TAHIMIK lang akong nakaupo sa taas ng bangka kasama si Aless na siyang kasalukuyang nagsasagwan. Hindi ko alam kung saan kami pupunta pero ang sabi niya sa akin ay manghuli raw kami ng isda, ayaw pa nga niya ako pasamahin pero nagpumilit ako at sinuot na lang ang nabasa kong suot kagabi.
Pareho kami walang kibo na akala mo'y hindi magkakilala, ewan ko ba, pero ang tahimik niya mula pa kanina, sinasagot lang ako kapag may tinatanong ako, pero kapag wala, hindi niya ako pinapansin. Nakakapanibago lang kung bakit naging malamig bigla ang pakikitungo niya sa akin. Dahil kaya sa nangyari kagabi? Pero ang weird naman kung 'yun ang dahilan niya, eh matapos lang naman niya akong halikan kagabi ay natulog na nang patalikod sa akin. Nakapagtataka lang talaga, mas sanay kasi ako sa sama ng bibig niy
