“Aba Teacher Nikki, naligaw ka ‘ata,” bati sa akin ni Kuya Jimmy ng makita akong papasok sa AVA. Dito ako dumirecho pagkagaling ko sa Cavite. Hindi ko alam kung saan ako pupunta. Tulad ng dati, para na naman akong tupang naliligaw dahil bumalik sa sistema ko si Javier.
Okay na ako, eh. Malapit na akong maka – move on. Unti – unti ko ng natatanggal sa sistema ko si Javier. Pero bakit bumalik na naman siya?
“Nandiyan na si Lily?” tanong ko.
“Nasa dressing room. Pasok ka na lang,” sabi niya sa akin.
Dire – diretso ako sa dressing room at naabutan ko si Lily at Ava na nag – uusap na parang seryosong – seryoso. Parang nagulat pa ng makita ako.
“Nikki! Buti naman at nadalaw ka?” si Ava iyon at yumakap sa akin.
Tumango lang ako at pahilatang naupo sa couch.
“May alak ka ba diyan
