"Baby, anong oras na ba?" tanong ni Kazimir sa kaniya. "Hindi pa ba umaga?"
"Alas-kuwatro na."
"What?"
"Oh, bakit?"
"Hala!" Nagmamadali itong bumangon at halos madapa pa ito nang bumaba ito sa kama. "Pupunta kami ngayon sa taniman ng mani, eh."
"Hindi ba masakit ang ulo mo? P'wede ka naman sumunod na lang doon kung gusto mo, eh."
"Hindi puwede, Baby! Sabay kaming aalis ngayon kasama ang mga kaibigan ko dahil pare-pareho kaming nangako kahapon na tutulong kami sa Daddy mo."
"Kung gano'n, kumain na kayo ng almusal sa ibaba." Maagang nagluluto ng almusal sina Aling Feliza at Aling Flora lalong-lalo na kapag sinabi ng Daddy niya na madaling-araw itong aalis.
Ang daddy niya kasi ay napakaaga talagang gumising.
Exercise raw kasi nito ang maglakad-lakad kaya naman pati ang mommy niya
