"Congratulations, Dude! Congratulations, Hope!" bati ni Nicholai sa kanilang dalawa ni Hope.
"Congrats, Dude, Congrats, Hope!" bati naman ni Francis. Hinanap ng mga mata niya si Genesis pero hindi niya ito makita.
"Congratulations, Son," bati ng daddy niya na halos sa ibang bansa na nakatira. "Mabuti naman at ikinasal ka na para tumino ka."
"Dad!" angal niya. "Matino ako, 'no!"
"Alam ko naman na matino ka pero mas lamang 'yong pagiging siraulo mo."
"Kapag iniwanan ako nitong asawa ko sisihin ko po talaga kayo," wika niya sa ama na tuwang-tuwa na nakikita ang paglukot ng mukha niya.
Mayamaya pa ay si Hope naman ang binalingan nito at pagkatapos ay niyakap nito ang asawa niya samantalang siya ay hindi man lang nito niyakap.
"Simula ngayon ay nasa iyo ang karapatan para palayasin 'ton
