بارت 8

4982 Words

زهراء ركضت اسيل تصيح اسيل -اجو اجو اجو لبسو حجاباتكم ياسر اتصل علية وگال حضروا نفسكم احنا وصلنا لمنطقتهم لبسني البنات البرنص وخطية امي خلت قران صغير بين ايدي وحبة هيل بحلكي وگالت ربي يسعدج شوية وسمعت صوت السيارات والهورنات وصوت الزلم عالي تهوس (عمامة هواي والشارع يسدونة هي هي هي )?????? (والحاكم گال هذا العرس منين والحاكم گال هذا العرس منين ) واصواتهم هزت الشارع هز وياهم شباب شايلين دفوف ويطبلون بيهة 7 طبعا والرمي حرك الجو حرك منطقتنا كلهة طلعت تباوع والنسوان مادات روسهن من السطوح زهراء اني گلبي صار طبلة طبعا احس ب صوت دگات گلبي جنهة اعلى من من صوت رمي الرصاص وظليت ارجف شوية ودخل علية ياسر وكعد بصفي ولزم ايدي واقترب من اذني وهمس مو ترفعين راسج من نطلع ترة الزلم تارسين الشارع ترس زهراء بهمس -صار حبيبي ياسر رجع راسة ورة وضحك -اليوم ناوية تجيبين اجلي يابنت جابر اجة بابا وباسني من راسي وسلمني لياسر ابو زهراء -بوية ياسر انطيتك ذهب حافظ عليه ترة هاي زهورة شمعة بيتي اني هنا خنكتني العبرة وشفايفي كامت ترجف وطاحت دموعي وشمرت نفسي بحضن بابا وحضنتة مثل الطفل 3 خطية تبارك وزينب وزينة والبنات كامن يبجن ياسر -ٺــڊٍلََُلََُؖ عمي اخليهة بعيوني كومني ولزمني من ايدي وطلعنا وجماعة ياسر واولاد عمة بقو يهوسون گدامنة (نتشكر من گال اخذوهة نتشكر من عمهة وابوهة ) وفتحلي باب السيارة الخلفي وساعدني حتى اصعد وهو صعد من الصفحة الثانية بصفي ومشت السيارة اني جنت مدنكة وابجي ياسر -عمار رحمة على والد*ك علّي التكييف ترة مريتي راح تموع عمار وهو يبتسم -صار خوية ٺــڊٍلََُلََُؖ بس خلي اطلع الازدحامات واعلّي التكييف 14 عمار ما احجيلكم عن شعوري شنو كان صارت زهراء غصة بگلبي وحلم مذبوح مايوم اتمنيت شي يكون الي خاص لنفسي كانت امنيتي الوحيدة والاخيرة ان تصير هاي الابنية من نصيبي وحلالي 10 بس حكمت عقلي مثل كل موقف من المواقف المرت علية بحياتي وكعدت اوزن امر حٍٍِْــًبٌٍـــِٓېٍٓ ولهفتي للي حبهة گلبي بكفة وخوتنا اني وياسر بكفة شفت كفة ياسر هي الدكت وفعلا شفت ان كلشي يهون لاجل عيون اخوي هذا اخوي حزام ضهري اغلى من روحي ترخصلة الروح لو طلبهة 9 زهراء وصلنا لبيت ياسر واحترك الجو حرك بالرمي عبالك قصف واشتغلت الذبايح وذبحو خروف يم رجلينا اني وياسر ودخلوني للبيت وهناك مسوين كوشة مال عرسان بنص الصالة تجنن كعدنا اني وياسر واشتغل الديجي والركص شوية وكام ياسر طلع يم الرياجيل هم همة جايبين مطرب يحي العرس نزعوني البنات البرنص وعدلو بدلتي وخطية تبارك رتبت الميك اب مالتي لان شوية اتخربط من البجي وارتاحيت شوية وجريت نفس وكعدت اباوع على البنات والنسوان اجت خالتي ام عمار وبيدهة الحجية تمشي على كيف اني من شفتهم نزلت من ستيج الكوشة ورحت سلمت على الحجية وبست راسهة وايدهة الحجية-الله يبارك بيج بنيتي وسلمت على ام ياسر -مبروك يمة زهراء زهراء -الله يبارك بيج خالة ام عمار -لا شنو خالة كولي يمة اني مثل امج بعد انتي صرتي بتنا 9 زهراء اباوع لنوال عيونهة حمر عبالك كانت تبجي اشتغل الديجي وكامو البنات يركصون وخطية زينب وزينة كعدو يمي بمكان ياسر واخذن وياي صور ماما ما اجت للعرس بقت وية بابا كالت خطية ابوج ما اكدر اعوفة بهيج يوم لوحدة اعرفة يضم دمعتة بكلبة لان اليوم زواج الوردة مالتة مثل ماجان يسميج دخل ياسر واخذنا صور اني وياه طبعا جايبين مصورة هي الي تعلمنا شلون نسوي الوضعيات مالت الصورة اخذت كومة صور شوية وراح ياسر صعد فوك لشقتنا ورة نص ساعة سمعت صوت هلاهل وشفت ياسر ينزل من الدرج ولابس دشداشة وشماغ يمة فدوة لطولة شلون طالع كشخة اقترب من عندي واخذت النا المصورة كم صورة كلش حلوة وكام ياسر وطلع يم الرياجيل طبعا كلهم اولاد عمة واخوانة بدلو ملابسهم ولبسو دشاديش وعمار والشيخ سلمان جانو لابسين مثل ملابس ياسر شوية واجت اسيل تركض بنات بنات لحكو الشباب راح يركصون الجوبي و انتبهت على البنات كلهن ركضن فوك حتى يشوفون الشباب شلون يجوبون اني بقيت الوب لوحدي كلهن راحن وعافني واليقهرك حتى خواتي عافني وراحن وياهن هههههههههههههههه عابتلهن والله لو ما عيب واستحي اصعد اباوع وياهن ظليت بس اني والنسوان العجايز واني كاعدة اسمع اصواتهن وضحكهن شوية اجت اسيل تركض عروستنا كومي كومي ياسر اتصل علية وكال صعدي زهراء فوك خلي تشوفني من الشباك راح اكوم اني والشباب نركص الجوبي بس هَـا ديربالج لا تفتحون البردة حيل صعدتني فوك كان اكو بالطابق الثاني صالة كبيرة وكان بيهة اكو شباك كلش جبير على طول الحايط يطل على الحديقة الخلفية الي مسوين بيهة العرس طبعا الحديقة كلش جبيرة وواسعة خطية نوال تعرف بوولدهم ما يقبلون انباوع من الشباك فكامت وطفت الاضوية اسيل جابت كرسي وكعدتني عليه وبدة المطرب يجر الموال وواكو شاب واكف يمة لازم دمام جبير ويدك عليه بصوت عالي اصطفوا الشباب صف واحد وياسر واكف عطرف الصف ولازم السبحة بيدةويفر بيهة وهو الي يقود الجوبي وجان نازع الصاية (الثوب الي يصير فوك الدشداشة ) جان شكلهم يجنن خلص الجوبي وشفت عمو سلمان ابو عمار اشر للمطرب ان يغني وحدة ثانية هم جوبي بس هلمرة يكومون بس الرياجيل الكبار ووكام وياهم عمار جان لابس دشداشة سودة ولابس ساعة رول** ولازم سبحة ذهب بيدة وكفو الرياجيل الكبار عمو سلمان واخوانه خمستهم وهلمرة عمار هو اللي لازم الطرف رفع ايدة ليفوك وفر السبحة وقادهم وهو الضحكة مرسومة على وجهة اول مرة انتبه ان عمار عندة غمازة بخدة كلش حلوة اوانتبهت ان عمار وياسر كلش متشابهين بالشكل بس شوية عمار اطول واضخم من ياسر وشوية اسمر اختلافاتهم راجع للشغل الشاق الي يشتغلة عمار ربي يحفظهم ويبعد عنهم العين والحسد طبعا كان رقصة الجوبي الي قادهة عمار احلى من الي قادهة ياسر لان الرياجل الكبار كانو اكثر هيبة وانتظام بالحركات اكثر من الشباب طبعا هاي كانت احلى لحضات بحياتي عمري ما راح انساهة خلص الجوبي ونزلني البنات وشغلن الديجي ووكومني اركص وياهم وزينب وزينة خطية اول مرة يشوفن هيج اجواء هم كومتهن اسيل وياي يركصن خطية زنوبة ما تعرف تركص بس تصفك وخلصت الاغنية ورجعت كعدت واجن النسوان من قرايبهم وحدة ورة الثانية كعدن يباركلي بعلب مبين من شكلهة علب ذهب هنة يحطن العلب بحضني واني صحت لاسيل حتى تاخذهم من يمي لان صارت الهدايا هواي كامن النسوان والبنات ولبسو عبيهم لان راح يدخلون العريس ويزفونة هنا حسيت صارت صدك وبسرعة التفتت على زينب وتبارك كانوا واكفات قريب علية التفتت عليهن وحجيت بصوت ناصي زهراء برجفة -شلون بنات لحكولي شيوي راح اموت من الخوف زينب وتبارك خربن ضحك علية اجت ام عمار ولبستني البرنص الابيض فوك راسي بس طالع وجهي ودخل ياسر وبصفة عمو سلمان وبالجهة الثانية عمار ووراهم محمد اخوهم اقترب مني ياسر وكومني ونزل البرنص كلش على وجهي حتى وجهي غطاه واني ارجف مثل السعفة ياسربهمس شبيج ترجفين زهراء بصوت يرجف -شنو خلص العرس ياسر بضحكة-اي خلص وهسة راح يزفونة فوك زهراء وعيونهة كهلة دموع-لا عفية ما اريد اصعد خليني ارجع وية خواتي لبيتنا هنا ياسر ضحك بصوت عالي خلة ابوه واخوانة يباوعون عليه???☝?? 12 ياسروبصوت ناصي كوة كدر يحجي من الضحك -ولج بت جابر تحجين صدك لوتتشاقين كل عقلج هسة ترديني اهدج واخليج ترجعين بحضن ابوج زهراء دنكت وصارت طماطة من المستحة الشيخ سلمان - يالله ياسر بوية على بركة الله اخطي انت بالاول ونوب مريتك بعدك والله سوة ياسر اللي كال عليه ابوه الشيخ سلمان واني اتبعت ياسر ونوب صعدنا فوك لشقتنا وبقت اصوات اولاد عمة واخوانة واسمعهم يصيحون اليوم يومك يابطل اني هنا لزمتني الرجفة من دخلنا للشقة ياسر قفل الباب بالمفتاح اني من سمعت صوت المفتاح گبل التفتت على ياسر بشهكة زهراء بخوف -لالا عفية هاي ليش قفلت الباب عفية فتحة وظليت ابجي مثل الطفلة وياسر خربان علية من الضحك ياسر-خرب عشيرتك ياسر اتقشمرت والله وانضربت بوري اني حسبالي جابر انطاني مرة طلعت طلفة نونو تريد بابا وتخاف من الباب اذا انقفل عليهة اقترب ياسر مني تعالي نونو يمي عندج الج حلاوة زهراء رفعت راسي زهراء -لا لا ما اجي ياسر وهويضحك-خرب عشيرتج اي غير طفلة صغيرة وتتقشمر شنو وينة السانج مساعة كله حبيبي اشو هسة صرتي زرزور بس ترجفين من الخوف طلعتي بوخة ماحست عليه من اقترب مني وسحبني لحضنة ياسر-شلون بالله راح نظل واكفين هيج للصبح والناس منتضرين زهراء-?ياناس ياسر-ينتظرون اصير رجلج زهراء-ليش همة مايدرون انت رجلي ياسر -هههههههههههههههههه اخ بوية سلمان اليوم بنت جابر ماناوية تجيبهة لبر اشو تعالي وسمعي كلامي ولاتعبيني وياج حتى ما تتأذين زهراء اتذكرت كلام امي الصبح واستسلمت للامر الواقع وراي وراي زهراء بصوت ناصي -اوك بس خليني ادخل للحمام ياسر - اخذي راحتج هسة راح يصعدون العشا انتظرج ما راح اتعشا اريد انتي تعشيني بيدج اليوم زهراء ابتسمت ودنكت وراحت لغرفتهة لان الحمام يصير داخل الغرفة اخذت الجنطة الي حضرتهة زينب ودخلت ونزعت بدلة العرس بالكوة ونوب غسلت وفتحت تسريحتي ونلزلته ونضفت وجهي من المكياج ولبست سيت نوم ابيض يجنن ولبست عليه الروب كلش قصير ما يغطي شي ورجعت للغرفة وخليت ميك اب كلش خفيف وروج وردي وعطرت جسمي اباوع لنفسي بالمراية طلعت عبالك اميرة البجع بالنعومة دخل علية ياسر ياسر????-هذا الجمال كلة الي زهراء ابتسمت ودنكت وبصوت ناصي-اي ياسر -اورح فدوة لهلصوت وراعيتة سحب ايدي وطلعني للصالة وشفت الميز عليه اكل وكعدني ياسر بصفه -ومد ايدة للاكل وكعد يوكلني بايدة وعيونة على شفايفي عبالك تريد تاكلني زهرا-كافي ياسر اني شبعت انت ما اكلت خطية هسة انتى اتعشا ياسر -لا انتي وكليني بيدج زهراء-مديت ايدي على اللحم وكعدت افلسلة واوكلة بيدي وهو عينة بعيني بالاخير عض صبعي زهراء بكمزة -اوووي عضيت صبعي ياسر وعيونة مسبلة علية تريد تاكلني رفع ايدي لشفتة وكعد يبوس صبع صبع زهراء عاد اني هنا ذابت روحي صرت ماي بين ايدة كام ياسر وكومني وياه وشالني واخذني للغرفة وسد الباب وراه (خير شكووو رايحييين وراهم همة عرسان انتو شكو حاشرين نفسكم خليهم ياخذون راحتهم ?????) 13 ورة ساعتين تمت المهمة بنجاح ?? وطلع ياسر ونزل لاهلة ونطاهم بياضي اني جنت نايمة على السرير وخدودي حمر وشعري منفوش ولافة الشرشف على جسمي وما اكدر اشيل جسمي واكوم من التعب احس كل عضلة بجسمي تريد تبجي من نزل ياسر سمعت صوت رمي حرك الجو اني كمزت وكلبي ظل يرجف من الهبطة ودخل ياسر للغرفة وشافني وابتسم لاتخافين ماكو شي احنا عندنا اذا الرجال ياخذ مرتة يظلون يرمون زهراء-??عزة العزاني يعني الناس كلهة عرفت احنا شنو سوينا مساعة يبوي بعد ما اراوي وجهي يمة اشكد عيب يعني عمي سلمان والولد كلهم دروا ياسر وخربان ضحك علية -بالع** هذا الج فخر لان انتي ثبتي ان انتي بنت بيت ونقية وطاهرة رجع ياسر نام يمي وحضني ونام واني نمت على ص*رة و وما حسيت على نفسي من التعب 1 زهراء مرت الايام واني وياسرعايشين حياة هادئة صحيح ماتخلو من بعض المشاكل كاي زوجين لكن اني بديت يوم عن يوم كمت اعرف طبع ياسر طبعا هو طبعة عصبي وعنودي لكن گلبة طيب وعيالي زينين وياي بس شيخة احس بيهة تدور وياي الزلة يعني حصرة علية اسوي شي او احجي شي اذا ما كعدت تعلق وتحجي هاي اذا ما اتجاوزت بكلامهة بس اني اتجاوزهة لخاطر ياسر ع** نوال شكد حبابة وحنونة ودافية وياي تحسسني عبالك اني بنتهة دائما تعلمني وتنصحني واني صرت اطيعهة طاعة عمياء لان كلش اتعلقت بيهة واسولة فدوة شلون وردة مال الله دائما اسميهة عصفورة البيت لان بس تغني وصوتهة حلو طبعا هي سولفتلي مرة من المرات ان هي تحب عزام ابن عمتهة فوزية ومنتضرهة تخلص سادس ويجي يتقدملهة وعمتي ام عمار مثل كل عمة يوم تصير امنا ويوم تصير عمتنا بس ها مو بس وياي هي وية الجناين البقية هم تتصرف هيج مرة من المرات جانو بيت حماي محمد جايين عندة على الغدة وخطية مرت محمد اسمهة سلوى كلش حبابة وفقيرة عندهة ثنين بنات والثالثة بالطريق لان هي هسة حامل وشافتهة بالسونار طلعت بيهة بنية بس محمد ابد ما يحجي بالع** اشوفة فرحان بيهة وويموت على بناتة حتى هواي يدلعهن اباوع لخالة ام عمار تهز بيدهة وتكول -والله يالله هم بنات وهم متسودن عليهن شبيك يمة هنا بنات قابل قحط لو اول طيحتهن خطية اباوع لسلوى دنكت ماحجت شي محمد-عفو عليج يمة هذني البنات نعمة من الله الف الحمدلله على تٌـٌـمـــ༄༅ـٌـٌإأإآمـ الخلقة ام عمار -والحظ من حظج يسعدية ولا واحد من ولدي خلفلة ولد وفرحني والله اذا بقيتوا هيج ما راح يجيكم ولد يشيل اسمكم والله اني ماعليه صبرت عليكم هواي راح ازوجكم انت وذاك عمار سودة علية دبستة ست شيخة ببنية ثالثة يمة اريد اشوف اولادكم قبل لا اموت محمد -اسم الله عليج يمة طولت العمر خطية سلوى كامت من الاكل وراحت للمطبخ ام عمار تحرك بحلكهة -اي خوش والله فوكاهة وهي ابو الراهي وتتمزعل محمد -استمر ياكل وهو مدنك طبعا هاي القوانة يومية هذا الكلام ام عمار ماتكدر تحجيه ويه عمار مع العلم عمار هم خلفتة كلهة بنات بس عمار شخصيتة قوية وفارضهة حتى على امة بس باحترام ياسر كاعد يمي على السفرة كام من الاكل ياسر -الحمدلله والشكر عاشت ايدكم نوال -ايدك العايشة الف عافية على گلبك ياسر وهو يغمزلي -زهراء سويلي جاي زهراء جاي اكوم من الاكل ام عمار وين كايمة يمة وين لحكتي شبعتي زهراء-لا يمة الف الحمدلله شبعت كمت ورحت للمطبخ وخليت القوري مال الجاي على النار اجة وراي ياسر وحضني من ورة وقربني على ص*رة وشمني من ركبتي ياسر -افيش الله مشتاقلج بكد رحمة الله. هاي خفارة المستشفى كرهتة لان تبعدني عن حضنج الليل كلة ما اكدر انام اظل بس اتكلب زهراء بهمس-والله حتى اني مثلك الليل كلة ما انامة اتعودت على حضنك تعرفين قبل جان ماعندي فرق ابات بالبيت لو بالمستشفى عادي عندي بس هسة لا جاي احس بهواي فرق طبعا ياسر كالعادة نسة نفسة احنا وين وكعد يبوس بركبتي سمعنا صوت واحد ورانة يحم حم عمار-احم احم زهراء اتمنيت الكاع تنشك وتبلعني من الفشلة والمستحة ياسر وجهة كام ينطي الوان ياسر -احم اةة هلة هلة الله يساعدك شيخنا اشو اليوم متاخر رجعت من الشغل عمار بخزرة -اي صارت عندي شغلة بمكان بعيد يالله اترخص راح وعافنة طبعا عمار ستوةرجع من الشغل ودخل للبيت من باب المطبخ طعبعا اغلبية ولدنا يدخلون للبيت عن طريق باب المطبخ ياسر -احتركت عشيرتج بت جابر زهراء وبصوت ناصي -اني شلي غرض انتة الي دومك فاضحني وياك ما عندك صبر دخلت شيخة للمطبخ وياسر طلع راح كعد يمهم بالصالة شيخة بصوت امر -صبي غدة لعمج الشيخ عمار يالله بسرعة اني اعرف هي تستفزني علمود اتعارك وياهة بس عشم ابليس بالجنة اخليهة تضحك علية زهراء-صار تتدللين من بطن عيوني ام حوراء صبيت الغدا لعمار وحطيتة بصينية واخذتهة لعندة بالصالة نزلت الصينية بالكاع كدام عمار عمار وهو مدنك -رحمة الله والديج خوية تسلم ايدج 3 زهراء -ووالد*ك الجنة شيخنا الف عافية جاي اروح وشفت ياسر خزرني اني رحت للمطبخ اجيب الجاي رحت وجبت الشاي بصينية هنة والاستكاين مالت الشاي وقنديل الشكر وكعدت يم الحجية الجبيرة اصبلهم جاي ياسر -اذا خلصتي صب الجاي صعدي حضريلي ملابس اريد اطلع وصعديلي وياج استكان جاي اني بسرعة خلصت صب الجاي وصعدت وراه دخلت للشقة ما احس الا واحد سحبني من ايدي حيل زين ما وكع استكان الجاي من ايدي زهراء -يمة كمزتني شبيك ياسر بعصبيةوهو لازمني حيل من زندي -شوفي نوب اذا اشوفج تندنكين كبال خواني او اي واحد احرك عشيرتج سامعة زهراء ودموعهة طاحت -اي سمعت عاف ايدي ودخل للغرفة زهراء اي هم صحيح كلامة مايصير ادنك گبال حموييني عيب خليتة يبرد من العصبية ونوب دخلت عليه لكيتة نايم جفي على وجهة كمت بدلت ملابسي ولبست شورت قصير وتشيرت حفر ناعم مال نوم وفتحت شعري ولبست حجل فرفشة برجلية حتى يسمع الصوت ويكعد وخليت شوية ميك اب وحطيت من العطر الي يحبة وكعدت اسوي طكطكة بالغرفة حتى يكعد والله ونجحت الخطة? كعد ياسر ورفع راسة عن المخدة وبقة فاتح حلكة وعينة علية? واني سويت نفسي ما منتبهة عليه وكعدت افتر كدامةبالشورت الضيك والفانيلة الطافرة وطالعة منه صرتي طبعا رسمت وشم مؤقت يبدي على بطني بمنطقة الصرة وينزل جوة هذاالوشم سويتة من راح هو خفارة بالمستشفى ما يحتاج الهة شي اني اعرف ارسم وشم بقلم التاتو ورسمي كلش حلو هو ظل يتكلب كلساعة شفتة بعدة معند ويكابرما يقبل يتنازل رحت للتلفزيون ودرتة على الاغاني ووكفت مقاببل المراية وكعدت اركص واهز خصر مثل الحية كدامة والله عاد ما لحكت بهزة الخصر الثانية شفت نفسي انرفعت من خصري من الكاع وانشمرت على السرير رجعت على ظهري اباوع لعيونة شلون تاكلني ياسر-هَـا يبت جابر شنو نوع هذا السلاح الشنيتيه علية زهراء وتسوي روحهة بريئة- اسم الله ياسلاح شنو داخلين بحرب اقترب مني ياسر وسحبني من رجلية وخلاهن بين رجليه وصعد علية ياسر - اي والله داخلين بحرب يابنت جابر واعلمج منو الينتصر زهراء بدلع -اني ارفع الراية البيضة استسلم حبيبي اخذني عندك اسيرة هنا اباوع على ياسر ضاعت علومة سحبني عليه قوي وووووووووووووووو طوووووووووط 8 مرت الايام وسافر عمار للامارات طبعا بالاونة الاخير عمار كثرت سفراتة وصار ما يتواجد بالبيت حتى شيخة كامت تتعارك وياه وعلى كم مرة تروح زعلانة عند اهلة فترة وترجع من وحدهة تكول البنات ضلو يبجون على ابوهم مشتاقينلة طبعا خلصت العطلة ورجعت اداوم بنفس مدرستي كل يوم اروح للمدرسة مشي لان قريبة على بيتنا والحمدلله شفت المعلمات وصديقتي تبارك فديته جابت ولد ثاني بالعطلة وعتبت علية لان ما رحت اتبارك الهة وسئلتني عن اهلي زهراء-تصدكين صارلي هواي ما رايحة لاهلي كلما اكول لياسر وديني تطلعلة شغلة ويأجل الروحة هم لاتنسين بيت اهلي كلش بعيد ما اكدر اروحلهم الا ياسر ياخذني الهم ولاهمة يتمكنون ويجوني تبارك -اي سولفيلي شلونهم عيالج وياج زهراء كعدنا نسولف وما حسينا على روحنا الا وصارت الحلة اول ايام بالدوام تصير ماكو دروس زهراء بعد مرور شهر على المدارس طبعا اتعودت كل يوم اروح من نفس الطريق للمدرسة بس انتبهت ان اكو رجال دائما يوكف بالركن اني كلت هذا واكف يمكن منتظر احد او عند خط سايق مرات اشوفة راكب سيارة ومرات لا اشوفة كاعد الرصيف بنفس المكان بس شنو من افوت احس بي يباوع علية ويكصني كص من فوك ليجوة طبعا صرت اضوج من الطريق لان حسيت ان هو متقصدني فكمت غيرت طريقي صحيح تطول علية المسافة للمدرسة بس احسن هيج وما احجيلكم عن عمتي شلون نشبت وياي فترة على الدوام لان اداوم وهمة مايصرفلهم مرة نطلع وتطب مرات احس بعمتي ام عمار مسوية جدول سلفة كل فترة كالبة على وحدة بينا وتتعارك وياهة يوم عن يوم احس بياسر يصير مثل محمد مايهتم اذا اترزل كدامة او احد يتجاوز علية كدامة ما يدافع عني او يسولي رد اعتبار احس بي يطلع صوتة وعصبيتة ويضل بس يحجي علية اذا يوم خطئت سهوا بحق احد من اهلة ياكلني بكشوري وما يهتم لمشاعري من يرزلني كدامهم ما يحسب حساب ان اني انجرح او انقهر من يفشلني او يرزلني كدام البنات صحيح هو بعدين يجي يراضيني ويكلي جنت عصبي بس صارت اعذارة هواي وكامت ماتوكل خبز ولاتطيب جرحي 1 زهراء بقهر وهي ترجف - شيخة لاتجيبين طاري اهلي على السانج اهلي مو يمج ولا بكرباج ما داكين بابج فديوم طبعا كالعادة شيخة خالتني ببالهة ما اعرف اني شنو مسويتلهة شيخة بخباثة -خالة والله تعبت كلة علية الغدة واني عندي جهال وست زهراء تجي من المدرسة الضهر تاكل وتمسح ايدهة بالحايط زهراء -شيخة شنو هذا الحجي احنة مو اتفقنا قبل لاتسافر خالة نوال قسمت الشغل بيناتنة انتي عليج الغدة واني علية الريوك والعشة شيخة وهي تهز بيدهة وحجت بصوت ناصي اتقصدت بس اني اسمعة -ايه والله طالت وشمخت بنت الفكور والله وطلعلج السان ينت المجدي زهراء وبقهر وهي ترجف - شيخة لاتجيبين طاري اهلي على السانج اهلي مو يمج ولا بكرباج وما داكين بابج فديوم فاحترمي نفسج ام عمار بصوت عالي-زهراء شلون تعلين صوتج اشو انتي ماتحشمين الجير الكاعد يمج هَـا ولج اشو طالعلج السان هنا ودخل ياسر وسمع صوتي العالي زهراء بقهر -خالة انتي ما سمعتيهة شحجت على اهلي ام عمار -هاي شلج بيهة يزهيرة جنج اتهميني بالطرش ياسر وبصوت عالي وبعصبية -زهراء شلون تعلين صوتج على امي اجة علية بدون تفاهم انطاني راشدي فرراسي فر حتى طارت ترجيتي بالكاع وصار خدي احمر طبعا من ضربني يالله ارتاحت شيخة لا واليقهرك شيخة بخبث ولؤم -لاخوية ياسر لاتضربهة بعدهة جاهلة وماتفتهم ياسر -مو بس اضربهة وا**ر راسهة بعد لو اسمع بيهة معلية صوتهة على امي عافني وراح صعد فوك وام عمار حسيت بيهة حست بالذنب لان ابنهة ضربني علمود شي تافه لان محد من ولدهة البقية ضارب مرتة علمود امه كامت وطلعت من المطبخ شيخة -شوفي حبابة هذا خلي درس الج و لاتخلين راسج براسي ترة انتي مو بكدي فا احسنلج صري مطيعة وعرفي منو اسيادج وعافتني وطلعت زهراء -باوعتلهة ودموعي ترست عيوني بس ماخليتهم ينزلون درت وجهي وطلعت من المطبخ وصعدت فوك لشقتنا شفت ياسر نايم على قنفة الهول اني عفتة وفتت للغرفة وخليت راسي على المخدة وضليت بس ابجي نمت من غير ما احس على نفسي كعدت العصر ولكيت روحي نايمة على ص*ر ياسر وهو حاضني بقوة عبالك راح اطير باوعت لوجه اشكد احبك يا اناني اتذكرت كلمات الاغنية ووظليت ابجي هوكعد وشافني ابجي دنك على وجهي وصار يبوس كل دمعة تنزل على خدي رفع نص جسمة ودار علية وهو منتجي على ايدة وبقى يمسح بدموعي ياسر -كافي بجي يارويحة ياسر من **ر بدون جبر لأيد ياسر زهراء اني كبل خليت ايدي على حلكة كافي لاتكمل يعني هم ضاربني وهم جاي تقهرني بالزايد وتدعي على نفسك ياسر وهو يبوس بدموعي ولج كافي بجي لاتخليني هسة ا**ر ايدي كدامج حتى تسكتين زهراء وهي تمسح بدموعهة مثل الطفلة وروموشة طوال وكثيفات صارن مبللات بالدموع فصار شكل عيونهة يجنن ياسر -من رحت فدوة لهاي العيون ونزل على شفايفي باسهن وعضهن عضة خفيفة واني كلعادة انسة نفسي بين ايديه واسامحة طبعا هذا مو ضعف شخصية مني لا بس الانسان من يحب يكون هواي متهاون مع الحبيب ودائما يغض النطر عن اغلاطة او بالاحرى ينظر لاخطاء الحبيب بمنظار وردي (طبعاهاي نضريتي بالحياة ) كعدنا اني وياسر متاخرين العصر ياسر -زهورتي حضري نفسج اليوم اخذج حتى تشوفين اهلج زهراء بفرحة -صدك حبيبي تحجي ياسر ويلزم گلبه -الله صارلي شكد ما سامع هاي الكلمة زهراء-انت حبيبي وابني وطبيبي وروحي والهوى الي اتنفسه ياسر رفع ايدي وباسهة -اموووت عليج يااطيب واحن گلب يالله كومي اذا بقينا هيج ترة ما اخليج حتى تطلعين من الغرفة زهراء كمت وبدلت ملابسي وحطيت شوية مكياج لان عيوني وخدي مورم من الراشدي زهراء-يالله حبيبي كملت نزلنا ورحنا وشفت ام ياسر رحت عليهة وبستهة من راسهة زهراء -السموحة يمة والله ماجان قصدي ام عمار حضنتهة - مسامحتج يمة انتي مثل بنتي شلون ازعل عليج والله اترخصنا منهة وطلعنا رحنا لبيت اهلي وصلت هنا زهراء الله وافيييش ياريحة هلي اخ يا يمة هنا الدفو هنا السلام هنا الامان الله صارلي شكد مفتقدة هاي النعمة الي ما شفتهة هناك حضنت بابا وبجيت ابو زاهراء-يا هلة بزهورتي والله ونور البيت من طليتي علينا اجت زينة تركض حضنتني حيل-زهراء حبيبتي شلونج والله اشتاقيتلج وهي تبجي دخلت على امي بالمطبخ جانت واكفة على الطباخ تسوي عشاحضنتهة من ورة خطية نزت ودارت علية ام زهراء بفرحة-يمة زهورة ابنيتي حضنتني وشمتني حيل يمة زهورة ضعفانة زينة -اي يمة الحب يضعف ام زهراء كرصت زينة من كتفهة -كومي ولي منا ولج عوبة شعرفج بالحب زهراء عوفيهة يمة خطية تلكيهة سمعته من المسلسلات التركية ابو زهراء -ام زينب تعالي سلمي على ياسر بالديوانية ام زهراء-يا خطية ياسر اجة وياج دخلت ام زهراء وسلمت على ياسر وهو كام باسهة من راسهة ام زهراء -يمة ياسر اليوم ماتطلعون تبقون يمنة على العشا ودارت وجهة على ابو زهراء-ابو زينب اتصل على مثنى خلي يجيب زينب والجهال كللهم عشاكم يمنا لان زهراء هنا وخطية زينب حيل مشتاقتلهة ابو زهراء -صار هسة اكوم اتصل بس خلي اطلع اجيب كم شغلة منا من السوك القريب علينا ياسر -عمي لاتكلف نفسك صدك جذب 5 راح ابو زينب للسوك اليمهم وشوية وسمعنا صوت مثنى وزينب والجهال بالديوانية بيت عيال زينب قريب علينا واني وماما وزينة جنا بالمطبخ دخلت علينا خطية ركضت حضنتي وشمتني -زهورة خية شلونج والله مشتاقتلج زهراء وهي تمسح دمعته-زنوب حبيبتي مشتاقتلج كومة وعندي كومة حجي اريد احجي الج زينب ببتسامة -خوش لعد خلي نعشي بابا والولد ونوب نكعد سوية لوحدنا وتحجيلي والله خطية امي وزينة ابتلو بالعشا واني وزينب كعدنا نسولف بغرفتنا الله شكد مشتاقة لغرفتي وفراشي صحيح ماعندي سرير بس يبقى فراشي ومخدتي الهن ريحة خاصة واحنلهن و كعدنا نسولف هواي حجي اني وزينب زهراء -اي خية وهاي ست شيخة مثل الشوكة بالبلعوم حسرة علية اسوي شي اذا مو باليوم تسويلهة كم عركة وياي ما ترتاح لو توز عمتي علية لو تطلعلي شغل من جوة الكاع زينب -زين كلي لنوال عليهة انتي مو تكولين بس نوال دواهة وهي تخاف منهة زهراء-اي غير على حظي الشيخ عمار عندة شغل بالامارات واخذ وياه نوال زينب -يبوي هاي شافت الساحة فرغتلهة ان غاب القط العب يافار زهراء-اتخيلي اليوم شيشت عمتي علية وخلت ياسر يمد ايدة علية ويضربني زينب-عزة بعينج زهراء خو ما غلطتي على عمتج زهراء-لاوالله خية شنو شبيج ماتعرفين اختج كل خير ما بيهة دخانهة يعمي زينب -وهسة انتو شنو متزاعلين انتي ورحلج زهراء-لا مامتزاعلين خطية حبيبي ياسر راضاني اليوم الظهر ? زينب-الله يهدي سركم خية زهراء-اي احجيلي عنج انتي واهلي شلونكم وضعكم اشلونة زينب دنكت -والله ياخية ما اغرف شنو اكول زهراء-كولي خية زينب احجيلي زينب -والله يا اختي بابا خطية طلعوه تقاعد لان حالتة الصحية ماتساعد وصاروا اهلي عايشين على التقاعد وخياط امي وخطية امي عيونهة متأذية زينة ذاك اليوم كالتلي شافت امي تفرك بعونهة وبابا يمهة كللهة راحت عيونج من الخياط وهي كلتلة خلي اخيط ما دام بيني حيل خطية امي ما رادت تكول لابوية ان همة شلون يعيشون اذا ماتخيط زهراء اني اتذكرت ان خليت راتبي بالجنطة من اجيت اطلع اليوم لبيت اهلي اني مسوية حسابي ان راتبي من استلمه يروح لاهلي لان اني الحمدلله الله شايل حملي واني بالاول شرطت على عيالي ان اني ابقى اداوم علمود اساعد اهلي بالراتب اللي استلمه اني ماناسية اهلي وخطية زينة متعودة علية اساعدهة بمصاريف المدرسة 1 زهراء خلت ايدهة على كتف زينب زهراء-زنوبة خيةلا تشيلين هم اني ماناسية اهلي تدرين اني ما تركت الدوام الا علمود اهلي حتى مايبقون بعازة سودة علية بابا اعرفة نفسة عزيزة ولايمكن يفكر بيوم ان يطلب من وحدة من عندنا ان تساعدة لو على حساب راحتة وصحتة دخلت زينة -طحت عليكم شتسوون يالله كومن صبينا العشا ياله تعالو بالاستقبال اتعشينا وكمنا من السفرة وكعدنا اني وزينب نغسل المواعيين وزينة صبت الجاي وودتهة الهم هناك بابا وماما وياسر ومثنى وهي وراحت كعدت يمهم زهراء-زينب اريد اكلج شي زينب -كولي زهراء-اني كل يوم من اطلع للمدرسة اروح مشي من بيت عيالي لان المدرسة قريبة زينب-اي زهراء-فلاحظت ان اكو رجال دائما يوكف براس الشارع مال بيت عيالي احس بي يباوعلي ويكصني كص بعيونة فقررت اغير طريقي مالت المدرسة وكمت اروح من غير طريق زينب -اي زين تسوين زهراء-يازين اسوي جا غير شفتة ورة يومين من تغيير الطريق هم واكفلي بالشارع ومنتظرني بس هلمرة ذبلي كلام وكال مشتاقلج ياكمرة زينب?-عزة العزاج يا زهيرة حجيتي لياسر هذا الكلام لو لا زهراء-لايمة شحجي ياسر مايتفاهم كبل يبطلني من الدوام زينة دخلت بالمطبخ وبتسامتهة على وجهة-زهراء تدرين كمت اعرف الف كبة واسوي كيك بس اريدج تعلميني اسوي كليجة ما اعرف اسويهة كملنا وصاحلي بابا بابا-زهورة بوية ياسر يكول حضري نفسج راح تطلعون ولو بوية ماشبعت منج شوف بس الحمدلله شفتج اكول بوية زهورة مامحتاجة شي زهراء-تسلملي يالغالي ربي يطول بعمرك زهراء رحت للغرفة مالتنا وصحت على ماما وماما اجتني واني سديت الباب وطلعت من جنطتي فلوس الراتب مالتي زهراء-ماما اخذي هذني الفلوس خليهن جوة ايدج هذني فلوس راتبي لان اني الحمدلله ياسر ما مخليني بعازة وعندي خير من الله هذني ما احتجهن خليهن مصرف جوة ايج ام زهراء دمعت عينهة-يايمة زهورة ليش هيج تسوين يعني انتي تظلين شايلة همنا حتى من اتزوجتي بقيتي تفكرين بينا زهراء-يمة شعندي غيركم انتو اهلي وذخري ربي يمكني وما اخليكم بعازة احد ام زهراء اخذة الفلوس روحي يمة الله يرضى عنج اني راح اشيل قسم من الفلوس واجمعلج اياهم خطية هذا تعبج ييمة زهراء بست راس امي وطلعت رحت لعند ياسر واخذني وركبني بالسيارة ورجعت لبيت عيالي 1 زهراء بيوم من الايام واني رايحة للمدرسة هم شفت هذا الرجال بالدرب طبعا هذا الرجال سببلي رعب واحس بي متقصد ياذيني بس هلمرة زودهة كام يمشي وراي على طول الطريق بس اني متت خوف وكمت امشي على السريع حتى عبالك اركض دخلت للمدرسة وبغرفة المعلمات نزعت البركع وشافتني ست فوزية عمت ياسر -شنو شبيج زهرة اشو وجهج اصفر زهراء-لاخالة مابية شي بس شفت جلب بالطريق وخفت منة تبارك رفعت راسهة وباوعتلي ورفعتلي حاجبهة باستفسار بمعني شنو صاير شي اني باوعتلهة واشرتلهة بعيوني ان تطلع قبلي حتى احجيلهة هي خطية افتهمت علية وطلعت واني نزعت عباتي وصفطته هي والبركع وخليتهم بعلاكة وحضرت جدول الدروس وطلعت وراهة بالساحة زهراء-لحكي علية تبارك تبارك -شبيج ولج احجي شصار زهراء-تعرفين الرجال الي حجيتلج عنة ذاك اليوم تبارك -اي ولج شبيه زهراءبرجفة-ولج اليوم مشى وراي طول الطريق وصلت للمدرسة وهو وراي تبارك?-عزة بعينة ولج هو بعدة لحد هسة يراقبج كل يوم زهراء-اي والله بعد بس اني ماعلية بي تبارك -لاغلطانة ولج عوبة هسة يعتبر سوكتج ان انتي قابلة باللي جاي يسوي وياج زهراء-لا والله ماقابلة اصلا ميتة خوف وما اعرف شنو اسوي وانتي تعرفين بية بهيج مواقف اموت بدمي وانخرس تبارك بتفكير-اني لو منج احجي لياسر عن هذا الرجال واخلي يشوف شغلة وياه زينب-ولج اخاف هذا ياسر ما يتفاهم وهمة هنا مو مثلنا ايدهم والسلاح والطلايب خية نوب يروح رجلي يتعارك وياه وتصير طلابة من وراي ويكولون تكاتلت الوادم من وراهة تبارك -صايرة تحجين مثلهم زهيرة زهراء-اي غير عشت وياهم وعرفت اطباعهم تبارك - زين روحي احجي وية عمار انتي مو دائما تكولين عمار احسنهم ان هو شهم ويعرف يتصرف بحكمة زهراء-لايمة والله استحي خطية هو ابد مايخلي عينة بعيني دروحي وهو اصلاً هسة مسافر للامارات بعدة هو ونوال طولو هلمرة كل مرة يروح ويرجع بسبوع هلمرة لا حتى على حظي اخذ وياه خالة نوال والله لو هي موجودة عاد جان علمتني شسوي لان هي اعرف مني بطبايعهم وشنو لازم الوحدة تتصرف بهيج موقف تبارك -والله اني لو بمكانج اروح احجي لياسر والي يصير يصير لان هاي سالفة ماينسكت عنهة وخصوصا انتو هنا بقرية عرب وهنا هاي السوالف ماتعبر على الوادم مو مثلنا هناك عادي صارت عندنا هاي الحالات الشباب تترصد للبنات 4 زهراء-والله خايفة ياتبارك وما اعرف شتصرف اتمنى نوال موجودة كون رحعت للبيت بالحلة وهم اشوف هذا واكفلي بالقران لو ما الخوف كاتلني والله انزع (تكرمون) قندرتي واضربة على راسه بيهة رجعت ودخلت للبيت وشفت شيخة لوحدهة بالبيت هي والحجي والحجية وام عمار والشيخ سلمان ابو عمار رايحين يأدون واجب بفاتحة مو بعيدة عنا هنا قريبة اني رحت وصعد لشقتي وبدلت ملابسي ونزلت وصبيت غدة وية شيخة وكعدنا نتغدة اني وشيخة والجهال والحجي والحجية ياسر اليوم شوية يتاخر بالمستشفى خلصنا غدة وكعدت اصب جاي للحجي والحجية وهمة كعدوا يسولفون على ايام زمان شكد جنت احب سوالفهم وحكمهم تجنن بس شيخة من يخلص الغدة تروح تاخذ بناتهة وتصد لشقتهة واني بقيت يمهم هم انتضر ياسر وهم اونسهم خطية كبار بالعمر ويضوجون خطية جدي الحجي يفرك بركبة ويكول- عجزنا والله الحجية -احجي عن نفسك يالعجيز اني بعدني بحيلي زهراء وهي تضحك على حجيهم -ههههههههههههههه والله ياجدي الحجية قصفتك الجد-سكتي سكتي والله ماكو عجيز الا انتي اشو بالليل تكضيهة علية كلة تونين براسي زهراءخربانة ضحك عليهم-? شوية واجة ياسر دخل علينا ياسر كعد يمي -ضحكونا وياكم الجد-والله يابوية دورولي مرة هاي البصفي عجزت الجدة-يا يا فلك طرك يعواد نوب فريتهة علية جا منهو الجان ستوة يون من ركباته وهاي الفرخة شاهدة زهراء-اي جدي كول اريد اتزوج مرة ثانية مو تذبهة براس الحجبية الجدة -اي يمه عاش حلكج تعالي احبنج من كصتج ياسر وهو يضحك -لا لا عوفو مريتي لاتخربون اخلاقهة انتىواناس وكحين حجيكم كلة مشفرات كومي كومي زهراء صبيلي غدة احسنلج من سوالف المسلسلات التركية الكاعدين كبالج نور ومهند الجد والجدة بحجابة وحدة -كوم كوم ول منا ملعون ابن الملعون لابارك الله بيك ياسر طفر من يمهم وصعد الدرج وهو يضحك 1

Free reading for new users

Scan code to download app

App Store Google Play

Facebookexpand_more