"Tulog na siya," bulong niya kay Hope dahilan para bigyan nito ng espasyo ang anak nila.
"Dito mo ilagay sa gitna si Kaizer para hindi malaglag," utos nito. Paano niya ito mayayakap kung nasa gitna nila si Kaizer? Hindi naman yata tama iyon.
Imbes na ilagay niya sa gitna nila si Kaizer ay sa bandang dulo niya ito inilagay. Malabo rin naman na malaglag ito lalo na't napakalaki ng kama niya.
"Bakit diyan mo inilapag 'yang anak mo?" tanong nito at bahagya pa siyang hinampas ng unan. "Sabi ko dito sa gitna, eh. Kapag 'yan nalaglag, malilintikan ka talaga sa akin. Ang tigas din ng ulo mo, eh."
"'Di naman malalaglag 'to. Ni hindi nga gumagalaw 'tong anak mo habang tulog, eh," sagot niya. Inilapag niya ito ng nakatihaya pero tumagilid naman ito ng higa habang sinisipsip nito ang hinlalaki n
