"KAHIT hindi mo sabihin, I will stay by your side. Hinding hindi ako aalis kahit hindi mo na ako kailangan at kahit hindi mo ako kailanganin, kailangan pa rin kita. Mahal kita kaya dito ka lang sa akin. Mananatili rin ako sa tabi mo!" Seryosong sabi ni Dax. Malalim siyang nakatitig sa mga mata ko kaya nararamdaman ko ang bawat salitang sinasabi niya. Parang nalusaw naman ang puso ko, hindi lang dahil sa titig niya kundi dahil na rin sa sinabi niya.
Tumutol naman ang isip ko dahil pakiramdam ko ay parati ko siyang kakailanganin. Parang hindi ko makita ang oras na hindi siya kailangan dahil nasanay na akong parati siyang nasa tabi ko. Parati niyang sinasabi na kailangan niya ako pero pakiramdam ko ay mas kailangan ko siya. Hindi ko alam kung dahil ba sa siya ang gamot sa sakit ko o dahil si
