9

2644 Words

زهراء دخلنا للغرفة -يالله غنيلي حبيبي ياسر -تعالي هناك بالغرفة اغنيلج والله اذا بعد عالجرباية مو بس اغنيلج اكوم حتى اللحن زهراء بخجل-ياااااسر عيب استحي ياسر -والله عيارة منو التستحي اشو كل يوم مخبلتي بسوالفج يوم تركصين يوم شموع معطرة الغرفة ويوم تلبسين المخرم واني خطية لاحول ولا قوة وهسة جاية تكولين استحي عيب يبنت جابر شلعبتي بحوالي وسحبني لحضنة وخلة شفتة على شفايفي وجر شالي من شعري ونومني على السرير ورفع ايدية فوك راسي ولف الشال على ايدية حتى بعد مابتحركن وسحب ثوبي ونزعنياه واني بغير عالم ياسر -اليوم انتي اسيرتي واني سجانج اليوم الي حق التصرف بعقابج زهراء وهي ذايبة بغير عالم -حبيبي شنو الجرم مالتي حتى تعاقبني عليه ليش اني مو حبابة وحلوة ياسر-جريمتج ان انتي حرامية سرقتي گلب ابن الناس وخليتي ملكج وماكلتي هذا خطية طبعا ياسر يحجي ويبوس زهراءبدلع -لعد انتى هم حرامي على الاقل اني بس سرقت گلبك الا انتى سرقت گلبي وروحي واخذتني من اهلي موحرام عليك ياسر وعيونة صارت حمر ونفسه ثگل باس شفايفي بحنية ونوب نزل لص*ري شمه ووووووووووووو طوووووط زهراء واني اليوم طلعت من وكت من المدرسة لان عندنا عزيمة اليوم عمار ونوال يرجعون من السفر وبطريق الرجعة من الدوام وهم شفت خذا الصكد واتعرضلي بكلام زبالة مثلة كلت اليوم ما راح اسكت واحجي لعمي وياسر عليه واليريد يصير خل يصير بعد ما اتحمل دخلت البيت سلمت عليهم محد رد السلام واشوف الوجوه كله مكلبة وتباوع علية شخيةوابتسامة غريبة على وجهة? -اي شرفت العفيفة اسيل باوعتلي ودارت وجهة مادرت السلام حسيت بيهة كلش ضايجة مني هناك واسمع عمتي بصوت عالي صاحتني - زهرااااء تعالي زهراء اني ما ادري ليش انقبض گلبي وحسيت اكو مصيبة راح توكع فوك راسي دخلت لكيت ام عمار وست فوزية والحجية الجبير بغرفة الحجية كاعدات والوجوه ما تتفسر دخلت وام عمار قفلت الباب وما احس الا اجتني ضربة على وجهي عبالك طابوكة مو ايد وجرتني من حجابي وكطتني تكطع ودفعتني بالكاع وظلت ترفس بية اني ما شلت لا ايد ولا رجل ما اعرف شنو السالفة وليش انضربت وشنو شصاير اريد واحد يفهمني ماكو بس اسمع غلط عمتي علية واسمع صوت الحجية تكول لاحول ولاقوة اا بالله هذا بلاء والله بلاء ترجيع باك للاحداث ست فوزية وهي كاعدة وية ام عمار والحجية بالغرفة والله يا ام عمار هاني هم بالاول ماصدكت بحجيهن بس من شفت بعيني بعد ما كدرت اسكت واذا ما تصدكيني اجيب النسوان الي شايفينهة تمشي وياه اكلج حتى يعرف اوصافة تتذكرين من رحنا للفاتحة مال ام حسين واجتني سعاد وكعدت يمي وحجتلي هذا الحجي وكالت هو كاعد وية ابنهم وواصفلة شكلهة وعيونهة ولون شعرهة وحتى يعرف اسمهة خية واني ما حجيت لان ماصدكت هذا الحجي على زهراء لان ما شفت عليهة شي يخليني اشك بيهة بس ذاك اليوم شفت وجهة اصفر مخطوف من دخلت للمدرسة فشكيت بيهة وكعدت اراقبهة اكلج لحد هسة قبل شوية من ابني وصلني بالسيارة الكم لكيتة يمشي وراهة بالشارع ويسولفون وبهاي الاثناء اندك الباب ودخلت عليهم شيخة شيخة واستغلت الموقف والفرصة اجت لحدعندهة-اي خالة ليش ماتصدكين ام عمار بغضب -ولج شيخة شنو جنتي واكفة تتسمعين لحجينا من ورة الباب ادبسزز ماتبطلين هاي عادتج امشي طلعي برة والسمعتي ا**ر راسج اذا حجيتيه شيخة بقهر-لا حبوبة ما راح اسكت هلمرة لان جنتج مصختهة كل يوم وية رجال خليني ساكتة احسن ام عمار سحبت شيخة من زندهة -اكول تحجين عدل لا ادور فجج بطراك واعلمج الحجي شقصدج كل يوم وية رجال شيخة وهي تحس بالغل - خالة بعد ما اكدر اسكت ترة هي حتى كامت تتحارش بعمار وخبلتة بسوالفهة وجانت تتحايل علية علمود تصب الغدة لعمار تكلي كعدي انتي تعبانة وعندج جهال خليني اني اصب الغدة للشيخ عمار وتروح تتموع يمة وتدنك كدامة علمود تحط الصينية واني سمعت عمار يحجي وية نوال والله بترس اذني الباجر الياكلهة الدود يكول ان هو يحب زهراء وميت عليهة ويكللهة حتى الذهب اختارية بيدة الهة واحتار شهديلهة ويكول بس بعد ما اكدر احجي شي ويكول لنوال سدي للموضوع هاي مرت اخوي خالة انتي ما انتبهتي على عمار من دخلت علينا للبيت هاي العايقة وعمار كام ما يلفي على البيت ويشغل نفسة بالشغل وسفراتة صارت هواي بالاونة الاخيرة حتى مدالية سيارة خالهة بحرفهة Z واذا مو مصدكتني اتصلي هسة على نوال وسئليهة هسة همة بالمطار والله ام عمار ماجذبت خبر كبل اتصلت على نوال ام عمار -الو هلة نوال شلونج نوال -هلة يمة شخبارج ام عمار -شوفي نوال عمار يمج ؟ نوال -لا راح يسلم الجنط ويختم الجوازات عند الكاشير كولي خالة ام عمار -راح اسئلج واريدج تجاوبيني بَـــاي او لا نوال عمار صدك هاوي زهراء نوال بصدمة?-ها يمة ام عمار -كولي اي لو لا نوال بارتباك- هَـا يمة اي هو جان يحبهة ام عمار وايدهة كامت ترجف نوال -بس اوكفي خالة لاتستعجلين خلي افهمج السالفة ام عمار -مايحتاج تفهميني افتهمت كلشي يالله مع السلامة لاتجيبين سيرة بالسالفة لعمار ما اريدة يعرف بان اني دريت وكامت وسدت النقال بوجه نوال ونوال ظلت بحيرة ماتعرف شتتصرف ماتكدر تحجي لعمار الي صار زهراء واجة اليوم المشؤوم الي جنت خايفة منة من ضربتي ام عمار ماحسيت على روحي واغمي علية وكعدت تدفر بية وتغلط ام عمار-يالساقطة يالعايقة اليوم الة اخلي ياسر يذبحج ويخلص من عارج كومي جرتني من شعري احجيلي شعندج ويه هذا الي كل يوم طالعة وطابة وياه زهراء?عزة العزاني -يمة والله ما اعرفة هو يوكفلي كل يوم بالطريق بالقران لا شايفتة ولا اعرفة بس اني مالي غرض بي اروح بطريقي واجي بطريقي ام عمار -ولج گ.......ة وانتي ليش ماحجيتي شي لو جان عاجبج الوضع تتمعشكين ورجعت تضرب بية اني مشكلتي بهيج مواقف كلش انخرس وما اكدر ادافع عن نفسي شوية وسمعت صوت باب غرفة الحجية ينضرب زهراء يمة عزة العزاني هذا صوت ياسر ياسر -فتحي الباب ك........ة بنت الكلب اليوم ابوج احركة طلعي يا عار ساقطة 1 يمة رحمة على والديج فتحي الباب ياسر بصياح وصوتة عالي وسمعت وراه صوت عمي يكلة ياسر كافي عندنا خطار لاتفضحنا ياسر بصوت مخيف متهستر-ولكم فتحووووو البااااااااب لا بالعباس ا**رة ام عمار -عزة العزاج يزهيرة تستاهلين كل الي راح يصير بيج كلة من ورة راسج والله اذا صار باولادي شي ابوج احرگة زهراء واني ارجف وميتة من الخوف يمة صخام الصخمني وين انطي وجهي رحت ركضت ونزلت على ايد عمتي ام عمار- عمة حبوبة ابوس ايدج لاتفتحين الباب والله ياسر يموتني والله مامسوية شي والله خالة هو اللي يتبعني ام عمار تدفعهة -امشي ساقطة ولج تردين تضحكين علية ولج هذا يعرف بتفاصيلج والعالم كلهة شايفتكم كل يوم انتي وياه تتواعدون بالطريق كدام الوادم كلهة وصار يحجي بيج بالسلف كدام الزلم روحي الله لايرضة عليج اني اعرف هاي وين جانتلي ربي استر على اوليَداتي ام عمار وهي تجر زهراء من شعرهة وگومتهة من الگاع -شوفي ولج سمعي زين والله اذا صار على اولادي شي والله اذبحج واشرب من دمج زهراء شوية صار هدوء بس صدك لو گالو الهدوء الذي يسبق العاصفة يمة ونسمع صوت تفليش الباب اني هنا بادت رجلية ووكعت بالگاع ظليت الطم والحجية كامت تعيط -يمة صخام يمة انهجم بيتا يمة دخيلك يبوالحسنين داخلة بسدك اريد فروخي منك لاتردني وهي تلطم وتولول سمعت صوت محمد يحجي وية ياسر ويتلاوة وياه سمعتة يگلة عوف الطبر شنو ولك اتخبلت ياسر بصياح -بالعباس اذا ما انفتح الباب اليوم اسويلكم مصيبة الشيخ سلمان -ام عمار فتحي الباب هذا ابنج اتسودن وگام يحشم شيبة ابوه ياسر بغضب وكأنه بركان -بوية بالعباس اذا هسة ما تفتحون الباب احرك روحي الحجية رجعت تولول -يمة الفرخ تسّودن اني هنا لو يذبحوني قطرة دم مابية واشوف عمتي ام عمار اتوجهت للباب تريد اتفتحة ا اني هنا انخطف لوني وثگل النفس مالتي وجمدت بمكان وحسيت اجت ساعة موتي وعلى ايد اعز انسان علية يمة هو انفتح الباب واشوف وجه ياسر صارعبالك وجه شيطان يمة وطفر علية وسحبني من شعري وجرني سحل من غرفتة بيبتة للدرج واني مايطلع مني صوت انبلع من الخوف والرجيف واسمع صريخ اسيل اسيل وهي تبجي على حالي اسيل بخوف وصريخ رج اركان البيت-ولك مخبل عوفهة ولك الابنية راح تموت بيدك وتجر بي طبعا ياسر مو ياسر صار عبارة مجنون رسمي دفع اسيل بكل قوتة بالگاع وورجع صعدني الدرج وهو لازمني من شعري واني من الخوف رجلية بادت وماگامن يشيلني وكعت وهو مااهتم كمل الدرج سحني سح وهو جارني من شعري احس وصل من شعري تتكطع من الالم ودخلني للشقة وشمرني بالكاع اباوع عليه بخوف واني الكلام عنّد وياي مايقبل يطلع شفتة قفل باب الشقة وبقيت بس اني وياه باوعت راح للغرفة ورجع واني بمكاني شفت بيدة قطعة واير مال كهرباء مفصول طويلة طبّكهة طبكتين وسواهة مثل السوط دخليك ياصاحب الدخيل رفع ايدة اللي بيهة الواير وضربني على متني بس يمة دخيلك يالعباس شلون حرگة الم صرت مثل الطير المذبوح اريد الوذ بشي احمي نفسي منة ماكو بس صارت الضربات تتوالى على جميع اجزاء جسمي طبعا ياسر كل ضربة وياهة سب ياسر -احجي ولج بت المداس منو هذا احجي لو ما الج عين تحجين ورجع ضربني مرة ثاني بالواير احجي ساقطة بعد كم واحد غير اخوي وهذا العار احجي ك.......ة ولج ساقطة عفتي الناس كلهة وركضتي ورة اخوي تطعنيني بأخوي واشوفج شلون تركضين وراه وتصبيلة غدة وتتموعين يمة ولج خليتي الرجال يهج من بيتة من وراج زهراء ما افتهمت ياسر شنو جاي يحجي من ورة الالم والوجع غوشت عيوني وانغمة علية طبعا زهراء ماعندهة اي علم بسالفة عمار والمكرودة عبالهة يحجيون على الرجال اللي يوكفلهة بالطريق اي بس تعالو صدك منو هذا الرجال وشلون عرف محاسنهة واسمهة ويحجي وياهة بكل جرأة ولاتكلولي احتمال وحدة من قرايبهم وصفتهة گدامة همة هناك بالسلف ماعندهم هذا الحجي وحتى لو اكو وحدة واصفتلة شكلهة زين شنو شايل من جرأءة وصلافة هذا الرجال اللي توصل بي المواصيل ان يترصد لشرف عشيرة سلمان ال.......وما يحسبلهم حساب 13 طبعا من وكعت زهراء واغمى عليهة ياسر كعد بالگاع وانتجة على الحايط وخلة ايدة على راسة ما جاي يستوعب الكلام اللي سمعة من شيخة من اول ما دخل للبيت وشاف الوجوه مخطوفة سأل شبيكم وشيخة حجتلة كل اللي صار مع بعض الكذب ياسر من سمعت حجي شيخة وشفت باب غرفة بيبيتي الحجية مقفول وزهراء وامي وعمتي فوزية وبيبيتي موجودات جوة بالغرفة عرفت ان حجي شيخة كلة صحيح وسمعت امي تصيح وتضرب بزهراء اني برج من دماغي طار اتخبلت ردت بس الزم زهراء والله اجنزهة واذبهة للجلاب اني الساقطة هاي تضحك علي وتسويني علج بحلك اليسوة والمايسوة وتنزل راسي سمعت صوت باب الشقة يندك بعد ما نهيت زهراء نهي بالواير واغمى عليهة كمت فتحت الباب اتفاجئت من شفت عمار بوجهي عمار استقبلنا ابن عمي بالمطار وجان جاي وجايب سيارتي السودة العالية وصلنا اني ونوال للبيت جنت كلش تعبان لان الضغط مالت الطيارة لحد هسة بأذني دكيت الهورن وطلع البنگالي فتحلنا باب الكراج استغربت شنو السالفة اشو لا اخواني لا ابوي محد اجة اخذنا من المطار اني متعود ان كل مرة اخوتي همة الي يجبوني من المطار نزلنا وعفت البنگالي ينزل بالجنط سمعت اصوات الرياجيل بالديوان عفتهم ودخلت من باب المطبخ اريد شوية اغسل وارتاح ونوب اروح اكعد يمهم بالديوان فدخلت ونوال وراي تمشي شفت بس الخدامات بالمطبخ اتقدمت لداخل البيت وبالباب مالت الصالة جاي ادخل وسمعت صوت ابوي يحجي بحرگة ابو عمار -والله طلعت مو هينة بنت الجلاب شلون نزلت روسنا بالطين والله لوما ياسر كاتلهة جان اني كتلتهة بنت المداس عمار سمعت كلام ابوي وجمدت بمكاني كل مايحجي ابوي كلمة اني تتوضح عندي الصورة اكثر نوال كانت تمشي وراي واندعمت بضهري واشرتلهة ان تسكت اريد اسمع ابوعمار -يعني ما اعرف شلون لفت عقل عمار اريد اعرف شوكت واحنا وين جنا زين عمار شلون يرضاهة على نفسة هاي مرت اخوه ولا والساقطة بعد تتمعشگ وتتواعد بالطريق وية هذا العار ناظم الا اشرب من دمة بس كون الزمة والله لو ما عندنا خطار وعيب جان اليوم اسويهة دم للرجاب عمار احس كلام ابوي عبالك صعقة كهربائية هزتني هز وشمرتني بالگاع دخل عليهم عمار-اي بوية كمل خلي اسمعك ابو عمار بصدمة -ها بوية الحمدلله على سلامتك انت وصلت ؟ عمار بقهر-اي والله بوية ويا ريتني ما لفيت من كون لفاني البين ولا سامع هذا الحجي ابو عمار -اوكف بوية خلي افهمك عمار وبغضب -يصير خير بوية ما اريد اسمع اي شي هسة خلي يطلعون خطارنة وبعدين نتفاهم ياسر وين ام عمار وهي تحجي بصوت مبحوح -اخوك فوك بشقتة عمار عافهم وصعد حتى ما سلم على امة ولا على ابوه حس ان اهلة طعنوه عمار دك على باب شقة ياسر فتح ياسر الباب وتفاجئ من شاف عمار واكف عمار وبقهر وبصوت هادئ كلش يخوف -عفية عليك يابن امي وابوي هيج تاليتك تصفة بيد النساووين ويدفعوك ما اتوقعت اخوي الدكتور ياسر اللي كلهة تحلف بيه يكون هيج تافه ياسر وهو مدنك راسة -خوية انت لاتحجي لان ما فاهم السالفة شنو عمار وبغضب وكوة لازم روحة -ولك اي سالفة شتحجي انت يعني اني الشيخ عمار اللي الناس كلهة تحلف براسي وتسويلي الف حساب يجي اخوي يرخصني ليش ولك شنو شفت مني ياسر بقهر -محشوم يا اخوية انت شيخنا ورفعت راسنّا العيبة مو بيك العيبة بمريتي طلعت بنت شوارع وساقطة واني العار اللي دخلتهة بيتنا وكعدتها بين اهلي بنت الزنى عمار بقهر-عوفك من هذا الحجي وما اريد اسمع اي كلمة منا لحد ما يطلعون خطارنا ويتوكلون بعدين الي حجي وكعدة وياكم يالله انزل جوة گدامي عمار انتبهت على زهراء خطية واكعة بالكاع والدم ماخذهة اخيذة واني اتخبلت من دكيت الباب على ياسر بقينا واكفين على الباب نحجي وعيني كلهة على ياسر وياسر جان ساد الباب بطولهة وعرض اكتافة فما انتبهت من اتحرك ياسر وراد يطلع شفتهة واكعة بالگاع والدم تارس الگاع عمار-ولك شنو مخبل انت ولك الابنية مدماية ولك شيويت بيهة كبل صحت بصوت عالي على نوال واسيل اجن نوال واسيل يركض على صوتي واشرتلهم على الزهراء عمار -سترنها ولبسنهة عبايتة وبركعهة خلي نوديهة للمستشفى اقتربت اسيل من زهراء ونزلت بصفهة حتى تلم شعرهة بقراصة اسيل بصرخة -عمار الحك هاي الابنية ما جاي تتنفس طبعا من صرخت اسيل اللي بالبيت كلهم صعدوا خطية حتى الحجية اللي مابيهة حيل كوة صعدت وصارت ناس تدعم بناس ياسر اتخبل من شاف زهراء زركة وما تتنفس ما عرف شيسوي هج وعاف البيت وطلع ومحد يدري بي وين وعمار جاب شرشف الجرباية ولف زهراء بي وشالهة ونزل بيهة الدرج ونوال خطية فتحتلة باب السيارة الخلفي واسيل لابسة عبايتهة بالمكلوب خطية من الخوفة ما منتبهة راحت ركض وركبت من باب السيار الخلفي من الجهة الثانية وعمار دخلهة بالسيارة وصار راس زهراء بحضن اسيل ونوال ركبت كدام وعمار شخط السيارة وانطلق وطبعا البيت دخل بالانذار وواحد ظل صافن بوجه الثاني ام عمار ارتفع سكرهة ووكعت وركضت عليهة شيخة وانطتهة دواهة ومحمد بقة وية ابوه وعمامة يم الخطار الحلو ببيت الشيخ سلمان ان هو كلش جبير فهاي الاحداث كلهة اللي صارت والخطار ما حسو على شي لان همة الديوان مسوينة كلش بعيد وعزول عن بقية غرف وصالات البيت بحيث اهل البيت ما يتقييدون بالخطار اللي يجيهم لذلك الشيخ سلمان استطاع ان يگوم بواجب الظيافة وية خطاره هو ومحمد واخوانة وكم واحد من ولد اخوه لان اولاد اخوانه البقية اتصل عليهم عمار وركبو سياراتهم وراحو ورة عمار عمار من وصلنا للمستشفى حركت الدنيا عليهم بالصياح وخليت واحد يردم بالثاني واجة مدير المستشفى بنفسة يصير صديق عمار ظل يهدي بعمار مدير المستشفى -يا اخي مايصير اللي جاي تسوي هدي حالك وهسة الدكاترة جاي يشرفون على حالت المريضة لا تنخبص وتخبصنا وياك نوال واسيل كعدن ينتظرن على الكراسي تصير مقابيل الغرفة اللي دخلو بيهة زهراء نوال بصوت خاوي من التعب والهبطة-اسيل فهميني شنو الصار والله راح اتخبل احس روحي مثل الاطرش بالزفة كلشي ما افتهمت شبيهم زهراء وياسر حجت اسيل السالفة كلهة لنوال من كلام عمتهم فوزية الى كلام شيخة لأم عمار الى ياسر واللي سواه من سمع بالسالفة هنا نوال لطمت على وجهة عزة العزاج ينوال صخام الصخمج يمة سودة بوجهي الابنية راحت تموت واني السبب ببموتهة والله ما اسامح روحي اذا صار على الابنية شي ظلت نوال تحوم وماتعرف شتسوي نوال وهي تدعي بگلبهة اللهي بحق حبيبك المصطفى اريدك تطلع زهراء بنت خلود من هاي الشدة ربي يسر ولاتعسر ربي انتى اعلم بالاحوال الابنية مظلومة ربي وانت ربي رب رحيم ماترضى بالظلم طبعا كنت اشوف كلساعة ممرضة تركض تدخل وبيدهة شي شوية وطلع دكتور من الدكاترة يسئل من وية المريضة اجة عمار يركض عليه عمار -هَـا دكتور طمنا بنتنا شبيهة الدكتور -اولا بنتكم حامل وثانياً المريضة متعرضة للضرب والجلد بسوط او باداة لاسعة مما ادى الى تقرح الجرح وهسة حاليا الابنية دخلت بغيبوبة والطفل ما مهدد بالاسقاط ووضعة كلش حرج وان شاء الله نسوي اللي نكدر عليه وبمرور ثلاثة ايام عمار ابد ماطلع من المستشفى يكمل اجراءات وفحوصات زهراء وزهراء نقلوهة للعناية المركزة وبعدهة ما فاقت من الغيبوبة ووضع الطفل كان حرج بس الحمدلله انطوهة ابر مثبتة وبعض الادوية الاخرى اللي توقف النزيف شوية تعدت مرحلة الخطر وبدة وضع الطفل يستقر بس وضع الام بعدهة بغيبوبة هاي الاحداث كلهة صارت واهل زهراء ماعندهم علم ببنتهم شنو صار بيهة

Free reading for new users

Scan code to download app

App Store Google Play

Facebookexpand_more