بارت 9

4998 Words

بالمستشفى دخل عمار على زهراء وشاف وجهة شلون مورم اول يوم كان بس زراك واليوم صار زواك وانتفاخ و عمار والله من شفته متت بدمي ليش هيج صاير بوجهة سئلت الدكتور وطمني على وضعهة ان الورم حالة طبيعية للشخض المتعرض للضرب او السقوط طبعا قبل كم يوم الدكتور اللي شرف على حالت زهراء كتب تقرير وگال هاي حالة ما ينسكت عليهة المريضة معرضة للتعذيت كاد يؤدي لموتهة لوما مامتلاحكينهة جان هسة هي بعداد الموتى اني طلبت من صديقي يصير مدير المستشقى ان يلم الموضوع ويكتب على التقرير ان المريضة وكعت من الدرج عمار والله احس بروحي بحلم ما اعرف شوكت اصحى منة الابنية مانعرف شنو مصيرهة واخوي اللي مانعرف هسة هو وين وما سمعنالة خبر صارلنا اربع ايام من اختفى وكعدو اولاد عمي واخوي محمد يدورن عليه دك نقالي عمار -الو هلة محمد شلونك محمد -هلة خوية عمار شلونك عمار -الحمدلله زين محمد-عمار لكينا ياسر طلع جان بشقة صديقة بالمدينة عمار-شلون عرفتوا محمد -صديقة اتصل علينا يكول لحكو على ابنكم تخربط وخاف يصير بي شي وتطيح براسي الولد حقة يخاف مسؤلية عمار-هسة انتو وين محمد -هسة احنا راجعين للبيت وويانة ياسر عمار -يالله اني جايكم انتظروني وصل عمار للبيت وشاف السيارات موجودة بالباب وبالكراج عرف ان اولاد عمة ومحمد اخوه وياسر وصلو للبيت قبلة دخل وسلم عليهم وشاف ياسر جانت حالتة كلش تقهر وتصعب على الكافر صاير وجهة اصفر وتحت عيونة سواد اباوع عليه لازم جكارة يدخن وعيونة حمر اتقرب عليه عمار وهو صارت عيونة بعيون عمار اجة ياسر ركض عليه وحضن اخوه حيل مثل الطفل االلي من يتأذة يروح يستمد القوة من حضن ابوه 4 عمار-شلونك ياسر ليش هيج ت**ر ظهري خوية ياسر والدمعة بعيونة والعبرة خانگتة-انة معذور يخوي معذور محد يعلم البركان اللي بگلبي بس الله والله اتمنيت الموت ولايصير بية اللي صار من ورة هاي بنت الحرام ان**رت رگبتي ليش ماخليتهة تموت ليش عمار وبصوت ناصي -اششش مو وكتة هذا الحجي بعدين نحجي بي من يرحون الولد وانت شوية ترتاح والي كعدة وياكم ياسر سكت ودنك راسة وطلع من الديوان وخطية شوية واستأذنو اولاد عم عمار وطلعوا و دخل عمار عليهم بالصالة وجهة ثكيل سلم عليهم بس ببرود وكال عمار-اليوم اريدكم كلكم موجودين الكل اريدة يحضر حتى عمتي فوزية دزو عليهة ورة صلاة المغرب (يقصد بالكل امة وابوه وياسر ومحمد ونوال وشيخة واسيل ىالحجي والحجية وفوزية) عمار من خلص كلامة وصعد فوك لشقة نوال حتى يرتاح بعد صلاة المغرب اتجمعوا العائلة كلهة وكعدو بالصالة واجت عمتهم فوزية دخل عليهم عمار بهيبة ووقار سلم عليهم وكعد قريب على جدة -عمار وبصوت جوهري -الله بالخير شوفوا اني لحد هسة مافتحت الموضوع ولا عرفت شنو السالفة سكتت لان جانت اكو امور اولى والتهيت وية المكرودة المشمورة لوحدهة بالمستشفى فأجلت الموضوع وكلت بعدين واتناقش وياكم بهاي السالفة كنت مصدوم بيكم ان انتو ولا واحد بيكم طلع حكيم وهدة الوضع لاجبير ولا صغير واللي قهرني ان انتم استقويتو على الابنية وضربتوهة وياسر وصلهة للموت ومحد منكم حاول يفكهة منة او يحميهة والابنية ذنبهة بركبتكم حتى محد منكم كلف نفسة وسئل شصار عليهة ام عمار -يطبه طوب كون ميتة ومفتكين من عارهة عمار بخزرة -موهيج العشم بيج يايمة التفت عليهم -شوفو اريد واحد واحد يحجيلي شنو عندة واني احكم يالله عمة احجيلي فوزية -يمة عمار اني مالي دخل اني حجيت الي شافتة عيوني اني هم مثلك ماصدكت بحجي النساوين بس ما كدرت اجذب عيني عمار -وشنو شفتي فوزية-شفت هذا المايتسمة الله لا يوفقة اللي اسمة ناظم يمشي ورة. زهراء بطريق المدرسة بالروحة والرجعة عمار -اي وبعد شنو شفتي فوزية-واخر يوم شفتة وصلهة للبيت يمشي وراهة بنفس يوم اللي رجعتو بي من السفر بس ظل يحجي وياهة ما اعرف شنو عمار -وزهراء شنو جانت واكفة وياه تحجي لو شنو جانت تسوي ست فوزية-لا جانت مدنكة وتمشي حتى شفتهة هالمرة تمشي سريع عبالك تريد تركض عمار حط ايدة على لحيتة - هااا زين احجيلي شنو سمعتي من النسوان فوزية -سمعت بان ناضم وين ما يكعد يسولف بيهة ويوصف شكلهة كدام الزلم ويكللهم اني شايفهة بعيوني شايلة حسن ما شايلة بشر ويظل يوصف اووصافهة شعرهة طولة عيونهة كلشي عمار يحس النار گامت تاكل بص*رة وعرف وافتهم الموضوع كله -اي كملي فوزية -بس هذا الحجي بعد ما سمعت شي عمار بسؤال-زين اسألكم كلكم انتو اللي بالبيت هم فد يوم شفتو الابنية ان تصرفت تصرف مال وحدة موزينة ام عمار-اني هذا اللي موتني قهر ما مبين عليهة كدرت تخدعنا ببرائتهة اسيل -والله ياخوية الله فوك الراس اني ما شفت عليهة شي ولوما حجي عمتي فوزية وشيخة جان والله ماصدكت ان. زهراء يطلع منهة هذا الشي عمار-وانت عمة فوزية زهراء بالمدرسة شلونهة فوزية-والله ياعمة كلش زينة وحبابة والمعلمات والمديرة كلهم يحبوهة ومايوم شفتهة اتجاوزت حدودهة بكلشي وبقت على نفس حشمتهة ما شفت عليهة غير اللي حجيتلك عنه التفت عمار على شيخة -اي شيخة احجيلنا انت الثانية شنو شفتي على الابنية اللي خلاج تطعنين بشرفهة شيخة ظلت اتمتمت-اة اة شيخنا انة والله مالي دخل لا تدخلوني ام عمار بعصبية-احجيلة ولج اللي سمعتيه لاتخافين منة اني موجودة وعمج الشيخ موجود مايسويلج شي عمار باوع لامة بعيون حمر-رحمة الله والديج يمة ماقصرتي بطعن ظهري والنعم منج ام عمار بارتباك دنكت راسهة عمار -اي شيخة احجي ولاتخافين مني ترة خالتج وعمج موجودين ما اسويلج شي احجي شيخة وهي ترجف من الخوف وتدري بنفسهة ان هي ذبت البانزين بالنار بسالفة زهراء شيخة-شيخنا خلي احجيلك بيوم من الايام سمعتك بشقة نوال تحجيلهة عن زهراء وحبك الهة وشلون انتة هوايهة وميت عليهة عمار بصدمة -اي كملي شيخة-اي شيخنا وشفت الابنية شلون تتموع كدامك وتلبس وتتكشخ كدامك وتسويلك الاكل التحبة انتة وتحب تخدمك فحسيت بهة مو راحة وياك بتصرفاته وشفتك انت من تزوج ياسر كثرة سفراتك عمار بغضب وصوت عالي يشبه صوت زئير الاسد-خلصتي بنت عمي كلامج شيخة دنكت عمار التفت الهم والعيون كلهة عليه-شوفو اني راح احجي وانتو تسمعون وما اريد اي واحد يقاطعني اول شي راح احجيلكم عن هذا ناظم العار وهذا بس الزمة محد يفكة مني وحسابه بعدين ناظم صحيح شايف زهراء وشايفهة حتى وهي مفرعة وما لابسة حجاب وشعرهة طالع عمة فوزية تتذكرين بيوم الهدو عليكم بالسلاح بالمدرسة ست فوزية-اي عمة اتذكر شلون ما اتذكر عمار -احجيلهم شصار بيومهة ست فوزية-عندنا طالبة ضربتهة معلمة من معلماتنا الجدد واذت الابنية واجو اهل الطالبة علينة هدادة بالمدرسة وبيومه حركو المدرسة بالرمي ودخلن علينة نسوان وصار اشتباه بالمعلمة حسبالهن ان زهراء هي الضاربة الطالبة لان بوكتهة جانت هم معلمة جديدة وما انطن مجال لزهراء تحجي كبل جرنهة وكتلنهة ونزعنهة حجابهة عمار -اي عمة كملي فوزية واتذكرت بصدمة-اي والله صدك اتذكرت جان بذاك اليوم العار ناظم موجود يمنة بباب الادارة وشافهن شلون نزعن زهراء حجابهة وهو ظل واكف ما غض نظرة عنهة واكلهة اكل بعيونة وبوكتهة ركض عليه عمار لان اني اتصلت على عمار خفت لايسوون بينا شي واحنا بس نسوان بالمدرسة وعمار من شاف الموقف وهذا العار يباوع گبل ركض عليه وضربة بكعب الرشاشة على خشمة خلة خشمة ينفط دم ووگع ناظم بالكاع عمار -شوفو انة ماحجيتلكم السالفة وخليت عمتي فوزية هي التحجي خاف تكولون يدافع عنهة بس الله ورسلة وملائكة يشهدون على الكلام اللي راح احجي ناظم انة وياه مو على توافق كان بيني وبينة حزازيات بموضوع الشغل وهو من قبل فترة كلش طويلة راحت عليه صفقة عمل وصارت الي هاي الصفقة اني اللي استلمتهة من يومهة اني وناظم ما نتوالم وقبل اربعة اشهر اشتريت قطعة ارض كلش جبيرة وهو جان حاط عينة عليهة واني اشتريتهة قبلة ماجنت متعمد اخاذهة منه ولا ادري بي هو رايدهة بس قطعة الارض اخذتهة لانها تفيدني ردت افتح عليهة المعمل واسويلي فرع ثالث للمنتوج مال حلالنا ومن يومه اشوف ناظم واكفلي مثل العظم بالخاصرة وموبعيد من سمع بان الابنية اللي شافهة بالمدرسة بيوم الحادث صارت جنتنا و اللي مثلة ن** وعار تعتبر هاي فرصة ان يطعن بشرف اهل بيتي التفت عليهم وكعد يباوع بعيونهم وشاف الوجوه شلون تگلبت وام عمار لطمت على ص*رهة عمار-وسالفة شيخة ماالهة صحة من الكلام اني ما انكر كنت احجي وية نوال عن زهراء واني اني انعجبت باخلاقهة ووقارهة وسترهة وردت اخطبهة بس الله الشاهد هذا الحجي قبل لا يحجي ياسر بموضوعهة وقبل لايخطبهة وحتى من حجة بموضوعهة هم ما عرفت ان يقصدهة هي للابنية نفسهة بس الله الشاهد من عرفت ان اخوي متقدملهة قبلي سديت الموضوت وصارت. زهراء بحسبة اختي وماجيت طاريهة بشين لان صارت عرضي وحتى هي الابنية لاحاجي وياهة ولاهي حاجية وياي واصلا ماعندهة علم بالموضوع لان جان الموضوع محد يدري بس اني ونوال بس ما دريت اني ملفيلي شيطان بالبيت وكاعد يتسنط على خصوصيتي اني ومرتي وترة الابنية محشومة وبنت ناس ومترباية وهذا ناظم الا اجيبة يم رجلك يا ياسر واخليك انت تاخذ حقك بيدك وتشفي غليلك منة والتفت على شيخة وعيونة حمر -شيخة انت طالق يشيخة مايشرفني يبقى اسمي مرتبط باسم وحدة عار مثلج ردتج تنعدلين وتجرين عدل بس ماكو مافاد كل اللي سويتة وياج الاعوج يبقى اعوج شيخة ظلت تدك وتلطم على راسهة وتصرخ وعمار كام وعافهم لان بعدة گلبة شايل عليهم عمار قبل لايطلع كال-والله خيبتو ظني بيكم يا امي وابوي جرحكم وطعنكم لسمعتي ما راح اكدر انساه وباوع على ابوه والله ماجان هيج العشم بيك يبوي انت شيخنا ولازم تصير بهيج موقف ميزان عادل وتحكم بالعدل وماتظلم احد وبهذا موقفك راحت المظلومة بالرجلين وذيج هي مشمورة بالمستشفى وحامل وحالتهة خطرة وداخلة غيبوبة واهلة ما يدرون عنهةولا انتو اللي رحتو سألتوا عنه سوايتكم مايسويهة حتى اليهود كام راح وتركهم مع ضمائرهم المعذبة 10 طلع عمار من بيت اهلة واتصل على اولاد عمة وگللهم حضرو سلاحكم اني جاي واتصل على محمد گلة اطلع وراي انتظرك بالباب محمد- آمر يا ابوياسر گول شراح تسوي (ملاحظة عمار يلقب دائما بابو ياسر مثل هواي اسماء مثل اسم علي يصيحونة ابوحسين او خالد يصيحونة ابو الوليد ) عمار طلع المسدس من تحت كرسي السيارة وخلاه بحزامة صفح وشغل السيارة وطلع عمار-محمد افتج الجكمجة وطلع المسدس الثاني وطلع محمد السلاح وخلاه بحزامة (الجكمجة هو الصندوق اللي يصير مقابل الكرسي الثاني اللي بصف السايق يخلون بيهة الاوراق والسنوية واجازة السوق ) ووصلو هناك بالمزرعة ولكو اولاد عمهم ملتمين وكل واحد شايل سلاحة وتشوف واحدهم جنة ذيب امعط عيونهم تلمع لمع بالهدات والنخوة همة ولد حمولة واللي يدوسلهم على طرف امة داعية عليه ينگلبون ذيابة 7 طبعا شغلو سياراتهم ووصل الخبر لناظم وناظم جمع ربعه والزلم وصارت الطكة بين الطرفين كان ناظم بالبيت ومجمع الزلم داير ما داير البيت والله وواولاد عم عمار ومحمد تنزانكو وية الزلم وبدة المظارب وعمار من الحرة اللي بگلبة عبالك جمر يجوي بص*رة صاح هشام احمي ظهري اتلثم وطفر السياج وابن عمة هشام شمر عليه الرشاشة من فوك السياج هشام وبصوت عالي وكأنما عندة اهزوجة -هاك اخذ يولد العم وشنف ذراعك اريدك اليوم تهنجل عليهم وتراويهم طباعك اريد اشوفن عدوك مزلزل بتراب گاعك 2 هشام يصيرابن عم عمار وايدة اليمنة بكلشي وصديقة الصدوق حتى اقرب عليه من محمد وياسر داهم عمار ودخل على ناظم بالديوان وهو لابد مثل المرة اول ما دخل عمار ناظم فز وكام ورفع سلاحة بوجه عمار ابتسم عمار ونزل اللثمة من وجهة ووناضم فتح عيونه على وسعهن من الصدمة ما يدري اللي هدوا عليه ولد الشيخ سلمان عمار -ها يناظم اشو اشوفنك تغيّر لونك ناظم -عمار شجابك بداري عمار -تعرف اللي جابني اجيت حتى اصفي الثار يالوطي انت مو رجال انت من اشباه الرجال ولك يالن** توصل بيك المواصيل تدنس عرضي ناظم وانخطف لونة وعرف بكبر حجم المصيبة اللي سواهة وماجان حاسب هيج حساب وهو يعرف كلش زين هذا عرضهم العرض غالي ووراه مصيبة بس جانت نيتة يقهر عمار ونسى ان عشيرة بيت سلمان لحمهم مر وما يندك بيهم والله كانت ردت فعل ناظم مثل اي ردة فعل واحد جبان صوب سلاحة على عمار وراد يرمي 1 عمار فتح عيوية وماتوقع توصل بالنذل ان يغدرة ورمة ناضم على عمار وفجأة صار واحد گبال عمار ووكع بحضن عمار هشام من انطيت الرشاشة لابن عمي وخليصي عمار رحت ركض على زلمة واكف بالباب ضربتة على خشمة بكعب الرشاشة وفتحت البوابة الرئسية للمزرعة لان ناظم يصير بيتة بنص المزرعة والمزرعة يحيطهة سياج ووبوابة جبيرة وشفت من بعيد عمار واكف بباب الديوان وشفت ناضم سحب اقسام ووجه السلاح على عمار اني هنا احس رجلية من الركضة والفزعة ماتلمس الگاع رحت شمرت نفسي گبال عمار وسمعت صوت الطلقة بس احس شي حار دخل بص*ري ووگعت بحضن عمار 8 عمار يباوع بصدمة من طاح عضيدي بحضني گعدت وياه بالگاع وشفت الدم اللي بص*رهة يفور ودخل محمد وكم واحد من اولاد عمي ورمو على ناظم طبعا محمد رمى على كتف ناظم ورجيله. اتعمد ما يأذيه لان مو من شيمتنا الغدر وحتى يضل الحق ويانة عمار بصياح على الشباب ولك محمد اركض جيب السيارة عمار شايل هشام ويحجي وياه بصوت عالي -ولك مو يومك هذا ياحيد كوم ولك كوم اجة محمد وشخط السيارة لباب الديوان وفتح الباب لعمار وودخلو هشام للسيارة وعمار خلة هشام بحضنة ومحمد حرك السيارة بسرعة واولاد عمة ركبوا سياراتهم ورة محمد وجماعة ناظم هم التهوا بناظم هشام شوية فتح عيونة وشاف نفسه بحضن عمار هشام وبصوت متكطع گوة ياخذ النفس هشام-هَـا ولك شيخنا اشو جني اشوفن دموع بعيونك عمار والدمعة بعينة ماتقبل تطيح عمار-اسكت ولك جا غير ستوني عرفت انة احبنك يالخبل 4 هشام وجهة صار اصفر وابتسم وگال -شيخنا صرت صاحب فضل عليك بعد شيفكك مني عمار وهو يبتسم بتعب بخوف على ابن عمة- بس كوم على حيلك وترخلصلك عيوني ولك انت مسودن وتبقى مسودن اكو واحد يسوي سوايتك وتشمر روحك گدام الموت هشام وهو يغمض عيونة - اخوي وعضيدي واروحنلك سبع فدوات خطية غمض عيونة واغمى عليه عمار وبصوت عالي هز السيارة هز - ولك محمد سوق بسرعة الولد راح يروح من ايدنا وصلوا الشباب على المستشفى واستقبلتهم سدية وخلو عليهة هشام ودخلو گبل لغرفة لصالة العمليات لان حالتة خطرة ورة ساعة اجت زلم ونسوان العشيرة كلهم مخطوف لونهم على ابنهم وعمار كاعد بالكاع ودشداشتة كلهة دم ما يقبل يبدلهة طبعا ابوه الشيخ سلمان درة باللي صار واللي سواه عمار حس ان هو ظلم عمار واستحة حتى يتقرب ويسلم على ابنة مالة عين يحجي وياه ام عمار وظلت تلوب وكامت تحوم فوك راس ابنه وماتعرف شتسوي عمار وبصوت خاوي -هايمة شبيج تحومين فوك راسي ضايعلج شي ام عمار وبصوت بشهكة وهي تبجي -اي يمة ضايعلي ضنة ابن بطني وزعلان علية عمار ورفع راسه-يمة ماعاش اللي يزعلج ولاشم الهوى ام عمار خلت ايدهة على حلك عمار ام عمار-لايمة على بختك لاتكولهة لزمت وحضنت عمار ودموعهة تنزل خطية عمار حط راسة مثل الطلفل بحضن امه وشمهة ام عمار -يمة شيخنا سامحني يارفعت راسي يافكهة عيني لاتزعل من امك عمار باسهة من راسهة -غالية ام عمار وتبقين غالية وظلو ينتظرون هشام على نار وطلع الدكتور من صالة العمليات وركضو عليه الشباب عمار-هَـا دكتور بشر اخوي شلونة الدكتور -الحمدلله طلع من مرحلة الخطر بقدرة قادر يعني هذا الولد امة داعيتلة بينة وبين الموت شعرة كانت الاصابة بص*ر طلقتين وحدة داخلة بالص*ر والثانية جاية شطح بالخاصرة 4 كلهة ظلت تتحمد السلام وتركع لله ركعة الشكر 1 ياسر وما ادراك ما ياسر ياسر من سمع كلام عمار عن زهراء وشلون حجة وية عمتي وشلون حجة وية شيخة وفهمني ان مرتي مظلومة وشلون ناظم الواطي هاد على المدرسة اني بوكتة اتمنيت الموت ليش هيج يارب ليش هيج ربي اختبارك صعب والله والله صعب احس كل الابواب انسدت بوجهي اروح لياباب لباب زهراء اللي ظلمتهة وهسة يگولون بعدهة بالغيبوبة وابني ببطنهة لو باب اخوي اللي ظلمته وياي رحت على غرفت زهراء ودخلت عليهة واتفاجئت شفت عمي ابو زهراء وام زهراء يبجون على بنتهم اقتربت من السرير وشفت زهراء وجهة مورم وازرك على بنفسجي ومغمضة عيونهة وماكو شي بيهة يدل على الحياة غير صوت جهاز القلب التفت علية ابو زهراء وحضني وهو يبجي-بوية ياسر زهراء شلون وكعت من الدرج ياسر وبصدمة ومشلول ومايعرف شيحجي سئلهم ياسر-عمي انتو شلون عرفتوا زهراء بالمستشفى بوية اتصلت عليهة اريد اسمع صوتهة واطمن عليه مثل كل مرة بس دكيت دكيت ماكو محد جاوب ونوب رجعت اتصلت بغير وكت كلت خاف نايمة بس رد علية صوت ابنية مو صوت بنتي زهورة خطية وهي تبجي كالت عمو اني اسيل اخت ياسر وزهراء وكعت من الدرج ونقلناهة للمستشفى واني اجيت هسة وحجيت وية الدكتور المسؤال على حالتهة وگلي زهراء حامل وحملهة هسة استقر وهي بغيبوبة مايعرفون شوكت تفيق منهة ياسر وميت قهر ان فرط وضيع من ايدة هيج جوهرة كلة من ورة الرعونية يعني زهراء مرتي واني اعرفهة كلش زين انقى من الحليب شلون ركبني الشيطان ووزني عليهة وخلاني اسوي بيهة هيج والله كل ما اتذكر شكلهة من كعدت اضربهة بالواير وتظل تلوب تريد تحمي نفسة من الالم اموت قهر واتمنى هذا الضرب كون كله بية شتذكر بعد ياگلبي زهراء بعد ماراح تسامحني على اللي سويتة بيهة ظلمتهة وطعنتهة بشرفهة وما انطيتهة مجال تدافع عن نفسهة وتحجيلي اني خذلتهة وما كدرت ادافع عنهة واخذلهة حقهة واصونهة مثل كل رجال لازم يتصرف هيج وما يترك مرتة بيهيج موقف لان هو سندها من بعد الله اخ ياگلبي سمعت صوت الباب اندك ونوب انفتح وشفت امي واسيل ونوال دخلو خطية ام زهراء گامت لامي وحضنتهة وظلن يبجن وامي ظلت تبجي بقهر وندم على اللي سوتة بزهراء ام عمار اقتربت على زهراء وبستهة من راسهة وظليت ابجي شفت وجهة ي**ر الخاطر شلون مكلوب كلاب بالكدمات والله ما اسامح نفسي اذا صار على الابنية شي متت قهر من تذكرت شلون طاحت على ايدي وباستهة حتى ما افتح الباب لياسر واني شلون دفعتهة وظليت اغلط عليهة واسب اباوع على امهة تبجي وشلون حضنتني وهمة شلون ناس فقرة حسيت بالذنب بأتجاهم ربي لا تعابيني وربي گمهة على حيلهة بس تكعدة والله اطيح عليهة واستسمح منه بس كون تبريني الذمة 11 ربي گومه بالسلامة ربي احفظهة لشبابهة اباوع على ابوهة ي**ر الخاطر وظهرة منحني وحزين رجعت ادعيلهة ربي اسئلك بحق الحبيب المصطفى ولخاطر هاي الشيبات گومهة بالسلامة بعد مرور شهرين على الاحداث اللي صارت تغيرت حالت ياسر وصار كل يوم يروح يطمن على زهراء بالمستشفى اللي لحد الان ما فاقت من الغيبوبة ومر على حملهة ثلاثة اشهر ومرة من المرات شاف ام زهراء والممرضات شلون يبدلن ملابسهة ويعدلن بشعرهة وهي مثل الطفل النايم مو بعالمهم اتذكر بذاك اليوم خوفت ام زهراء وشهكتهة من رادت تمشط شعر زهراء شهكت من وگعت بيدهة خصلت شعر جبيرة ام زهراء لطمت على ص*رهة ام زهراء-يمة صخام الصخمني يمة بنيتي شبيهة يمة ياسر روح صيح الدكتور بسرعة هاي شنو خصلة الشعر اللي اجت بيدي شبيهة بنيتي ياسر دنك بخجل وقهر واتذكر يبوم الضربهة وكعد يسحبهة بدون رحمة من شعرهة وهي خطية لا حول ولا قوة ياسر يجر حسرة ياسر-لاتخافين خالة هذا الشعر لان صارلهة فترة مامشطتة ام زهراء بخوف-يمة ياسر متأكد اشو گلبي مامتطمن اخاف بنتي بيهة شي ياسر مر علية ذاك اليوم وضميري يتكلب تگلب من التأنيب دمرت حياة بنية بعمر الوردة مالهة ذنب وابني اللي بعدة ماطلع للدنيا خطية حتى ماتهنت مثل البنات بأول حمل الهة مرت ثلاث شهور واني جسد بدون روح بس اتنقل من البيت لدوامي بالمستشفى ومن اخلص شغلي اروح لزهراء اني رجعت اكمل دوامي بالستشفى واخوي عمار واولاد عمي اخذوا ثاري من ناظم الواطي بس لحد هسة ماشفة غليلي منة بس ابد ما راح انسى بيوم فضل عمار اخوي واللي سواه وياي راح يبقى دين بركبتي عمار خلال هاي الفترة اشوف ياسر صار كلش هادء مو ذاك ياسر الاولي اللي الضحكة ماتطيح من على وجهة لا هذا الگدامي شبيه ياسر حقة والله اللي صار بي مو هين هو بيدة قضى على سعادتة جنت دائما اشوفة شلون يتصرف وية زوجة بروعونية بالبيت. بس هي بنت ناس وطيبة وماتحجي شي وهو استغل هذا الشي يوم عن يوم گام يتقوة عليهة وهي ساكتة حتى اهلهة كوة يوديهة مرات اسمعهة شلون تتوسل حتى يحن عليهة ويوديهة لاهلهة خطية بنية فقيرة ومبينة تحب ياسر بس مع الاسف ياسر ما قدر النعمة اللي بين ايدة ورفسهة بساعة شيطان ضيّع كلشي انتبهت على على ياسر جسمة هزل وامي كل يوم على نفس القوانة ام عمار -يمة ياسر مابسك ماشبعت قهر والله راح تموتي بحسرتي عليك ليش يمة تسوي هيج بية ليش يمة وياسر مدنك وما يحجي شي بيبيتي الحجية -ولك ياسر ماترد على امك تشوفهة مثل الطير المذبوح ولك احجي وبرد گلب امك هاي گلب والدة لاتخليهة تجر حسرة يمة هذا كلة مو زين عليك ترة الله يغضب عليك من يشوف شالع گلب امك عليك ياسر وبصوت ناصي-تطمني يمة والله كلشي مابية بس راسي يوجعني من الدوام ودوخت الدوام واليوم جابو للمستشفى هواي جرحى لان صاير اليوم انفجار بوحدة من السيطرات ورايحة بيهة هواي وادم وبقينا اني وجماعتي الدكاترة بس نركض نريد نسد النقص اللي موجود بالكادر الطبي بالمستشفى لان عندنا كم دكتور مسافر ايفاد لخارج العراق ام عمار-الله يطمن بالك يايمة اني شريد منك كلشي ما اريد بس اشوفك سالم طمني على امريتك شلونهة اليوم ياسر وبحسرة -زينة الحمدلله مثل كل مرة بعدهة بالغيبوبة وخلال ذيج الايام اللي فاتت تبارك صديقة زهراء كل خميس تجي للمستشفى على زهراء وتگعد مع صديقتهة العزيزة زهراء وتقرالهة قران وتكعد تسولف وياهة وصارت عندهة هاي العادة لان حست بالذنب باتجاه صديقتهة ما كدرت تساعدهة لان في يوم من الايام من داومت بالمدرسة لكيت زهراء غايبة واتصلت عليهة محد رد ونوب رجعت مرة ثانية اتصلت على زهراء لكتة مغلق استغربت ويوم ثاني هم زهراء غايبة اني هنا حسيت اكو شي طعبا هي سنتين مدة صداقتنا بس جانت اعز علية من صديقاتي اللي كضيت وياهن سنين الدراسة لان زهراء كلش طيبة وهواي تساعدني بكلشي جانت حالتيي المادية بذيج الايام ضعيفة والراتب جنت من استلمة گبل يروح بيد عمتي وجنت اسولف واحجي لزهراء على ضيمي وية عيالي بس رجلي زين وحباب خطية هو يصير نائب ضابط ودوامة يكون اسبوع يمنا واسبوعين بالواجب يعني حيل متعب بس هي العيشة صعبة ماكو واحد مرتاح ووجانت عمتي من تاخذ الراتب مني ماتبقيلي شي تگول رجلج ينطيج مصرف بعد شلج بالفلوس واني جاي اتسوك للبيت ههه لا ومسوية فضل فوك راسي انة جنت ما احجي شي اسكت وانجب بس اريد اعيش بركبتي ثنين اولاد صغار وجنت اشتكي لزهراء ضيمي بس جانت حيل حنونة مرات خطية تحضني ومرات اشوفهة تخلي امهة تخيط بجايم لاولادي او مرات توصي امه تخيطلي دشاديش او سودة علية تسويلي كيكة وتكلي هاي للاولاد من غير على كم مرة بمرة تسد عني هواي دروس وشواغر الله الشاهد صداقتي وياهة مو علمود مصلحة وان هي لان تسوي وياي هيج اني اصادقهة لا والله الله الشاهد اني حبيتهة من اول يوم شفتهة بالمدرسة وبقينا سوية وحدة تشيل هم الثانية ومر اسبوع على غياب زهراء واني ما اعرف اسئل منو ولا اكدر اروح لبيت عيالهة استحي وست فوزية عمة رجلهة هم ما گامت تداوم وضليت احوم ومابيدي شي وليش ما يوم من الايام وبالحلة اجة السايق واخذنا ومثل كل مرة يصير بيت عيال زهراء بطريقنا نمر عليه واشوفلك لمة رياجيل نازلين ما السيارات وشفت بعد هواي اكو سيارات صافة يم بابهم استغربت درت وجهي على ست امنة تبارك-ست امنة بيت عيال زهراء شبيهم شصاير عندهم ست امنة-والله ياخية سمعت عندهم طلابة وعندهم ابن عمهم متصوب واصابتة خطرة ويكلك عشيرة بيت سلمان حركو السلف حرك البارحة بالليل بالرمي تبارك -ياااا اشوف زهراء ماكو هسة تلكيهة غركانة بالشغل وناسية روحهة لان همة دواوينهم معزبة وثكيلة امنة -اي حتى ست فوزية ماكو والله وعدت الايام وزهراء مامنهة خبر اني يوم عن يوم تكوم الافكار تاخذني وتجيبني فيوم من الايام كلت بعد مابيهة مجال اشوف يوم و اخذ اذن من المديرة حتى لو نص ساعة واروح اشوف شبيهة زهيرة ماتطول علية هيج والله ويوم ثاني اخذت الاذن وقبلت المديرة اروح بس انطتني ربع ساعة لا اكثر والله على ما وصلت ودكيت الجرس وطلعلي البنكالي وراح هو دخل يصيحلهم واني ظليت واكفة بالباب على نار احسّب للوكت والله اجت ابنية شابة اني شايفتهة بعرس زهراء وعرفتهة اسمهة اسيل اخت ياسر خطية من وصلت للباب وعرفتني اتغير لون وجهة ما اعرف ليش تبارك-هلة خية شلونج انتي موحماة زهراء؟ البنية جاوبت بارتباك -اي اني حماة زهراء تبارك-اني صديقة زهراء معلمة وياهة بالمدرسة عرفتيني اسيل -اي اي عرفتج تعالي تعالي تفضلي فوتي جوة ليش واكفة بالباب تبارك -لاخية ماعندي وكت والله بس اجيت اتطمن على زهراء اشو ماكو لاترد على نقالهةمن اتصلت وبعدين نقالهة صار مغلق ظل بالي عليهة هنا اسيل ظلت تبلعم -هَـا اة ة ة زهراءمو بالبيت زهراء مسافرة تبارك رفعت حاجب بمعنى ان ما اقتنعت بالحجي مال اسيل تبارك وخلص وكتهة ولازم ترجع -لعد هذا هوة اهم شي زهراء ما بيهة شي الحمدلله من تحجين وياهة كليلهة تبارك اجت وسئلت عليج رجعت للمدرسة واني مامقتنعة بكلام اسيل اخت ياسر لان هي مبين عليهة ماتعرف تجذب بسرعة يبين على وجهة ورة يومين رجعت ست فوزية للدوام وزهراء ماكو اني اعرف احس اكو شي صاير بزهراء واني ما اكدر اوصللهة دخلت ست فوزية والمعلمات كامن يسلمن عليهة ويتحمدن. على سلامة ابن عمهم لان الطلابة بهاي الايام كلهة ببيت اخوهة الشيخ سلمان تبارك رحت يمهة وسلمت عليهة تبارك-هلة بام عزام الحمدلله على سلامتكم الله يكفيكم الشر ست فوزية -الله يسلمج خالة ويحفظلج غاليج تبارك -اكول صدك ست فوزية زهراء شلونهة ست فوزية -هَـا زهراء زينة تبارك -ليش ماجاي تداوم ست فوزية هَـا -خطية زهراء مريضة وماتكدر تطلع تبارك هنا اتأكدت ان زهراء بيهة شي ومحد يقبل يحجي لان كلام ست فوزية مو مثل كلام اسيل وحدة تگول مريضة الثانية تگول مسافر من حرگت گلبي سحبت ست فوزية من ايدهة وطلعتهة بالساحة مالت المدرسة تبارك -شوفي ست فوزية اني سكتت وما حجيت شي گدام المعلمات احتراماً الج ست فوزية بارتباك-شنو قصدج ما افتهمت تبارك- شوفي حبيبة اذا ما مفتهمة اني اگلج زهراء صاير بيهة شي وانتوا محد يقبل يحجي ست فوزية وبحسرة لمعت الدمعة بعيونهة - والله ياتبارك ما اعرف شنو احجي ومنين ابدي بس حبيبة كل اللي راح اكدر اگولة ان زهراء بالمستشفى صارلهة سبوع وهي داخلة بغيبوبة وحامل تبارك لطمت على ص*رهة بشهكة- يمة دخيلك ربي هاي شوكت وشلون وليش محد يقبل يحجي يعني معناهة احد مأذيهة منكم تبارك وهي تبجي -احجي كولي لاتظلين ساكتة فوزية دنگت وحجت السالفة كلهة لتبارك وتبارك مصدومة من اللي جاي تسمعة واللي صار بصديقتهة فوزية -تبارك حبيبة احلف بعزبز گلبج ماتگولين لاحد على اللي گلتة الج حبوبة ترة اهلهة ماعندهم علم حسبالهم واگعة من الدرج تبارك من خلص الدوام اني رحت كبل واني بهدوم المدرسة بوجهي للمسشفى وشفت زهراء حالهة مايسر لاعدو ولاصديق متت قهر عليهة يمة هاي زهورة الوردة الي جانت اخدودهة مثل التفاحة هيج صاير بيهة يمة سودة علية وشفت امه وسلمت عليهة وكعدت يمهة بس اجت الممرضة وكالت خلص وقت زيارة المريض سلمت على ام زهراء وطلعت واني صارت عندي غصة بحنجرتي عمار رحنا اني وياسر وابن عمي هشام للمستشفى علمود هشام يروح يجيك ويفحص ص*ره طبعا هو مرت تقريبا ثلاث اشهر على اصابة هشام بس اني دائما الح عليه ان يراجع الدكتور علمود جرحة وهو مرات يعاند وما يقبل يروح گمت انة اخذة بيدي للدكتور لان هو لو عليه مايروح فمرة من المرات كال ياسر تعالو وياي للمستشفى اللي بيهة زهراء ياسر -عمار تعالو وياي اعرفكم على صديقي دكتور اختصاص ص*رية و باطنية كلش شاطر وحجيتلة على حالت هشام وهو گال من تجي جيبة وياك حتى اجيكة هشام دخلت للمستشفى وية اولاد عمي بعد ما لحو علية الا ياخذوني للدكتور ويشوفون حالتي لان مرة تورطت على عمري وكلت لعمار احس اكو بزة بص*ري وياريتني ماحجيت اكل گلبي اكل الا ياخذني للدكتور بيدة والاستاذ مصدك روحة مسوي نفسة براسي ماما انيسة ابن الاوادم بس والله اتخبل من ريحة المستشفيات كبل ادوخ من ريحة الديتول من دخلنا للمستشفى راح ياسر دخل جوة يم الدكتور وانة وعمار بقينة ننتضر برة وانة واكف حسيت بدوخة من ريحة الديتول عمار التفت عليه عمار بخوف-هاولك جنك راح تطيح علينة شنو دخت هشام -لاوالله لعبت نفسي من ريحة الديتول عماربضحكة-هذا الطول والعرض كلة واللي يشوفك يحوفك وتدوخ من ريحة الديتول ولك طاعت بوخة اكعد هنا خلي اروح اجيبلك عصير شي هشام ظليت كاعد شوية وكمت شفت مناك ليغاد بنهاية الممر اكو براد ماي گمت رحت اشرب ماي واني امشي بأتجاه البراد شفت وحدة وكفت قريب على البراد ولابسة نقاب انتبهت عليهة تتلفت يمنة ويسرة خطية وشفتهة رفعت النقاب ومسحت دمعة من عينهة وشربت كاسة الماي اني هنا صرت قريب عليهة 7 بس دخيلك يالعباس شنو من حسن شايلة جان النقاب مرفوع فوك راسهة وسواد العباية محوط وجهة تگول عبالك بدر منور انة ماحسيت على روحي من حجيت هشام -ماشاء الله تبارك الرحمن البنية گمزت وبسرعة ردت البوشية على وجهة وعافت كاست الماي على النص وراحت تركض دخيلك يالله من كمزت وباوعتلي بعيونهة جنهة عيون بزونة اني هنا ظليت ارجف واباوع عليهة شلون راحت تركض لنهاية الممر وع**ت على الممر الثاني واختفت عن الانظار اني عاينت على البراد شفت جانت كاسات بلاستك شفافة ويعني الواحد يسحب الكاسة من السيت ويشرب ماي وانتبهت على على كاس الماي باقي بيهة ماي على النص خطية ماكملتة لان خرعت الفرخة وخليتهة تنهزم بس تضحكون علي لو اكللكم اني شربت من نفس الكاس اللي شربت بي ماي وعقجت الكاس وخليتة بجيبي مال القميص تكولون مبالغ بالامر بس راح تعذروني اذا شفتوا اللي شفتة انة شفت حسن وجمال وحشمتهة زادت من جمالهة اجة عمار حط ايدة على جتفي عمار -هاك اخذ اشربلك شوية عصير هشام وهو صافن ورايح لغير عالم جر حسرة طويلة-اخ الله عمار -هاخوية شبيك مو على بعضك يوجعك شي هشام ويحط ايدهة على ص*رة ويلزم جيب القميص اللي بيه كاست الماي البلاستك - اي خوية گلبي خوية گلبي اتسلب عمار وهويسحب ايدي -يالله امشينا خلي نروح لياسر ويدخلنا على الدكتور يالله بسرعة 6 هشام واني امشي بثگل وعمار يسحب بيدي واني عبالك مخدر هشام - عمار تأمن بالله عمارالتفت على هشام-شنو شبيك شجاك تحجي بالالغاز هشام -ولك شحجي سالفتي لو هسة اسولفهة للمخبل ما راح يصدكني ولك عمار گلبي وگع وعثر بحورية سبحان الخالقهة اعرف بيك راح تكول شبيك ما شايف نسوان راح اكلك اي ماشايف هيج جمال وحشمة وستر ولك عمار هي لحظات والله لحضات مو هواي بس بس گلبي تعلك بيهة عمار وهويضحك وضرب على كتف هشام -اي يخوي حكك العشك مو بيدنا يخوي هذا يجي طارش مثل الخطار يدخل فجاءة للگلب ما يستأذن ياسر-شنو وين صرتوا صارلي ساعة ادور عليكم يالله تعالو للدكتور ينتظرنا راح عمار وهشام وياسر بباب غرفة الدكتور صادفنا رجال جبير ووياه ثلاث نسوان وحدة مرة جبيرة بالعمر وثنين لابسات نقاب هشام اني شفت وحدة من هذني المنقبات تتلبد بين المرة والرجال الجبير سمعت ياسر -هلة عمي شلونك شخبارك ابو زهراء-هلة بوية ياسر گواك الله ان شاء الله بخير بشر شلون صارت صحتك ياسر -الحمدلله عمي والتفت ياسر للمرة الجبيرة وباسهة من راسهة -شلونج عمة ان شاء الله بخير ام زهراء -هلة يمة ياسر شلونك ظل بالي عليك طمني عمار سلم على ابو زهراء ومستحي من عندة على سوايتهم وية بنتة -شلونك عمي شخبارك ابو زهراء -هلة ابو ياسر گواك الله التفت ياسر على هشام ياسر يأشر على هشام -عمي اعرفك ابن عمي خليصي هشام والتفت على هشام هذا عمي ابو المرة ابو زهراء-هلة بوية اتشرفت بمعرفتك هشام وگلبة گام يدك حيل عبالك راح يخطبونة -هلة بيك عمي اني (الاشرف ) 15 هنا ياسر وعمار وكعو بالگاع من الضحك على منظر هشام وفلتت اللسان وابو زهراء بلعهة وماحجة شي وحدة من المنقباب سلم عليهة ياسر ياسر -هلة ام محمد شلونج خوية زينب وبصوت ناصي -هلة خوية بخير ما دام انت بخير هشام بالة يم ياسر وعيونة على البنات المنقباب يريد يعرف ياهي منهن اللي جانت يم البراد گلبي انخمش من سمعت ياسر حجة وية البنية وگللهة ام محمد التفت ياسر ياسر -هلة خوية زينة شخبارج و شلونج بالمدرسة زينة وهي مدنكة وبصوت كوة ينسمع- الحمدلله بخير وصارت ورة ابوهة بس قبل لاتصير ورة ابوهة رفعت راسهة شوية واجت عينهة بعيني ونزلتهة بسرعة هشام اخ الله هي هي هي والله هي والله والله هي تخربطت احوالي ومااعرف شحجي 6 ياسر -يالله هشام امشنا الدكتور ينتظر هشام واني من الفرحة حلكي ما اندلة وما اعرف شحجي هشام - ها بكيفك تريدنا نروح

Free reading for new users

Scan code to download app

App Store Google Play

Facebookexpand_more