوي عملية لا الي راح اطلبة من عندك ما اريدة يأثر على قرارك وان اني صاحب فضل وجميل عليك ابو زينب -كول بوية ياسر-اني طالب ايد كريمتك المعلمة بس قبل لاتحجي اي شي ما اريد وكفتي وياك بسالفة العملية تأثر على قرارك ابو زينب بفرحة-يوم الهنا الي تصير بنتي من قسمتك وين الكة واحد احسن منك اصل واخلاق وشهادة حتى لو جنت ما دافع مصاريف العملية هم راح اخليك تكبعهة وتاخذهة روح بوية كون الله يكتبلي عمر جديد بعد العملية زهراء بنتي الك ماتصير لغيرك ياسر وكلبي صار مثل الطير الكاع ما سايعتني من الفرحة سمعنا صوت طرق على باب الغرفة ياسر -اتفضل دخل اخو ابو زهراء عمو نبيل وام زهراء وبنية مبوشة ماعرفتهة منو لان مدنكة راسهة اني استأذنت منهم وطلعت حتى باخذون راحتهم زهراء-دخلنا على بابا بالغرفة سودة علية وجهة اصفر شفت الدكتور ياسر عندة يمة واني گلبي صار طبلة من شافنة هو استأذن وطلع من الغرفة اني رفعت البرگع وحضنت بابا وظليت ابجي بابا-هلة بوردتي شلونج بوية زهراء وهي تمسح دموعهة -الحمدلله بابا اني بخير ما دام انت بخير ابو زهراء-والله يابوية كبرتي وصرتي مرة والناس كامت تتقدملج زهراء?- ام زهراء-فرحنا وياك يا ابو زينب منو متقدم لزهراء وطالب ايدهة ابو زهراء -والله اليوم حجة وياي واحد ابن ناس اجاويد وطلب زهراء مني واني انطيتة كلمة ان زهراء الة كون الله يكتبلي عمر ويعيشني بعد العملية زهراء دنكت بخجل وتمنيت اعرف منو الي طلبني من بابا عمي نبيل-احنا نعرفة للولد لولا حتى ما دامني هنا اروح اسئل عليه بالمنطقة بس انطيني عنوانهم واسمه ابو زهراء-ما يحتاج خوية اعرفة مثل ابني ومثنى هذا الدكتور ياسر هو الي طلب ايد زهراء مني زهراء هنا تعالو دوروني من الخجل والفرحة ابتسمت ودنكت والله لو ما استحي وعيب جان اكو اركص ??واكوم احضن بابا من الفرحة يمة يمة كلبي ابو زهراء-ها بوية زهورة نكول على الخير زهراء سويت روحي ابيع ثكل وبصوت ناصي- بوية التأمر بي يصير ام زهراء بفرحة-صلوات على محمد وال محمد يا رحمتك ياربي - دخل علينا الممرض وهو يدفع بالسدية حتى ياخذ بابا لغرفة العمليات اني نزلت النقاب وخفت على بابا لان راح يدخل على عملية كبرى يا ربي احفظ بابا هو خيمتي وابوبيتي ربي انتى تعرف احنا بنات مالنة احد غيرة اخذو بابا وماما ظلت تبجي وبابا التفت على عمي ومثنى ووصاهم علينا اني هنا صرت بركان من الخوف والترقب اخذو بابا وراحو اخذنا مثنى لقاعة الانتظار تصير مقابل صالة العمليات خطية ماما حسيت بيهة كامت تمشي على كيف كبل اتقربت منه ولزمت ايدهة وشفت ايدهة باردة حيل لزمت وكعدتهة على كرسي وكعدت بالقرب منهة ولزمت ايدهة اطمنهة وبنفس الوكت احتاج واحد يطمني 2انتظرنا ساعتين وعيونا معلكة على باب غرفة العماليات كلما واحد يطلع منهة احنا نكمز عليه خطية اجة يمنا الدكتور ياسر وكعد يطمنا وراهة راح ونوب رجع بعد ساعة جايب اكل خفايف وشاي النا ام زهراء-خالة ليش تكلف نفسك ياسر -كولي يالله خالة شمسوي قابل هي كم لكمة حتى تسدون بيهة جوعتكم لان انتوا صارلكم خمس ساعات من اجيتو وخطية مثنى خليتة يروح للبيت يبدل وينام شوية واتصل عليه اذا نحتاجة لان كلش تعب ام زهراء -الله يوفقك خالة ويرزقك ياسر خلة عينة بعيني وابتسم -شنو السالفة خالة اني هم ابنكم ان شاء الله كعد الاستاذ يلمح زهراء ابتسمت ودنكت رغم خوفي على بابا كدر يشغلنا عن التفكير والخوف والترقب والله ورة ساعتين طلع الدكتور يصير رجال كبير بالعمر راسه ابيض من الشيب كام ياسر وراح عندة هناك وكعد يحجي وياه بامور ومسطلحات طبية ما افتمهت منه شي بس خطية عمي كام على حيلة وراح وراه نبيل-هَـا دكتور بشرنا شنو الاخبار الدكتور-الحمدلله نجحت العملية هسة هوة حاليا بالعناية المركزة حتى يبقى تحت المراقبة لمدة ٢٤ساعة وبعدها ان شاء الله تكدرون تشوفون المريض امي ظلت تبجي وتندعي -يارحمتك ياربي الف الحمدلله والشكر يمة زهراء سمعتي زهراء اني ظليت اهز براسي ما طلع مني صوت لان العبرة خنكتني وصارت غصة بحنجرتي بس عيوني تصب بدون شعور خطية اقترب مني ياسر ومد ايدة بكاسة ماء ياسر بحنية- هاج اخذي شربيلج شوية ماي مو زين عليج هيج زهراء رفعت عيني بوجه ياسر وبقيت ساكتة ماحجيت شي لان الحمدلله اني بهيج مواقف افقد قدرة الكلام ياسر بصوت هامس-ادري وينة السانج انبلع اعتبريني عمو ابو سالم وتسولية كليجة وتكعدين تدكين سوالف وياه وكعدياسر يقلد بصوت زهراء عمو بشرني شلون صحتك زهراء صدك ضحكت وطلع صوتي بس كان ناصي ياسر لزم گلبة ورحع راسة ورة -اخ يابة الحگلي بنت جابر صوبت گلبي زهراء ما اعرف ليش من اشوف ياسر اني تجيني كمية من مشاعر الجرئة الي عند هيفاء وهبي وفيفي عبدو زهراء بصوت ناصي اقرب للهمس -اسم الله على گلبك ان شاء الله عدوينك ياسر هنا -لااااااا اني ما اتحمل هذا الكلام والله بهذلتي احوالي يبنت جابر اني ابتعدت عنة لا احد يحس علية ويشوفني ادك سوالف وياه بس يمة يمة دكات كلبي ظلت تغني (هذا الحلو كاتلني ياعمة فدوة شكد احبة وارد كلمة ) ياسر راح وبعد ما شفتة الا ورة نص ساعة خطية محمل علاليك اكل و شراشف ومناشف جديدة لبابا حتى الباجر ينقلونة بغرفة ثانية ودخل وراه مثنى شايل بيدة حافظة مال اكل وشوربة مثنى يحجي وية ياسر-گواك الله ابو الشباب ليش هيج مكلف روحك والله ياخي خجلتنا ياسر وابتسامتة تارسة وجهة - لا يابة شنو السالفة قابل شمسوي والله عمي ابو زينب يستاهل لان هو رجال طيب ويحب يساعد الناس فالله يرسل بطريقة ناس تساعدة وتوكفلة بعازته 6 التفت مثنى على ماما مثنى -خالة انتو بعد اخذو راحتكم وروحو للبيت ورجعو للبيت خطية زينب وزينة لوحدهم بالبيت وهسة صار وقت المغرب خطية خاف تظلم عليهن الدنيا نبيل -يالله ام زينب يالله بوية زهراء كومن حتى نتوكل ياسر -اتفضلو وياي اني اوصلكم بطريقي نبيل -لابوية تعبناك ويانة اليوم هواي ولو انت ان شاء الله بعد مو غريب علينا راح تصير نسيبنا ياسر الضحكة من الاذان للاذان تراسة حلكة -عمي الله يفرحك مثل ما فرحتني بهذا كلامك زهراء صار گلبي يغرد من الفرحة عبرت على عملية بابا ١٣يوم وخلصت عطلة نصف السنة ورجعنا للدوام وفي يوم كنت مشغولة بالادارة اصحح دفاتر الطالبات ويمي تبارك كاعدة تكتب دخلت علينا طالبة ايدهة مجروحة وتنقط دم ترست الارضية بالدم اني وست تبارك اخذناهة لصيدلية المدرسة طلعنا قطن وشاش ولفيناهة تبارك-هاي شنو وكعتي الطالبة وهي تبجي-لا هاي ست رفل ضربتني بالمسطرة الخشب والمسطرة بيهة مسمار طالع وجرح ايدي تبارك?-عزة العزاج رفيلة شمسوية بالابنية زهراء-استغفر الله ادري هاي هم يسموهة معلمة اجت المديرة ودزت على رفل بالادارة والطالبة صارت حمرة من البجي دخلت علينا اخت الطالبة هم طالبة عندنا بس بصف السادس الطالبة٢-هاي منهي مسوية هيج باختي احجن كولن منهي زهراء وتبارك صرنا صنم عبالك احنا الطالبات وهي المعلمة صار تبادل بالادوار - الطالبة ٢-والله الا اجيب اهلي وعمامي عليكم اخليهم يفلشون المدرسة على روسكم اخذت الابنية اخته وراحت لبيتهم بعد ما اخذت اذن من المديرة والمديرة طلبت من الفراشة توصلهن لبيتهم المديرة رزلت رفل ذيج الرزالة الناشفة ورفل كامت تبجي واتصلت على ابوهة واجة عليهة بالدوام واخذهة وراح واحنا كل وحدة راحت على درسهة وست فوزية ظلت تحجي على رفل ست فوزية-مايصير هيج تضرب الطالبة هي مو حيوان عندهة والله حرام بيهة يصيحولهة ست يعني المعلم عندة رسالة كلش مهمة يوصلهة لتلاميذة حتى الرسول الف الصلاة والسلام عليه وصل مقام المعلم لمنزلة الرسل (كاد المعلم ان يكون رسولا ) ورة ساعة من الحادثة مانسمعلك بس صوت رمي وصياح بباب المدرسة واني متت بدمي وطالبات صفي ظلن يعيطن ويبجن خطية من الخوف اني بكل عقلي كلت دخلو علينا داعش ماتقبل غلط صحت على الطالبات وكلتلهم نزلو جوة الرحلات خاف تجيهم طلقة تايهة من الشبابيك بس عودك اني شنو اتمنى ادخل وية الطالبات جوة الرحلة من الخوف ظل الرمي نص ساعة يرشك فوك روسنة شوية توقف الرمي وصار هدوء وما احس الا سبع نسوان ضخمات لابسات عبي مبينات حزانة لان كلة اسود باسود لبسهم وحدتهم تكول عبالك بات مان الرجل الوطواط 4 اني طلعت من الصف ردت اعرف شنو الصاير حتى بقية المعلمات طلعو من صفوفهم بعد ما توقف الرمي اني طلبت من طالباتي محد تطلع من الصف فرحت على الادارة اشو هذني شافني وهدن علية اني ظليت مصنمة من الخوف وحدة بيهن سئلتني انتي المعلمة الجديدة اني انشليت ودائما مثل كل مرة بهيج موقف اصير خرسة اني بس هزيت براسي بمعنا اي اني المعلمة الجديدة ما اشوف الا اجاني راشدي على خدي خلة اذني تصفر واجت وحدة ثانية جرتني من حجابي وكامت العيطة طبعا من صار الرمي وهدو علينا ست فوزية راحت اتصلت على الشيخ عمار- عمة عمار الحكنا هدو علينا بالمدرسة زلم همة وسلاحهم ونسوانهم عمار واني بالشغل قريب على المعمل والمعمل مو بعدة عن المدرسة اجاني اتصال من عمتي فوزية تكول هدو علينا بالمدرسة زلم مسلحين اني اتخبلت شلون يهدون على نسوان لوحدهم بالمدرسة اتصلت على اولاد عمي وكلتلم يحضرون عتادهم واسلحتهم وركبت البيكم دبل قمارة السودة واخذت سلاحي الرشاشة الموجودة عندي بمكتب المعمل احنا هنا ماخذين احتياطنا بالاسلحة لان عشاير وطلايب ماتخلص والله اول ما وصلت طبكت. سيارات اولاد عمي واخوي محمد هم وياهم اولادنا الله يحفظهم واحدهم جنة ذيب امعط عيونهم تلمع بالهدات نزلت واسمع صياح بباب المدرسة عاد اولاد عمي وظلو يتلاوون يتدافعون وية الرياجيل الواكفين برة وشفت من بعيد رجال داخل جوة بالادارة واني تخبلت رحت ركض. سحبت رشاشتي ودخلت عليهم بالادارة شفت وحدة ضخمة سحبت شال ابنية ما عرفتهة منو بس من انجر الشال من عليهة شفت زهراء وهي خدهة احمر وشفتهة مشكوكة وهذا العار كاعد يباوع عليهة اني ما ظل براسي عقل كمت ما اشوف ضربت الرجال على خشمة بالاخمس مال السلاح (يعني بكعب السلاح) ووكع هو من طولة ورحت على زهراء سحبتهة من ايدهن وخليته ورة ضهري وهي خطية من خوفتهة صارت وراي ولازمة دشداشتي من ورة بوية كلبي احترك حرك والله لو ما عيب وهنة نسوان جان مثلت بيهن بس طلعت حركتي بهذا الشفية الواكف هناك النسوان من شافني خنسن من الخوف صحت بعالي صوتي بخشونة -اريد واحد يفهمني شنو الجاي يصير هنا ست فوزية -عمة عمار عندنا طالبة ضربتهة معلمة بالمسطرة والمسطرة خشب بيهة بسمار من ضاربتهة جاي البسمار على ايدهة وجارح ايدهة عمار صارن عيوني بكصتي من العصبية درت وجهي على زهراء شفتهة لابسة شالهة وتبيجي عمار بصوت يرعد -اكو معلمة تسوي سوايتج زهراء بس ترجف مثل السعفة كلشي ماحجت بس تهز براسهة بمعنا لا لا ست فوزية -استغفر الله ياربي حتى انت هديت على المكرودة يابة مو هي الضاربة الطالبة ترة ست رفل ضربتهة وهاي المكرودة اكلت الكتلة من هذني اصيح اريد افهمهن مو هي الي ضربت بنتكم هنة ماكو ما يسمعن ضلن بس يعيطن المديرة -والله اني رزلت المعلمة الي تسببت بضرب الطالبة وفصلتهة كم يوم وكتبت عليهة انقطاع كعقوبة بس همة الله يحفظهم ما انطونة مجال انفهمهم وحدة من النسوان -شيخنا الله وكيلك اني سئلتهة انتي المعلمة الجديدة كالت اي اني المعلمة الجديدة وبتنا كالت. المعلمة الجديدة هي الضربتني يعني لاتلومنا ياشيخنا يعني ضاربة بنت المرحوم اخوي وهي يتيمة وخالة ايدهة تصب دم هذا ياهو اليقبلهة عمار وهو يجر حسرة -هسة هاي المعلمة الي ضربتنهة وسيحتن دمهة وهي مالهة ذنب منو ياخذلهة حقهة بالله فهموني يعني هم لازم يجون عمامه وابوهة ويهدون عليكم بالسلاح ويحركون بيتكم على روسكم لو شنو حسيت زهراء شدت على دشداشتي درت وجهي عليهة وصارت عيوني بعيونهة متت قهر شلون هيج عيون حلوة تخاف اتمنيت اخليهة بين ظلوعي واداوي شفايفهة وخدهة المضروب من **ر ان شاء الله للايد اللي انمدت عليهة المرة ظلت ترجف شيخنا احنا بركبتك نرجو السموحة منك درت وجهي على زهراء-السماح طلبو من اصحاب الحق هي الي انظلمت زهراء من ضربتني المرة راشدي على خدي حسيت يثقل ايدهة على خدي وشفتي وحسيت اكو شي دافي نزل من شفتي من مسحتة شفتة دم بس ما اهتميت لان خفت منهن وخاف يسون بية شي ماحسيت الا المرة جرتني من شالي ووكع من راسي الشال وظليت مفرعة هنا شفت رجال يباع علية جاي وياهن بعدهة سمعت صوت كلش خشن وغضبان جنة اسد رفعت راسي وشفت الشيخ عمار واني فرحت ربي اشكرك اجة بوكته لو ماهوة جان اني هسة بالمستشفى بشعبة ال**ور شفتة هد على الرجال وضربة بطرف الرشاشة مالتة على خشمة وكعة بالارض ودخل علينا بغرفة المديرة هنا وسحبني من بين ايدهن وخلاني وراه اني من خوفي لزمتة من دشداشتة من ورة النسوان كعن من الخوف الظاهر يعرفن الشيخ عمار واجت ست فوزية وحجتلة السالفة كلهة الظاهر هي الي متصلة على ابن اخوهة الشيخ وظل الشيخ عمار يحجي عليهن ونوب طلبن منة السماح وكللهن طلبن السماح من صاحبة الحق المظلومة هي الي تقرر التفت علية وصارت عيني بعينة حسيت باحساس الامان الي احس بس من اكون قرب بابا بس هو عيونة بيهة غضب على قهر ما افتهمت منه شي دنكت راسي واريد الكلام يطلع من حلكي ماكو اجت تبارك تركض وبيدهة بطل ماء وشربتني ومسحت وجهي ودارت وجهة على النسوان كون **ر للايد الضربتهة ان شاء الله اخذتني وكعدتني على كرسي هذا كلة والشيخ عمار يباوع عليه اجت علية وحدة من النسوان تصير مرة جبيرة وباستني من راسي وكالت خالة مسحيهة بوجهي عذرينا يمة والله بتنا يتيمة وصغيرة وشفناهة هيج ايدهة فار دمنا والشيطان شاطر خالة وانتي تعرفين زهراء كوة طلع صوتي مبحوح ناصي-لا خالة ماصار شي معذورة عمار يالله شنو هالابنية ملاك يعني ستوهة مضروبة وجانت ترجف ونوب تتنازل بكل سهولة عن حقهة وتسامحهم فضت السالفة بعد مافهمتهم المديرة لاهل الطالبة ان هي اخذت حقهم وعاقبت المعلمة على الي سوتة وياهة وعمار شاور عمة فوزية-سئلي الابنية تحتاج اخذهة للمستوصف فوزية -خالة زهراء ناخذج للمستوصف زهراء بصوت ناصي تعبان-لاست مايحتاج صرت احسن مابقى شي على انتهاء الدوام عمار_احم اني اترخص مع السلامة شفتهة رفعت راسهة وصارت عينهة بعيني زهراء-مشكور خوية تعبتك وياي عمار اويلي يابة تكلي خوية ولج يا خوية هذا من احتركت عشيرتي ولج اني احل عليج عمار اني باوعت عليه بنظرة وعفتهة وطلعت 6 زهراء رجعت للبيت ولكيت امي وزينب طالعات وية مثنى للمستشفى يزورون بابا خطية بس زينة موجودة منتظرتني وشافت وجهي وسألتني شصاير زهراءبابتسامة لان صدك ان شر البلية ما يضحك يعني لو واحد مسولفلي ان اني راح اكل ضربة معدلة بدال رفل ما اصدكة زهراء-صار فلم هندي بالمدرسة حجيت لزينة السالفة وزينة ? زينة -عزة هاي وين عايشيين ماكو حكومة دولة قانون تردهم زهراء ضحكت-اكو دولة وحكومة وقانون بس على ما يوصلون يردون ينقذوني تلكين اختج بعداد الموتى يعني اصير مو ست زهراء اصير المرحومة زهراء زينة -يمة الحمدلله وكفلج اولاد الحلال زهراء -اي خطية ست فوزية هي النقذتني لان هو يصير ابن اخوهة صبينا غدا واكلنا واني رحت لفيت راسي ونمت عبالك مسحو بية المدرسة خرب حضي اشكد عوبة من ضربوني لاشلت ايد ولا رجل ادافع بيهة عن نفسي احس بروحي صرت خرخاشة بيدهن ههههه والله منظر لو اشوفني زينة بالعباس تظل تلزمهة علية عار لان بس كادرة عليهة بالضرب واللسان خرب حضي ما ينلام ياسر من يكول وين السانج اشو ينبلع من توصلين يمي هههههه هو بس يمك هو الساني ينبلع بجميع المواقف المهمة اصير خرسة اكوم احجي بس بالاشارات تسريع الاحداث مر شهر على عملية ابوزينب ياسر بالمستشفى -عمي انطي خبر لاهل بيتك اليوم الحجية الجبيرة والوالدة واخواتي يجونكم يشوفون الاهل ويتفقون وياهم ابوزينب -اهلا وسهلا بيكم وليدي طبعا بهاي الفترة سافروا عمار ونوال للعمرة 6 زهراء اليوم راح يجون اهل ياسر واني اعرفهم لان شايفتهم قبل بس همة ما يعرفوني وكعدت احضر نفسي لبست تنورة قصيرة اوف وايت وقميص سمائي بي ورد وردي ولبست حذاء كعب سماي وفتحت شعري دخلت على ماما بالمطبخ وهي جاي تحضر الصينية مال التقديم للخطار ام زهراءوالدمعة بعينهة-ماشاء الله يمة عين الباردة عليج والله وكبرتي يازهورة واجوج خطابة هاج لزمي اخذي الصينية وفوتي النسوان منتضرات زهراء دخلت وايدي ترجف -وقدمت للحجية وام ياسر وخواتة وست فوزية همين خطية هي تفاجئت وفرحت من عرفت اني العروس ست فوزية -والله الدنيا صغيرة يعني انتي يمي بالمدرسة وقريب على بيتنة وياسر خبصني بيج راح تصيرلة تقريبا اثمن اشهر بس يسولف بيج زهراء اني خلصت تقديم ورحت على الحجية الجبيرة وبستهة من راسهة وايدهة الحجية -تبارك الرحمن ما شاء الله گمرة والله گمرة ام ياسر -تعالي خالة بحضني خلي احضنج وابوسنج من هاي الخديدات زهراء صارت خدودي طماطة اسيل اخت ياسر -ههههه يمة على كيفج وية الابنية صارت طماطة من الخجل اخذتني بالاحضان وكالت اني اخت ياسر الصغيرة بزر الكعدة اخر العنقود زهراءبصوت ناصي -اتشرفت بمعرفتج وسلمت على ست فوزية وكعدت يمهة ظلت امي تحجي وية النسوان وجابوها على ايام زمان وامي نبع الحنان انطلقت بالكلام بس بعدين حجت ست فوزية -خلي هسة نحجي بالمهر ونشوف شنو شروطكم ام زهراء-خية هي بنتكم انتو شتفصلون احنا نلبس كبعو واخذو الحجية-والنعم منكم بس انتي كلتي هي بتنا واحنا نريد بتنا تصير ست البنات وما نريد عليهة تقصير ام ياسر -احنا هذا الخميس نسوي مشية الزلم ونعقد بنفس اليوم بس ياسر ابني يكول كون بهذا الشهر يصير عرسة الحجية -اي ابنا مستعجل ويريد يتزوج ويكمل نص دينا اسيل -حقه مستعجل دراسة وخلص وهسة هو دكتور واليشوف هيج حلوة حقة يستعجل اتصل ياسر على عمتة فوزية ما اعرف شنو راد منهة فوزية -عيوني ام زهراء الباجر نجي اني وياسر ناخذ زهراء حتى يشترون الحلقات زهراءوبصوت ناصي -خالة بس عندي شرط واحد ان اني ابقى اداوم ما ابطل من الدرسة الحجية -حقج يمة ما طالبة شي جبير غير حقج طلعو اهل ياسر واني احس بروحي طايرة بغير عالم دخلت على زينة بالغرفة جاي تدرسة سحبته وكعدت اركص وياهة واغني اول مرة تحب يا قلبي اول مرة اتهنا تيررررا زينب دخلت وراي وتهز بيدهة -اللهم ثبت العقل والدين البنية اتخبلت صار يوم ثاني وكعدت من الصبح وسبحت ولبست ملابسي تصير فستان طويل وردي مطفي ولبست وياه شال مموج وردي ونيلي وحضرت عباتي والبوشية مالتي وحضرت الريوك لبابا وماما وكعدتهم وتريكنا سوية شوية واجة ياسر وعمتة ست فوزية واختة اسيل دخلهم بابا بالاستقبال وكعدهم وصاحني بابا اني لبست عباتي والنقاب فوك وجهي ودخلت وسلمت عليهم ياسر يالله امشونا خلي نروح سلمت على ماما وبابا ورحت وياهم طبعا محد اجة وياي من اهلي امي بقت وية بابا بالبيت خطية تخاف عليه لان هو مسوي عملية وزينة بالمدرسة وزينب ببيت عياله وعنده جهال ماتكدر تجي وياي رحت وشفت سيارة عالية ج**ارة حديثة عمتة كالت انتي كعدي كدام اني بصوت ناصي لاعفية خالة فوزية ما اكعد كدام ترة والله ارجع لاهلي همة ظلو يضحكون ياسر وهو يضحك -هسة الي يسمعج يكول خاطفينهة صعدت عمتهم كدام واني واسيل ورة خطية ياسر عدل المراية مال سيارة حتى يباوعلي براحتة ياسر يحجي وية عمتة بصوت مسموع -اكول عمة اشكد تريدين تتهربين مني وتلبدين عني تاليتج تصفين وياي بفرد غرفة عمتة فوزية ضربتة على جتفة -ولك ياسر اكعد عوف البنية بحالهة ترة لاتنزل من السيارة وتهج من ورة سواالفك اسيل-زهراء رفعي البركع عن وجهج ترة السيارة مظللة ياسر -لا لا يابة واذا السيارة مضللة ماترفع البركع هي بس الي اسيل -عابتلك خلي البنية شوية تتنفس ياسر بضحك -لا اتشاقة وياج بيوية زهورتي رفعي البركع خلي اشوفج زهراء هو يحجي واني صرت طماطة من الخجل يمة شكد جريء هذا واحنة بعدنا ماخاطبين ولا لابسين حلقات يمة منة يمة يكلي ارفع البركع خلي يطير والله ما ارفعة حتى ماياكلني بعيونة الجريئة زهراء بصوت ناصي-لا ما ارفع البركع خليني هيج احسن مرتاحة اسيل -ههههههههههههههههههه والله انتي زهراء تحفة يعني ماينلام بيج ياسر من يكول وين تشردين مني وراج وراج زهراء رفعت راسي وصارت عيوني بعيونة بمراية السيارة ودنكت يمة هاي العائلة كلهة جريئة وكلامهم يخجل 5 وصلنا للصايغ صاحب ياسر الظاهر يعرفة ورحب بيهم وقدملنا علبتين كبار متروسات حلقات على الموديل وحلوات كعدت اجرب بيهن على ايدي واسيل رشحتلي كم حلقة هنا احلى شي بيهن بعدين صفت بس اثنين رهمن على ايدي يجنن بس احتاريت منو بيهن اخذ اخر شي ياسر اقترح علينا ياسر-ناخذهن اثنينهن احسن لان نسوان خواني كل وحدة عندهة حلقتين على كولتهم وحدة للبيت وحدة للطلعة اني بصوت ناصي بمستحة -لا لاتكلف نفسك هاي هواي تصير فلوسهن راح يصير عليك لود وانت وراك تكاليف العرس طبعا ما اعرف ليش من اصير يم ياسر ينطلق لساني بالكلمات الجريئة بالله شنو يكولون علية هاي من هسة مستعجلة تريد تلم فلوس العرس حتى تعرس شلون بية وبلساني خرب حضي يعني( سكت دهر وان نطق كفر ) ياسر بضحكة -اويلي يابة سلمان الحكلي بنت جابرراح تموتني بكلامه يمة فديت مريتي تخاف على فلوسي خاف يخلصن وافلس وما الحك اشتري الغرفة عودك نشتري فراش ونحطة بالكاع مو الا اشتري غرفة اهم شي ننجمع سوية عسا ما فراش وبطانية كمت ارجف من المستحة زهراء والدمعة بعني وصوتي كام يرجف من الخجل -عفية ياسر كافي والله بعد ما احجي ولا افك حلكي اتوبة فوزية -ولك شجاك فك ياخة عن الابنية والله راح تشردهة واحنا عند الصايغ دك نقال ياسر -الو هلة باابو الشباب والله مشتاقين اي الباجر تصير مشية الزلم اي حرامات انت ماموجود بس يالله ولايهمك انت تزفني بيدك اه صدك هَـا خ?وش تمام ما راح نشتري الله يسلمك يوصل يالله مع السلامة سلمنا على الاهل سد النقال اسيل -منو هذا الي اتصل ياسر -هذا عمار يسلم عليكم ويكول لاتشترون ذهب للمرة بس اشتروا بس حلقات يكول اني اجيب الهة كم طخم وياي من السعودية هناك الذهب حلو وكلة عيار ٢٤ اخذنا الحلقات واني اشتريت لياسر حلقة فضة ونوب اخذنا فرنا السوك كلهة اشترولي احذية وفساتين وملابس بيت وكلابيات خليجية حلوة وفساتين منزلية وتراكات برمودة وملابس نوم ومكياج وجنط ياسر -يالله كافي هلكت والله من الفرة الله يساعدكم النسوان على فرت السوك بوية حياتي كلهة ماشايف هيج تعب انترست السيارة غراض خيطية ياسر صارلنا حمال بعدين رحنا ونزلنا مطعم كال -نتغدة بعد مابيهة مجال ترجعين لجابر جوعانة عيب علينا زحمة كعدنا ب المطعم بين كل يصير بين ميز وميز ستارة حاجز حتى العوائل تاخذ راحتهة اني كعدت مقابيل ياسر واسيل بصفي ومقابيلهة ست فوزية طلب النا ياسر اكل وسألي شنو اشتهي زهراء بصوت ناصي -بكيفك شنو تطلب الك اطلبلي وياك ياسر -يبوي شنو لسانج ينكط عسل شفتي عمة هي التتحارش بية وتكلي عفية اسكت فوزية-شنو شوكت تحارشت بيك ولك ياسر -هسة ستوهة كدامج كالت شنو تطلب الك اطلبلي وياك يعني شلون يصيربعد التحرش انتي متخافين ربج ما عندج خوان ترة والله اخجل عيب 19 اسيل وفوزية واني ظلينا بس نضحك زهراء -يعني ابد مو ياسر اللي اعرفة الهادي الرزن الرسمي اليوم يتصرف وياي على راحتة مثل بذاك اليوم من سمعتة شلون يتشاقة وية اولاد عمة وينكت وياهم بوكتهة اتمنيت كون هيج يصير وياي لان بس اليحبهم يكون وياهم على طبيعته وعلى راحتة بس الغربة يتعامل وياهم برسمية وتحفظ يمة فديتة وفديت الضحكة وراعيهة

Free reading for new users

Scan code to download app

App Store Google Play

Facebookexpand_more