ZIANNA
Matagal nagsalo ang mga labi naming dalawa. Para kaming uhaw sa labi ng bawat isa. Daig pa namin ang magkasintahan na hindi nagkita ng ilang araw samantalang kahapon lang ay magkasama kami at magkausap sa phone ng nagdaang gabi.
Mayamaya lang ay napaungol ako ng nilayo niya ang kanyang labi sa labi ko. Hinabol ko pa nga ang labi niya pero bigo ako. Pagmulat ko ng mata ay matamis niyang ngiti ang tumambad sa akin.
"Save your kiss later. And ready your lips because it might be swollen," he said mischievously. "I brought some food, let's eat first," sabi niya at bumangon sa kama.
"Saan ka pa ba galing?" Inalalayan niya akong bumangon.
"Sa opisina. May urgent meeting at kailangan kaming tatlo ng mga kapatid ko. Tinapos ko lang bago ako pumunta dito." Palabas na kami sa silid.
