"Gusto ko ng ice cream at saka burger–" Napahinto siya sa pagsasalita nang makita niya ang mukha ni Kazimir.
Ang mukha nito ngayon ay daig pa ang nakipagsapalaran ng paulit-ulit pero walang nangyari.
"Ba't ganiyan ang mukha mo? Ano'ng nangyari sa iyo?"
Nakaupo si Kaizer sa kandungan nito habang sinusubuan nito ang anak nila ng dinurog na kalabasa at patatas.
"Si Kaizer kasi nagising ng sobrang aga, eh. Hindi ko maintindihan dito sa anak mo kung bakit gising 'to sa gabi tapos tulog sa umaga. Kung hindi lang 'to paslit, iisipin ko talaga na nag-aadik 'tong anak mo. Sobrang sakit ng ulo ko, parang binibiyak."
"Ako na ang magpapakain kay Kaizer para makatulog ka."
Umiling ito sa gusto niyang mangyari. "Kaya ko pa naman. Alam mo naman na bawal kang magbubuhat, eh."
Walong buwan na siy
