ALY
"Hello everyone! Hindi ako kidnapper. Ako at si Angel Aly Reomoto ay legal na mag-asawa!"
Mga salitang ibinungad ni Giano sa press people. Malakas na bulungan ang naging tugon nila. Lahat ay nag-unahan na magtanong. Lahat ay gustong makakuha ng magandang balita. Nagkagulo sandali ang mga ito. Sa tulong ng kinuha ni Roldan na emcee ay naging maayos sila kinalaunan. Nagkaroon ng palitan ng question and answer. Inaasahan ko na ang mga tanong na manggagaling sa kanila.
"Sino ka? Ano ang pangalan mo? Paano kayo nagkakilala? Saan mo siya nakita? Sino ang saksi sa kasal n'yo?"
Ilan lang ang mga iyan sa tanong na sinagot namin ni Giano. Nanlalamig ang kamay niya na hawak ko sa ilalim ng mesa pero buong kumpyansa niyang sinasagot ang mga tanong. Sa galing n'yang magsalita ay hindi aakala
