ISINUNOD na nga ng waiter ang isang case na alak at inilagay sa likod ng sasakyan. Inabutan naman ni Andrew ng tip ang waiter at sinabing, "Salamat."
Habang nagmamaneho si Andrew ay pasimple nitong tinitingnan si Amanda.
"Kung alam ko lang na makikipag inuman ka pala sana manlang sinabihan mo ako, para nasamahan kita hindi 'yong dalawa lang kayo ni Mayet. Paano kung napano kayo? Kita mo nga pinapalibutan ka ng mga kalalakihan. Paano kung hindi ako dumating? Tapos nilagyan nila ng pampatulog ang iniinum mo. Sa tingin mo? May tutulog ba sa 'yo kapag gano'n ang nangyari? Wala 'di ba?" Mahabang sermon ni Andrew.
"Ano bang problema mo? Hindi naman ako nasaktan o nabawasan, saka ano ako baliw? Na sasama sa hindi ko kilala. Doon ko lang naman sila nakilala nakipag kwentuhan lang," sagot naman
