Mabigat ang pagdating ng sasakyan sa bakuran ng La Huerta Estate, hindi iyon simpleng pag-uwi o pagdalaw sa hacienda, naroon sila para tapusin ang isang problema ng anak nila. Pagbukas pa lang ng pinto ng itim na SUV, unang bumaba si Lyza. Nakataas ang noo ang tindig, matalim ang tingin, at bakas agad sa mukha ang galit na hindi man lang niya itinago. Sumunod si Jared, tahimik pero halatang seryoso—at sa likod nila, isang lalaking naka-barong, may bitbit na attache case. Family lawyer nila na isinama nila para sa legal na usapan.
“Nasaan sila?” malamig na tanong ni Lyza sa unang kasambahay na nasalubong.
“Ma’am… nasa main house po. Nandoon po sina Ma’am Bia at ang pamilya niya.” Hindi na nagsayang ng oras si Lyza. Dire-diretso siyang naglakad papasok, halos hindi na hinintay si Jared at
