Kring-Kring's POV
"HINDI KA LALAPIT SA KANIYA, KRING!"
Isang pamilyar na boses ang aking naulinigan sa aking likuran at nang lumingon ako, kitang-kita ko ang pagbukas ng pintuan ng mansiyon. Lumabas si Iman. Matapang ang mukha nito. Hindi ko maaninag ang takot sa kaniyang mukha.
Kasunod naman sa kaniyang likuran ang aking mga kaibigan na halata kong ang iba sa kanila ay may bahid pa ring takot pero binalewala nila ito. Humakbang si Iman papunta sa aking harapan at muling nagsalita. Nakatingin ito sa direksyon ni Lourdes.
"Narinig mo ang sinabi ko, Lourdes? Hindi lalapit sa iyo si Kring-Kring. Ako ang harapin mo!" matigas ang boses ni Iman. At sinigawan niya pa talaga si Lourdes. Kunot ang noo nito at napakamot pa kunwari sa kaniyang ulo.
Ilang sandali pa ay narinig ko naming nagsalit
