بارت 7

4200 Words

عمار واني هناك بالعمرة فكرت اشتري لزوجة المستقبل زهراء طخم ذهب واتصلت على ياسر وكلتلة لايشتري ذهب لخطيبته اني راح اجيب وياي طخم ذهب وسلمت عليهم بس مع الاسف ما الحك على الخطوبة لان الاخ كلش مستعجل اخذت نوال وياي لمول كامل هناك بس ذهب وشلون تصاميم تفتح باب الگلب اخذت للحجية محبس ضخم بس شذرة زركة ولامي اشتريت الهة امتوت يعني (اساور تكون متينة وعددهن اثنين) ونوال اخذلتله سوارت ٦وولشيخة هم ست سوارات نفس تصميم نوال لان ذيج تغار ونحسة واسيل والبنات البقية كلمن على فد سوار فرفشة بس اما اميرة گلبي فهاي غير اشتريت الهة طخم ذهب متكون من كلادة وتراجي ومحبس وسوار بس فخمات وحتى خطيبة ياسر اخذتلهة هم طخم ثاني نفس المحتويات بس غير موديل واشتريت لمريتي ام عيون الحلوة محبس بي خضرمة عن العين والله اخاف عليهة حتى من عيوني خاف تحسدهة ونوال تضحك علية وتدعي الله يجعلهة من نصيبي شيخنا والله كلفنا عليك انت خطية. وهواي صرفت علينا حتى ما اخذت الك شي عمار -لا اني اخذتلي مدالية ذهب للسيارة بحرفZو وجبت لابوي وجدي وعمامي واولاد عمامي سبح من احجار العقيق الاصلية الثمينة ورجعنا للفندق بعد ثلاث ايام نرجع للعراق كملنا مناسك العمرة. وشفت البسمة على وجه نوال خطية احس بيهة مظلومة بس كون ربي يقدرني واعوضهة عن حرمانهة عمار بحنية-نوال ما بنفسج شي كولي نوال-ياشيخنا هذا الدلال كله وتكلي ما ناقصج شي والله اني كلة بجاهك اطلع وافرح واتونس وما خال بنفسي شي وماحسستني بيوم بالنقص ولا يوم فرقت بيني وبين شيخة لا وبعد تعاملني احسن من شيخة روح الله يرضى عنك وييسر امرك ياابن عمي وسندي بالهدنيا هاي 6 زهراء بيوم الخطوبة راح نعقد سيد ونكطع مهر ونسوي حفلة بسيطة كعدت من الصبح كلي نشاط وسبحت وتريكت وبدلت واجة علية مثنا هو وزينب واخذنا ورحنا للصالون وهناك حفيت وسوولي تنظيف بشرة ونزلولي شعري ما قبلت يسون تسريحة ردت شي بسيط حتى ياسر يشوف شعري على الطبيعة وسويت ميك اب بسيط بس اتفنن بعيوني وخلصنا واجة علينا مثنى وورجعنا للبيت امي شافتني ضلت تصلي على محمد دخلت للغرفة ولبست فستاني الزيتوني يصير دلعة نازلة من الاكتاف يعني الاكتاف وص*ري كلة طالع يكون الفستان طويل وبي فتحة من كدام توصل للنص الفخذ وام الصالون وشمت وشم مؤقت على الفخذ مثل الفراشة الطايرة وراهة خط لمعة ولبست حذاء كعب عالي صرت عبالك اميرة وشعري خليته على صفحة وحطيت على راسي تاج كلش بسيط و نازك 5 امي دخلت علية وباستني ودمعت عيونهة وكالت يمة الله يوفقج ويفرحج واجة وراهة بابا خطية حسيت الدمة صارت تلعب بعيونة بس ما وكعت رحت عليه وحضنتة وهو باسني من راسي بنيتي الله يستر عليج طالعة ل**بة وزينة فرحانة ولابسة نفنوف وردي بسيط بس طالعة تجنن لحضات واجو عماتي يصيرن بعمر زينب وبعمري حبابات ومتزوجات وبنات خالتي يصيرن نفسهن حموات زينب اختي وجوارينا هههههههه واجت ام خليل بس هلمرة ما جابت جناينهة وام احمد هم اجت واني اتذكرت طالبتهة فلوس ? وبعدين اجة ياسر واهلة و عمامة واولاد عمامة وعماتة ونسوان عمامة واسيل هم اجت بس ما جابو بقية الجيش لان البيت يقبط اذا جابو بناتهم ماشاء الله كلش هواي وشيخة مرت عمار ما اجت لان حامل بشهرهة بس مرت اخوهم محمد اجت صدقة شلون حلوة ونازكة وكلش حبابة بعمر زينب اختي ٢٨سنة طبعا الكل يسألني على عمر ياسر عمرة٢٦سنة والمفاجئة الحلوة من اجت صديقتي تبارك وكعدت تهلهل وطشت على راسي جكليت فديتهة كلش فرحانة بية اكو وحدة من بنات عم ياسر تصير اخت شيخة بس تكلب بعونهة وتباوع لبيتنا وتفر بيدهة الظاهر بيتنا ما عاجبهة اسمهة رشا شكلهة حلو بس حيل مغرورة وشايفة نفسهة حتى ما اجت سلمت علية كعدت واجت الحجية باستني واني بستهة من راسهة وايدهة وام ياسر حضنتني وهي فرحانة وكعدت بنصهن بعدين صاحلي بابا وكلي بابا زهورة لبسي عباتج ونقابج وتعالي اوكفي ورة باب بالاستقبال طبعا ما احجيلكم من اجو اهل ياسر وعمامة الشارع انسد من السيارات وحتى الاستقبال ما شالتهم نصهم كعدو بالباب مالت الشارع مثنا خطية طلعلهم كراسي وكعد وياهم لان بيتنا كلش صغير بعد ما اجة بابا واخذني اني وكفت خلف الباب وكعدت اسمع صوت السيد واني اردد واره بصوت ناصي من المستحة ونوب سمعت صوت ياسر يردد ورة السيد والحمد لله تم العقد واني دخلت يم النسوان وكبت الهلاهل والديجي والبنات يركصن وتبارك تصفك وتهلهل كان احلى يوم بحياتي ... ونوب دخل علينا ياسر وكعد يمي واني مدنكة راسي من المستحة وياسر بصوت ناصي ولج شطالعة هسة من اكوم اكلج كدامهم اكو واحد يلومني يعني تتحارشين بية كوة بهاي سوالفج وتكليلي عفية اسكت لاتحجي والله استحي زهراء اني خدودي صارت طماطة من الخجل ياسر بصوت اقرب للهمس -هسة بالله منين ابدي من الخدود لو من الركبة لو من الصدر شفتة نزل عيونة على جسمي وشفتة شهك -ولك بوية سلمان الحكني هاي بنت جابر ناوية علية اليوم ولج شنهو هذا الي على فخذج ولج والله جنيتي على نفسج اليوم 5 اني دخلت وجنت ناوي ما احرجج بس من شفتج بهاي البدلة وبسوالفج مال الوشم ودلعة الفستان لا هسة انتي التتحارشين اليوم شي يفكج مني زهراء واني ارجف وبصوت ناصي -لا عفية والله بعد ما اعيدة والله التوبة بعد كلة اطلعلك بعباتي والبركع ياسر ضحك بصوت عالي -اخ بوية بطني اجت ام ياسر - كافي بسبسة يالله لبس الابنية الحلقات والذهب حتى تطلع يم الرياجيل زهراء اقترب مني ياسر مستغل الموقف على يلبسني الذهب اول شي لبسني الحلقة ونوب شال كلادة ذهب كلش حلوة واقترب مني وحوط ركبتي بثنين اديديه على اساس يريد يسد الكلادة هو ظال متونس يشم بركبتي وبصوت ناصي قريب على اذاني -افيييييش ولج شنو هالريحة ولج شنو ملمس جسمج ادري حرير لو مرمر اني كلبي كام يهتز صار رجاج وص*ري كام يصعد وينزل بالنفس خلصنا تلبيس الذهب وباسني من راسي وطلع يم الرياجيل واخذنا صور سوية وية امة والحجية وخواتة وهم اخذنة صورة وية ماما وزينة وزينب ونوب اتصورت وية صديقاتي ورة ساعتين خلصت الحفلة وراحو الناس وخطية زينة وزينب وبنات عمو نبيل اثنين اجو وية عمو نبيل كعدن ينظفن البيت من الهوسة دخل بابا علية بالغرفة بابا-بابا زهورة رجلج يريدج بالاستقبال اني كمت ولبست عباتي وشالي ومشيت ورة بابا دخلني على ياسر وبابا وطلع وسد الباب وراه اني هنا اتمنيت اركض ورة بابا واكلة لاتعوفني لوحدي وية هذا والله ياكلني درت وجهي على ياسر اشوفة خربان ضحك علية ياسر -هههههههههههههه خرب عشيرتج سويتيهة صدك ولبستي عباية اشو تعالي اقتربي مني اني بصوت ناصي -ما ماريد اهنا واكفة احسن مرتاحة ياسر -ههههههههههههههه من احتركت عشيرتك ياسر هاي البزونة وين جانتلك اني مدنكة وما حسيت عليه من اتقدم علية وسحبني عليه اني هنا الحمد لله صار عندي شلل ما اكدر انطق اي اكلمة بس ارجف والاستاذ الحمدلله استغل سكوتي ونزعني العباية والشال واقترب مني واني اهز براسي بمعنا لا وارجع ورة وهو يتقدم وصار باب الاستقبال بضهري وهو اقترب مني ودنك راسة بمستوى ركبتي وشمهة ياسر بهمس -اخ يابة امي شكد داعيتلي رفع راسي اقترب مني وباس شفايفي يمة احس اكو فراشات بمعدتي يرفرن وسحب شعري وشمة ياسر بهمسة مثل همسة العاشقين -ديري بالج تكصين شعرج احرك عشريتج ترة ورجع باسني من شفايفي بس هلمرة اقوى اني بس ارجف وذايبة بحضنة اتمنى ماتخلص هاي اللحضات اوف هسة الواحد الا لازم يسوي عرس وهوسة وينتظر عيب ولج زهيرة ثگلي همزين الگلب محد يسمعة جان انفضحت ههههههه 12 ياسر ثكل النفس مالتة وعيونة صارت حمرة وشوي اشو هذا نزل على ركبتة بالكاع عبالك جاي يركع كدامي بس ما افتهت شيريد بس كمزت من مد ايدة وكام يتلمس مكان الوشم الي موجود بفخذي دنك عليه وباس الوشم يمة اجيت اوكع من طولي والله هذالو ابقى بعد وياه ساعة احتمال ما اطلع ابنية من الاستقبال شوية وسمعت الباب اندك اني كمزت وابتعدت عن ياسر عبالك مسوية جريمة وياسر كوة سحب نفسة من يمي وابتعد بس عيونة تريد تاكلني قبل لا افتح الباب واطلع ياسر - زهراء الاسبوع الجاي عرسنا فدبري امورج وحضري شغلاتج هذا الاسبوع ترة بعد ما اتحمل جنت مصبر نفسي لان ما ضكت حلاوت حضنج بس هسة من ضكت طعم شفايفج لا بعد طلع الامر عن سيطرتي ما اكدر اصير شهم اكثر من هيج زهراء -براحتك الي يرحك سووي ياسر بصحكة-يسألني ليش تحبهة وميت بهواهة من رحت الف فدوات لبنت جابر زهراء طلعت من الاستقبال ورحت لغرفتي كبل وشفت نفسي بالمراية يمة شعري مخربط ومهوس وشفايفي مورمة وركبتي بيهة حمار وص*ري يريد يطلع عزة العزاني همزين محد شافني بهذا شكلي يبوي والله عيب اوف بس عودك شنو والله احساس يجنن يمة گلبي احمدك يارب ياسر صار رجلي وحبيبي زهراء يوم ثاني اجة ياسر وجايب وياه نقال حديث الي حتى يتواصل وياي وخال بي فايبر واتس اب ومسجل رقمة بي وكلي الباجر حضري روحج نروح نعقد بالمحكمة ومناك نروح لبيت اهلي حتى تشوفين الشقة وشلون انثثهة اي والباجر عمار اخوية ومرتة يجون من العمرة فراح تبقين ويانا على الغدة لان مسوين عزيمة يالله اني اترخص وراهة طلعنا اني ماما ورينب للسوك واشتريت قفطان مغربي كلش راقي ويجنن يشبه قطفان لجين عمران مذيعة ام بي سي بصباح الخير ياعرب واشتريت شحاطة شغل هندي ام الاصبع وشال رهمته وية القطفان كان لون القطفان نفطي على ذهبي مطفي هاي البسهن الباجر من اروح لبيتهم وكملت بعد شغلات جهاز العرس من ملابس داخلية واصباغ ومعطرات وشموع معطرة وشسوار وكومة شغلات يوم ثاني كعدة من الصبح وسبحت وشسورت شعري ولبست القطفان هذا شكل القطفان الي لبستة زهراء ☝? 36 ومكيجت مكياج سموكن شوية هالمرة ثگلت بالميك اب لان اليوم عندي عقد بالمحكمة اني وحبيبي وراح اروح لبيت اهلة شي اكيد راح يجن بنات عمة وشي اكيد السعلوة رشا موجودة خلصت وحضرت عباني ونقابي وطلعت وماما شافتني وظلت تسمي وتقرة المعوذات بوجهي ا اجة ياسر وما خليتة يشوف ملابسي ولا وجهي اخليهة مفاجئة من نوصل لبيت اهلة رحنا اني وبابا وياسر وابوه وامة للمحكمة وعقدنا وخطية بابا باسني من راسي وكلي مبروك بنيتي الله يتمملج على خير خطية وراح وعافني يمهم عمي باركلي وعمتي باركتلي واحنا بالطريق عمتي ظلت تسولف وياي باختصار ظلت تشرحلي قوانين وانظمة بيتهم ماعندهم مرة تطب وتطلع بكيفهة النسوان كلهن يشاركن بالطبخ وكلهم يكعدون على سفرة وحدة ماكو شي اسمة اني زعلانة ما انزل اكل هاي حلقة علكيهة بذانج زهراء يبوي بدة شغل العمات العمة-شوفي الكلمة المسموعة بالبيت هي كلمة الشيخ سلمان والشيخ عمار وكلمتهم تمشي على الجبير والصغير و بالعشيرة كلهة يسوولهم الف احساب شوفي يمة اني مثل امج اذا انتي صرتي مثل بنتي يعني تصيرين حبابة وتسمعين الكلام وتطيعين رجلج وتسعدينة هذا التصرف يخليلج احترام بين اعيالج ماتجاوبين ولاتعلين صوتج على الاكبر منج حتى لو كان على خطاء زهراء بصوت ناصي -خالة اني اهلي مربيني على احترام الاكبر مني ام عمار-اعرف بيج خالة مترباية وبنت ناس اجاويد بس انتي راح تدخلين عندنا جنة واحنا هنا ناس اهل عشاير وكبارية واحنا بيت الجبير يعني ناس طابة طالعة علينالازم تتحملين صغيرنا وجبيرنا يعني كون وجهج اربعة وعشرين ساعة مبتسم وما تغنتبين بوجه خطارنا حتى لو كان عليج هموم الدنيا لان هاي تعتبر عيبة بحق بيت الشيخ سلمان زهراء كنت متعجبة على قوانينهم وعاداتهم صيحيح ماكو فرق عن عادات اهلي بس هنا يختلف ما عندهم شي اسمة خصوصية الكل سوية طبخ تنظيف اكل كلهة سوة يعني حتى ما راح اعرف ياسر شنو اكلتة المفضلة وشوكت يعجبة يكعد من نومتة يعني وهواي اشياء نتعرف بيهة على شخيصة االانسان اذا كانت هناك خصوصية موجودة بين الازواج وهنا الظاهر هذا الشي ما موجود وصلنا لبيتهم ودخل السيارة بالكراج ونزلنا واني مشيت ورة عمتي ام ياسر ودخلنا داخل البيت بس بصالة ثانية ادري هذولي كم صالة عندهم بس ماشاء الله شلون راقية رحت شفت الحجية الجبيرة وسلمت عليهة وبستهة من راسهة وايدهة وكاعد يمهة الجد الجبير وهم بستة من راسة وايدة واجت اسيل وسلمت علية واخذتني لغرفتهة تصير بالطابق الارضي بس شلون غرفة عبالك مال اميرة اسيل -اخذي راحتج ونزعي عباتج والنقاب وظلي بس بالشال لان الولد هنا طابين طالعين اني نزعت عباتي مالت الراس والنقاب اسيل -واو شنو هاي الاناقة والذوق هاي منين جبتي القطفان يجنن عليج والشال كاعدوياهة فيت والميك اب وين مسويته عند يا حلاقة زهراء-تسلمين اسولة عيونج الحلوات اني سويت الميك اب لنفسي ما رحت حلاقة ترة الوحدة تعرف نقاط جمال وجهة وهي التعرف شلون تبرزهة اسيل -يالله خلي نطلع لايصحون علينا زهراء طلعنا ورحنا بالمطبخ البارد وسلمت على البنات وست فوزية وشيخة كوة سلمت علية وظلينة نسولف وكعدت اساعدهم بالمطبخ اشياء خفايف رن نقالي وشفت اسم ياسر ورديت ياسر - زهراء صعدي فوك للشقتنا هسة واني جاي وراج زهراء وكلبي كام يرجف بهمس-اي هسة وسذيت النقال بوجهة من المستحة وخدودي صارن حمر لان الله يحفظهن البنات جانو بس يكركن ويسولفن بصوت عالي من دك ياسر علية الحمدلله عم المكان الهدء والسكينة يبوي هذني اشكد فظوليات طلعن اضرب من ام خليل اني اخذت اسيل وسألتهة علمود تدليني شقة ياسر صعدتني فوك من غير درج غير الدرج الي صعدتة بذاك اليوم وية نوال هذا الدرج يصير خلفي مو بالواجهة دخلت للشقة وشفتهة كلش حلوة اسيل -يالله حٍٍِْــًبٌٍـــِٓېٍٓ اني رايحة لان ماما تحتاجني عافتني ونزلت اني دخلت لداخل الشقة وظليت افتر بالغرف ودخلت لغرفة ياسر مبينة غرفة واحد عزابي كمزت من مكاني لان واحد خلة ايديه اثنينهن ولفهم على خصري وحضني ياسر -طحت عليج ولج شعلتي كلبي اريد اشوفج ماكو دخلت وراج عند جدي وجدتي ما لكيتج فص ملح وذاب وبقيت انتظرج وانتي الحمدلله اختفيتي 1 زهراء بعدت ايديه عن خصري وابتعدت عنة ودرت وجهي عليه ياسر-شطالعة اليوم بوية سلمان تعال شوف بنت جابر شلون تلعب بعصابي زهراء اتقدم مني ونزعني شالي وفتح شعري ونزل مثل الشلال دنك عليه وشمة ياسر -اخ يابة ما اتحمل اني هنا ذبت وصار عندي الشلل الكلامي? دنك على ركبتي وفتح كم دكمة من القطفان وطلع بياض ص*ري كدام عيونة وهو جر نفس وهو يرجف باس شفايفي بشراهة ونزل على ص*ري كام يشمه زهراء كامت رجلية يرجفن وهو حس عليه دخت وراح اوكع من ورة كمية المشاعر عبالك شلون واحد سكران هو شالني خلاني على السرير ونام بصفي ولزم ايدي وباسهة وخلاهة على كلبة ياسر-زهراء خلي ننزل احسن لان اني ما سيطربعد على نفسي وانتي هم الله يحفظج غديتي ماي بيدي وذبتي بين اديدية دك نقال ياسر -هلة بوية اي اي هسةزجاي جاي كام ياسر ونزل من السرير وكومني وباسني من شفتي وكرص شفايفي مايكدر يمنع نفسة عني دكم قميصة وعدل شعره وحط عطر واتقرب مني وباسني من راسي ودكم القطفان مالتي وحجة بصوت ناصي لبسي شالج عدل وانتبهي ترة شفايفج ورمت عبالك مسوتهم فلر الله ينعلك يالشيطان كلما اكول اصير عاقل وما اسوي شي بس اشوفج انسى روحي وحتى اسمي يالله اني نازل عمار ومرتة على وصول عدلي شالج مو اشوفج يم باب المطبخ لو يم الشباك ترة ماتلومين الا نفسج زهراء وهي حمرة من الارتباك-صار ياسر -ياهلا بالشيخ ياهلا نورتنا عمار اول ما وصلت اتلكاني اخوي ياسر وحضني حيل ياسر-والله الك وحشة يابو الشباب نورت دارك وذبحو الذبايح واجة اخوي محمد باسني من راسي محمد -شلونك شيخنا عمرة مقبولة عمار -قبل الله اعمالك محمد -والله فرحان بوصولك سالم ياسر بضحك-خلي يولن حمودي مو علينا هذا الحجي كول انت فرحان لان عمار راح يستلم مم بعدك كراب الشغل ههههههه الي خطية طاح كلة براسك من سافر عمار محمد -بالله انتى شلون راح تتزوج وتكون عائلة وانتى بعدك زعطوط وهذا السانك متبري منك عمار-هو ليش اني من سافرت خلصت من الشغل هم كلساعة متصل علية ودخلنابالديوان وشفت ابوي واخذتة بالاحضان وبست ايدة وراسة وجدي دنكت عليه وبستة لان مايكدر يكوم الله يا ريحة اهلنا وكعدت يم عمامي واولاد عمي وظلينة نسولف زهراء عدلت شالي ونزلت وسمعت اصوات الرياجيل فعرفت ان الشيخ عمار وزوجته وصلو فرحت اسلم عليهم دخلت نوال من باب الصالة الثانية على البيت واستقبلنها البنات بطش الجكليت والاحضان راحت نوال وسلمت على الحجية الجبيرة ونوب سلمت على ام عمار وبقى السلام يجر سلام لان ما شاء الله هنة كومة واني منتظرة سراي شوكت يوصل لمن وصل دوري بالسلام زهراء بابتسامة - عمرة مقبولة خالة نوال نوال بابتسامة -الله يبارك بيج زهورة يوم الي اشوفج عروسة زهراء استحت ودنكت -تسلمين خالة نوال -شنو دزو عليج حتى تسوين كليجة لو كبة عفية سويلنا وياج دولمة من ايدج الطيبة والله مشتهيته زهراء باستغراب ما افتهمت قصد نوال ست فوزية -لاحبيبة شنو دولمة شنو كليجة خطية الابنية بعدهة عروس اليوم عقدة بالمحكمة شنو تردين ياسريزعل علينا لان مشغلين زوجتة باول يوم الهة هنا لاحكة على الكراب خليهة اليوم تدلل وعودك انتي سلميهة المهام بعدين نوال وبصدمة لطمة على ص*رهة من الفاجعة -شنهو كلهة سكتت وانتبهو على ردة فعل نوال اللي كانت كلش مخيفة وكأن سمعت خبر موزين نوال صخام الصخمج ينوال والله مصيبة وحلت علينة يمة الاخوان عاشكين نفس الابنية سودة علية يا عمار شلون بيك اذا درة باخو خطب الابنية اليهواهة گلبة وذبح حلمه بيدة نوال عاينت على الوجوه شلون تباوع علية ومعت من طولي وسويت نفسي انغمى علية حتى اضيع السالفة بالله شحجيلهم ما اكدر اسوي شي ظليت مثل بلاع الموس لا اكدر ابلعة ولا اكدر اطلعة بالحالتين يجرح ربي سترك زهراء اغمى على نوال وخطية خالة والحجية حسبالهم هاي عين صابتهة ورشن على وجهة ماي وقرن عليه المعوذات كعدت شوية وجهة اصفر وكالت اخذوني لغرفتي اريد ارتاح صعدنهة البنات لشقتهة فوك صبو الغدة واخذو الولد للديوان واني بقيت كاعدة بمكاني استحي اتحرك وبعدين كعدت وية البنات اتغديت وكفينا الشغل سوية بالمطبخ ساعدنا الخدامات وصبينا جاي وطلعو الرياجيل ودخل يا سر والشيخ عمار وسلمو وباسو راس الحجية جدتهم وهم سلمو على امهم الحجية وهي تضحك -يمة ياسر شجاك كلساع تسلم وتبوس براسي شبيك يمة شارب شي ياسر -شدعوة عليج حجية خلينا نبوس لو البوس بس حلال على جدي وحرام علينة البنات كلهة ظلت تضحك على سوالفة والله يا ياسر الحجية ضربت ياسر بالعصا-ولي منا ملعون ابن الملعون زهراء رفع ياسر راسة وشافني واكفة صفحة متكترة اتقرب مني ولزم ايدي واخذني لعند عمار والحجية وامة ياسر بفرحة -خوية عمار باركلي اليوم عقدت محكمة تعالي زهراء سلمي على الشيخ عمار اخوي 2 عمار جنت اسولف وفرحان باهلي داير ما دايري وجنت اضحك على كلام ياسر شلون ينصب على جدتي سمعت صوت ياسر يكول خوية عمار باركلي اليوم عقدت محكمة تعالي زهراء سلمي على الشيخ عمار اخوي اني كمت ورفعت راسي واجت عيني بعين خطيبة ياسر هنا عبالك صاعقة ضربت راسي وقسمتة نصين ضليت اتلفت مثل الغركان وادور على نوال بس هي الي راح تفهم موقفي ياسر ظل صافن منتضر مني احجي واني احس دمي جمد بعروكي واذاني صارت بيهة وشة دخيلك يارب دخيلك يالله ربي افرغ علية صبر من صبر ايوب عمار بصوت خشن بعد ما اتلاحكت لنفسي -الف مبروك اختي منة المال ومنج العيال كل كلمة تطلع مني احس مثل شوك الصبار النابت كوة اجرة من حنجرتي 35 الموقف المريت بي احس هد حيلي وسحب روحي مني عمار وهو مدنك -يالله اني اترخص اريد ارتاح فوك بشقتي يم نوال كامت شيخة على حيلهة -شنو شيخنا ما اشتاقيت لبناتك عمار -شيخة بس اليوم اريد ارتاح لان كلش تعبان والباجر اعوضكم عفته وصعدت فوك لعند نوال دخلت ولكيت نوال تبجي وعيونهة حمر افتهمت من دموع نوال ان هي عرفت منو خطيبة ياسر او بالاحرى زوجة ياسر نوال رادت تحجي -عمار عمار وبصوت صلب -اششششش ولا كلمة ما اريد اسمع اي شي بخصوص هذاالموضوع هالشي خلي يموت بيني وبينج ما يطلع لكائن من كان بس خليني انام بحضنج لان احس ان*د حيلي نوال نام عمار مثل الطفل بحضني واني العب بشعرهة يمة سودة علية عمار اعرف عمار ورابية وياه من الصغر واعرف بي ان راح يظل يكبت بكلبة ومايحسس احد بجروحة مابيدي شي بس الدعاء كون الله يطلعهة من كلبك يعمار هم الابنية مكرودة مالهة ذنب بالي يصير بعمار هي لاواعدتة بشي ولا تدري بي يحبه اصلا وشكلهة فراحانة بياسر يعني عمار العذول الي بينهم ما تستاهل يبن عمي الي يصير وياك صعب بشر يتحملة خطية من هو صغير ووعة على الدنيا وهو مامتهني لا لعب بطفولتة مثل الاطفال ولاتونس بمراهقتة مثل الاولاد ولا اتهنى بشبابة كضاهة كلة جهاد لان من هو وصغير وجدي رباه على ان هو شيخ العشيرة فحملة مسؤليات اكبر من عمرة ويفرض عليه عقوبات اقسى من طاقتة وتحملة وجان من يضربة جدي بالسوط وهو بعر السبع سنين خطية لازم مايبجي لان هو رجال شيخ وعيب يبجي حتى من هاي حرموه من ابسط حقوقة ان يلعب حالة حال الجهال ومالة حق يتصرف مثل المراهقين من هو صغير اتعلم ان يكابر الالم ويعاند الوجع ويبتعد عن كل لذات الحيات كان كل همة ان يصبح رجال يعتمد عليه ويرفع راس ابوه وجده وعشيرتة وهو ما قصر حقق جميع امنياتهم وصار صيتة عالي والكل يحلف باسمة ويحسبلة الف حساب وجان اليشوفة يحس بي اكبر من عمرة حتى هو ينسى نفسة مرات ويكول اني بعد هذا عمري احب وكأن هو يعرف حتى هذا الشي مو من حقة حقق امنيات اهلة وعمامة بس على حساب حرمانة من اغلى لحضات مسروقة من سنين عمرة اباوعلة يحب يفرح الكل ويهتم بمشاعر الكل ويسأل عن احوال كل واحد من عندنا وشنحتاج وشنطلب يجرالنا الاهو ما يوم شفت احد يسألة شتريد شتحب شعاجبك الك الله يا عمار 8 في يوم العرس ام زهراء-يالله يمة زهورة كعدي بسج نوم يالله ترة هسة ياسر على جية زهراء بتعب - اي ماما كاعدة هسة اكوم زينب -زهراء حضرت غراضج بالجنطة مالت الليلة زينة ?-شنو جنطة الليلة ام زهراء ضربت زينة ضربة خفيفة على راسهة وخزرتهة -وجعة حاشرة نفسج بكلشي زينة وهي تحك براسهة-اخ يمة هسة اني شحجيت وانتي ضربتيني زينب بضحكة-عزة العزاج شوف هاي ام السان شلون تجاوب ام زهراء -بالله اشو طلعي برة وسدي الباب وراج زينة وهي تنفخ -كل مرة اطلعوني من تردن تسولفن انتي وبناتج تطردني ليش اني مو بتكم لو بس هذني بناتج ام زهراء لزمت تكرمون النعال ? تريد تشمرة على زينة زينة بركضة ??‍♀️ -اشرد خوية عامر درب الفلتة زهراء وزينب ظلن يضحكن على زينة ام زاهراء-شوفي يمة زهورة اريدج اليوم تصيرين سباعية وتسمعين كلام زوجج و لاتخافين من هاي الليلة سايري رجلج حتى ما تتأذين ادري بيج من يصير بيج موقف محرج لو تخافين تظلين ترجفين حتى حجي من تكدرين تحجين هاي المرة اريدج تصيرين مطيعة وان شاء الله زوجج انسان مثقف ما يأذيج ويعرف شلون ياخذج زهراء???-احم ?امممم اااا ماما بطلت ما اريد اتزوج عفية? ام زهراء-يالله بالله هاي شحجي وياهة عودك ما اوصيج هيج احجي يم زوجج وفشلينا عند العالم 5 زينب -هههههه لايمة هسة تگلة رجعني لبيتنا اريد ماما ام زهراء وهي تضحك -اي حتى ما اصخم وجهة زهراء صارت طماطة من الخجل ام زهراء -لايمة زهورة ابنيتي وراح ترفع راسي كدام الناس يالله كومي الله يبارك بيج زينب -يالله ياعروسة حضرت الحمام اليوم اني اسبحج بيدي بحمام مغربي يجنن زهراء بعد ما خلصت حمامي وطلعت لافة روحي بالبرنص مال الحمام خطية زينة كلشي ماتفتهم كعدت تطبل على باب الغرفة مالتنا عروستنا جليكليتة حامض حلو بباكيتة ????وهلة وهلة حضرت غراضي اللي راح اخذهم وياي ب الصالون اتصل علية ياسر وكال محمد راح يجي عليج هو واسيل ياخذوج للحلاقة حضري نفسج لان اني ما اكدر كلش ملتهي 8 اجة علينا محمد اخو ياسر وطلعت اني وزينب وعباتي فوك راسي اني وزينب لابسات البراكع سلمنا وركبنا وصلنا للصالون و بعد اربع ساعات زينب واسيل ماشاء الله تبارك الرحمن ل**بة طالعة زهراء بخجل تسلمون بنات كان فستاني جدا راقي هذا هدية عمتي ام ياسر وصت عليه من كويت تصميم خاص يصير لونة اوف وايت فستان زفاف زهراء ☝? ويجي وياه تاج ملكي ?نازك مثل الاميرات وحذاء ابيض روعة يصير كلة گبير تور وعليه لؤلؤ زينب واسيل كعدن يقرن علية المعوذات اسيل تضحك-يمة خطية اخوي والله يتخبل علينا من راح يشوف هذا الجمال زهراء? زينب -والله ياسر وردة مال الله يستاهل كل الخير ربي يوفقهم اتصل ياسر على اسيل -الو هَـا ياسر اي هسة نطلع اي اي افتهمت راح اكبعهة عدل لاتخاف جايبيين ويانة برنص نلبسه الهة اسيل -يبوي هذا ياسر اكل كلبي يكلي كبعيهة عدل مو تطلع مفرعة وسئلني على نقالج يتصل عليج ومحد يرد زهراء ?-نسيتة بالبيت اسيل -يالله بنات ياسر بالباب خلي نطلع زهراء وصل ياسرو صف السيارة بباب الحلاقة الا شوية ويدخل داخل الصالون وفتح الباب الخلفي مالت السيارة وساعدني البنات ببدلتي لان كلش ثقيلة وصعدت وعدلت كعدتي وصعدن البنات وياسر لابس قاط يمة من فدوة لربك شلون طالع انيق صعد ياسر يريد يسوق بس قبل لايسوق دار وجهة علية وكلي رفعي البرنص اريد اشوف اني رفعت البرنص شوية ورفعت راسي وابتسمت ياسر -ما شاء الله طالعة گمر يالله نزلي البركع ديري بالج ترفعي حتى لو تختنكين اسيل -على كيفك وياهة ترة السيارة مظللة زينب وهي مستحية -شنو ماترحون للاستديو تصورون اسيل وياسر ضحكو ياسر -خوية احنا مانروح للاستديو نصور هو الاستديو وصاحبة الاستديو بكبرهة تجي لعندنا بالبيت حتى ناخذ راحتنا بالحركات ويباوع على زهراء بالمراية زهراء يمة گلبي راح يطلع من حلكي من المستحة والفرحة زينب بخجل -اي هم صدك احسن توفرون الوقت 8 وصلنا لبيت اهلي ونزلنا ياسر قبل لا انزل خلة البنات ينزلن وحجة وياي كلي شنو رأيج اخذج واشرد وعلى كولت اختج نوفر الوقت ياسر وهو يجر نفس طويل -بوية سلمان تعال جيب الي يصبرني منا لليل زهراء بصوت ناصي اقرب للهمس-اتحمل حبيبي مابقة شي وننجمع ياسر?-عيدي عيدي شنو كلتي زهراء-مابقى شي وننجمع ياسر -ولج من احتركت عشيرتج مو هاي الكلمة عيدي الي قبلهة زهراء بهمس -اتحمل حبيبي شوية واشوفلك ياسر دار جسمة علية ومد نص جسمة من كرسي السايق ورفع البركع مالتي من اشتعل جابر على هيج بينية وخمط شفايفي ببوسة اني بوكتهة احس عبالك صرات عاصفة مفاجئة واتخربطت احوالي اسيل -ولك ياسر شهرتنا منا الناس حس على روحة ياسر ورجع لمكانة- خرب اهلج زهراء يعني تتحارشين بية كله بالوقت والمكان الغير المناسب 9 زهراء نزلت ودخلت لبيت اهلي وماما شافتني وهلهلت وحضنتني وبابا شافنيي وباسني من راسي ابو زهراء والدمعة بطرف عينة -بوية الف مبروك ما اوصيج زهورة ديري بالج على زوجج وبيتج ورفعي راسي خلي الناس تكول والنعم من تربيتك يجابر زهراء - واني الدموع اتجمعت وصارت غصة بلعومي الله يخليك الي بابا ويحفظك من كل شر زينة ظلت بس تباوع علية وتبجي زينة وهي تمسح بدموعهة -بعد اتعارك ويامن من ترحين صحيح انتي تضوجيني وثقيلة على المعدة وماتنهضمين طبعا هي تحجي وتبجي بس راح اشتاق لثقل دمج خطية ماكدرت تكمل كلامهة لان انهارت بالبجي وركضت علية وحضنتني زينب -يالله عاد كلبتوهة دراما هندية باقي بس افتر داير ما دايركم واصيح بعالي صوتي مثل الهنود ياقدير بارك هذا الزوااااج ياقدير باااارك هذا الزواج بابا وماما وزينة ضحكو على كلام زينب وغيرت علينا الجو وبدت النسوان تجي لبيتنا وخطية ام خليل جارتنا طشت علية الجكليت وهلهلت وحضنتني وهي تكول كدام النسوان ام خليل -واخيرا اتزوجتي يخالة والله شكد اندعيلتج عند السيدة شريفة بنت الحسن حتى تنفتح قسمتج زهراء-?????? تبارك وزينب خربن من الضحك واسيل بقت هنا وياي ما راحت وية اخوهة خربت من الضحك على كلام ام خليل

Free reading for new users

Scan code to download app

App Store Google Play

Facebookexpand_more