Pinigilan ni Grace ang bibig niya sa pamamagitan ng daliri nito. "Alam ko lahat, Dimitri. Pero hindi ako nagagalit sayo. Tulad nga ng sabi ko, kami ni Jessie ay nasa buhay na walang hanggan na. Pero ikaw, nabubuhay pa, tuloy lang ang buhay para sayo. Kailangan mong umusad. Hindi mo kailangan ma-stuck sa pagkamatay namin ni Jessie. Bata ka pa, Dimitri. Hindi masamang gumawa ka ng bagong pamilya mo at mag-aalaga sayo,"
"Pero hindi ko mahal ang babaeng 'yon! Anak lang ang gusto ko! Siya ang pumatay sayo!" galit na galit na sambit niya.
Napabuntong-hininga si Grace at parang nadidisappoint ito sa kanya. "Aksidente ang lahat, Dimitri. Walang may ginusto ng aksidente, noong gabing 'yon, pwedeng mamatay tayong lahat. Pero hindi. Kasi may dahilan ang lahat. Huwag mong isisi sana sa kanya ang lah
