"Ayos na ba ang pakiramdam mo?" tanong niya sa asawa niya nang makita niya ito na nakaupo na sa ibabaw ng kama nila. "Halika na, kumain na tayo. Kanina pa nga sana kita gigisingin kaya lang ayaw kong maistorbo ang pagtulog mo, eh."
"Ayos lang ako, Baby. Saan nga pala si Kaizer? Inaalagaan pa ba ni Edna?"
Inginuso niya ang anak nila na payapang nakahiga sa crib kaya naman nakahinga ito ng maluwag.
Nang makita nito ang anak nila na natutulog ay humiga ulit ito.
"P'wede ba akong matulog ulit, Baby?"
"Kumain ka muna bago ka matulog ulit."
"Mamaya na lang. Hindi na kasi ako makakatulog ulit kapag kumain ako, eh."
"Sige."
"Ikaw? Kumain ka na ba?"
"Tapos na."
Tumango-tango ito at ngumiti. "Mabuti naman kung ganoon. Huwag kang gumawa ng mga gawaing bahay dahil baka madisgrasya ka, ha. H
