PAGPASOK namin ni Dax sa pinto ng bahay namin ay nasalubong namin si Manang Cora.
"Saan kayo galing na dalawa? Akala ko natutulog na kayo sa mga kwarto niyo. Mabuti hindi ko pa na-lock ang mga pinto." Sabi ni Manang Cora nang makita kaming pumasok sa pinto.
"Nasa garden lang po kami, Manang!" Agad kong sagot.
"Garden? Sa ganitong dis-oras ng gabi?" Nagtataka niyang tanong.
"May pinakita lang po ako kay Macy!" Sagot naman ni Dax.
"Pinakita? Ano po 'yun?" Biglang dumating si Ate Marites at napatanong sa amin. Napakamot naman ng ulo si Dax. Bigla ako nag alala na baka makahalata sila.
"Yung kuliglig po. Pinakita ko lang po sa kanya yung itsura ng kuliglig." Sagot ni Dax na bahagyang natawa.
"Ay ano bang itsura ng kuliglig. Hindi pa kasi ako nakakakita nun?" Usisang tanong ni Ate Mari
