“Wala ka palang balak magmahal muli, bakit mo binuntis si Maxine? Bakit ka gumawa ng batang kahit kailan ay hindi mo pala mabibigyan ng kompletong pamilya? Selfish ka na, anak. Hindi ka dating ganyan. Sana, kung wala ka palang balak magmahal muli, hindi ka nag-anak. Walang sinumang anak ang deserve magkaroon ng broken family. Isipin mong si Damian ay si Jessie, gugustuhin mo bang maging broken family si Jessie?”
Huminga siya nang malalim. “Magkaiba si Grace at Maxine, ‘nay. Asawa ko si Grace—”
“Asawa nga, ngunit patay na. At si Maxine, sino siya? Siya lang naman ang ina ng anak mo! Ayaw ko nang makipagusap at makipagtalo sa isang taong sarado ang isip! Nasayo naman na ang anak mo, hindi ba? Makuntento ka na! Huwag mo nang pabalikin dito si Maxine para saktan mo! Tapos ano, sa ibang kwart
