Malamig ang hangin ang sumalubong sa kanila sa loob ng conference room ng ospital. Amoy antiseptic ang hangin na nang gagaling sa aircon. Pero kahit malamig ang hangin kakaiba pa rin ang bigat na dala nun para kay Jeric. Nakatayo si Jeric sa gilid ng mesa, parehong kamay nakasandal doon, bahagyang nakayuko ang ulo. Hindi niya alam kung ilang beses na siyang huminga nang malalim simula nang tawagin siya ng mga doktor.
Sa kabilang side naman, nakaupo si Mang Pio—tahimik, halatang kabado ang mukha, pero halatang pagod na din. Ilang buwan na ring ganito. Ilang buwan nang nakahiga si Piper, ilang buwan nang lumalaban, ilang buwan nang hindi sigurado kung gigising pa ba siya kinabukasan. Kagagaling palang ni Mang Pio heto at si Piper naman ang nakikipag laban sa buhay nito. Napalingon pa sila n
