"Nasusuka ka ba? Gusto mo bang igawa kita ng soup para mainitan 'yang sikmura mo?" tanong niya kay Kazimir na kanina pa nakasandal sa upuan na nasa loob ng kuwarto nila habang nakapikit ito. "Alam mo lagi ka na lang ganiyan. Kapag hindi mo na talaga kaya saka ka titigil sa pag-inom. Hindi mo ba kayang baguhin 'yan, Kazimir Alonzo?"
Hinatak siya nito at pagkatapos ay yumakap ito sa baywang niya.
"Baby, kasal naman natin ngayon, 'di ba? P'wede bang 'wag mo na muna akong awayin ngayon? Alam mo bang masamang mag-away kapag katatapos lang ng kasal?"
Pinakalma niya ang sarili dahil may punto ito. Minsan lang naman talaga uminom si Kazimir kaya lang iyong sagad-sagad naman.
"Nahihilo na nga ako tapos inaaway mo pa ako," parang bata nitong usal. "Alam mo ba na dapat nagha-honeymoon tayo ngay
