Unti-unting lumuwag ang private room ni Piper. Matapos ang mahabang oras ng mga bisita, isa-isa nang nagpaalam ang mga La Huerta ang Mommy Lyza ni Jeric na halos ayaw pa umalis, si Jared na paulit-ulit pang sumisilip sa baby pictures na ipinakita ni Jeric, at higit sa lahat si Jyra na nonstop kung magkuwento ng mga kalokohan ni Jeric noon kabataan ng mga ito.
“Piper, promise, babalik ako bukas ha!” masiglang sabi nito habang nakatayo sa may pinto.
“Hindi pa ako tapos magkwento—grabe, ang dami ko pang chika sa’yo—”
“Jyra,” sabat ni Lyza, hinila na ito sa braso.
“Tama na. Ako ang naririndi sa'yo.”
“Eh excited lang naman akong siraan si Jeric."
“Alis na,” mas firm na utos ni Jeric na napapailing na sa kadaldalan ni Jyra. Napairap naman si Piper kay Jeric habang pinapanood silang pala
